Te Kura Kaupapa Māori o Otepou - 17/08/2015

Ngā Whakaaturanga

E tū ana Te Kura Kaupapa Māori o Otepou ki Welcome Bay, ki Tauranga. Ka kitea ki ngā ākonga te whakawhanaketanga o tā rātou eke angitu, ā, e tīmata ana rātou ki te whakatinana i ngā tūmanako me ngā wawata o ō rātou iwi. Kua pai ake te aronga ngaio a ngā kaiako, te poari, me te whānau. E arotahi ana rātou ki ngā putanga hua, te ahu whakamua, me te eke angitu hoki o ngā ākonga. He harikoa ngā ākonga, ā, e ako ana rātou.

1. Te Horopaki

E tū ana Te Kura Kaupapa Māori o Otepou ki Welcome Bay, ki Tauranga.

Mai i te tau 2013, kua tautoko mai tētahi Kaiwhakahaere Manatū ā-wā i te poari, te tumuaki hou, ngā kaimahi, me te whānau, ki te whakatutuki i ngā wāhanga i tāutuhia ai ki te pūrongo o mua a Te Tari Arotake Mātauranga, hei whakapai ake. Ko ngā kaimahi, te whakahaere i ngā pūtea, me ngā tukanga a te poari, tae atu hoki ki te whakamahere, te pūrongo, me te arotake whaiaro, ngā aronga a te Kaiwhakahaere Manatū ā-wā. Ka whai wāhi mai hoki tētahi kaitohutohu matua o Te Tāhuhu o te Mātauranga ki ngā hui ā te poari i ia te wā hei tautoko hoki.

2. Te Tino Uaratanga

He pēhea rawa te whakaatu a ngā ākonga i tō rātou eke angitu, me tā rātou whakatinana i ngā tūmanako me ngā wawata o ō rātou iwi?

E whakaatu ana ngā ākonga i te whakawhanaketanga o tā rātou eke angitu, me te tīmatanga o tā rātou whakatinana i ngā tūmanako me ngā wawata o ō rātou iwi.

Te Ira Tangata

He tākare ngā ākonga ki te ako. Ka ako rātou ki tētahi taiao e poipoi ana i a rātou, ā, e ahu mai ana i ngā tikanga Māori. E pou herea ana te tūtohinga me ngā tuhinga rautaki e ngā mātāpono o Te Aho Matua. Ko ngā uaratanga o te kura e whakatakoto ana i te tūāpapa o ngā tūmanako me ngā whakaritenga. Ka hāpai tēnei i te whai huatanga o te taiao nei mō te katoa. He harikoa, he tau hoki ngā ākonga.

Ka kitea te manaakitanga me te kotahitanga o ngā ākonga. E tino tautokona ana rātou e ngā kaiako me ō rātou whānau. Ka kitea te mauritau, te tūmāia hoki o ngā ākonga ki te kura. Ka aro nui, ka ngana hoki ngā ākonga ki te ako.

Te Reo

Ka rumakina ngā ākonga ki tētahi taiao o te reo me ngā tikanga Māori. Ka hāpai te poari, te tumuaki, me te whānau i ngā ākonga kia mātau ai tā rātou whakamahi, tā rātou kōrero hoki i te reo Māori. E whai hua ana te aronga ki te whakapakari ake i te āheinga o ngā kaiako. Ko ngā paetae ākonga o te wā nei e tohu ana i te tokomaha o ngā ākonga i piki ake ai i roto i te reo matatini. E mōhio ana ngā kaiako ki ngā ākonga hei hāpai ake tonu kia eke tika ai rātou ki ā rātou paetae e tika ana. E whanake ana te matatau o ngā ākonga ki te reo Māori.

E tino tautokona ana ngā ākonga kia ako, kia whakamahi hoki rātou i te reo Māori. Ka whai wāhi mai ngā mātanga reo Māori o te hapori nei, ki ngā taumahi ako a ngā ākonga. Ko ētahi o ngā rautaki ki te whakapai ake i te reo Māori, ko te ako i ngā waiata mā te whakarongo me te tākaro pohewa. Ka whakamahi ngā ākonga i te reo e tika ana ki te whānuitanga o ngā tūmomo horopaki. Ka ngākau nui ngā ākonga ki te whakapuaki i ō rātou mōhiotanga ki te reo Māori ki te taha o ngā manuhiri me ētahi atu ahurea. He pakari ngā ākonga i roto i tō rātou reo me tō rātou ahurea.

Ngā Iwi

Kei te mārama ki ngā ākonga te whakahirahiratanga o ngā tūmomo tūranga me ngā tūmomo kawenga mahi. Ka kawe rātou i te whakahaeretanga o ētahi o ngā kaupapa i te kura. Ko ētahi o ēnei, ko te ārahi i ngā pōwhiri, te wānanga o Matariki, me te rā whakamaumahara o ANZAC. Ka hāpai te whānau i ngā akoranga a ngā ākonga, ā, ka whai wāhi atu hoki i ia te wā ki ngā kaupapa i te kura. Ka tū pakari ngā ākonga ki te ārahi.

Te Ao

He mātātoa te whakatewhatewha, te tūhura haere hoki o ngā ākonga i te ao Māori me te ao whānui. Ka ako ngā ākonga i ngā āhuatanga e pā ana ki a rātou anō, ā, i tō rātou tūnga ki tēnei ao.

Ka whai wāhi ngā ākonga ki te kaupapa pūtaiao o te hapori nei, ā, ka tātari, ka aroturuki hoki rātou i te kounga o te wai o tēnei takiwā, me te whai pānga o tēnei ki ngā whakatupuranga kei te heke mai. Ka ako ngā ākonga i ngā tikanga me ngā kōrero tuku iho o te rohe nei, tae atu ki ngā whetū. Ko te whakanui me te ako i a Matariki i whakawhānui ai i te māramatanga o ngā ākonga i ngā whakanuitanga ake o ētahi atu ahurea, ki te motu, ki te ao whānui tonu. He pākiki, he mahira hoki ngā ākonga.

Āhuatanga Ako

Ka whakaongaongatia ngā ākonga, ā, ka ngākau nui ki te ako. Ka whakawhanake ngā kaiako i ngā hōtaka e hāngai ana ki ia ākonga. Ka whakamahia ngā rōpū iti me te noho a tētahi ki tētahi, hei whakatakoto i ngā mahi e tika ana, e whakawero ana hoki i ngā ākonga. Ko ngā ākonga hei hāpai ake tonu, ka tautokona i ngā taumahi ako e ngā kaiāwhina i āta whakangungutia ai. E ako ana ngā ākonga.

Ka arotahi ngā ākonga ki te ako. Kua whakapai ake ngā kaiako i te kounga o ā rātou whakaritenga whakaako. Ka whai kiko ngā mahere hōtaka, ā, ka hāngai pū ki ngā matea ako o ngā ākonga. He kaha ngā kaiako ki te mahi ngātahi, te ako a tētahi i tētahi, me te whai wāhi atu ki ngā whakawhitinga kōrero ngaio e whai pānga ana ki ngā whakaritenga papai. He pai te whakamahinga a ngā kaiako i ngā hotuku i nāianei, kia whai whakaaro ai rātou ki ngā taumata ako ka whāia tonuhia e ia ākonga. He pai ake te māramatanga o ngā kaiako i te ahunga whakamua o ngā ākonga me ngā paetae ākonga. He pārekareka te ako ki ngā ākonga.

Ngā wāhanga i tāutuhia ai e te kura hei whakawhanake ake

Ka whakamahi te poari me te tumuaki i te arotake whaiaro ki te tāutu i ngā wāhanga hei whakawhanake ake. Inā koa, kāhore te tūtohinga o te kura, ngā mahere rautaki, me ngā mahere ā-tau e hāngai ana ki ngā āhuatanga motuhake o tēnei hapori, tēnei taiao, ki tēnei rōpū ākonga tonu ki Te Kura Kaupapa Māori o Ōtepou. Kāhore ngā tuhinga kaupapa here me ngā aratohu whakahaere e hāngai ana ki te aronga motuhake i roto i te whakaako, te ako, me te kāwanatanga e hiahiatia ana e te whānau o te kura mā Te Aho Matua. Kua tāutuhia hoki e te tumuaki, e tika ana kia pai ake te whakaemi, te tātari, me te whakamārama i ngā aromatawai e pā ana ki te reo Māori, ā, tae atu ki te pānui me te tuhituhi hei hāpai ake i te tirohanga ā-kura ki ngā paetae ākonga i roto i te reo matatini. E tautoko ana Te Tari Arotake Mātauranga i te aronga a te poari i tēnei wā, me ngā huarahi whakawhanake ka whāia tonuhia.

3. Te Arotake Whaiaro me te Ārahitanga

Kua āta whakatōngia te arotake whaiaro ki te ahurea o te kura. E whai hua ana te whakamahinga a te poari, te tumuaki, me ngā kaiako i te arotake whaiaro hei āta tāutu i ā rātou mahi ka whai ake. E mōhio ana rātou, ko ngā paetae ākonga me te āhua o ngā mahi ki te reo matatini me te pāngarau, ētahi tino wāhanga hei whakapai ake. Kua whakaritea e te poari te whai wāhi pūmau o tā rātou ake ako, ō rātou ake whakaaro huritao. Whai wāhi atu ai rātou i ia te wā ki ngā whakangungu hei hāpai ake i tō rātou māramatanga me tā rātou whakahaeretanga i ō rātou tūranga me ā rātou kawenga. Kua whakapai ake te Kaiwhakahaere Manatū ā-wā, mā te mahi tahi me te poari, te whakahaeretanga o ngā pūtea me ngā kaimahi. He tino tūāpapa tā te kura i nāianei, mō te ahunga whakamua me te whakawhanake tonu ā meāke nei.

Ka kitea te whai huatanga o te ārahi ki ngā tūmomo reanga katoa o te kura. Kua whai hua te tumuaki hou ki te whakarite i te ngaiotanga, puta noa i te kura. He nui ōna tūmanako kia mahi ngātahi ngā kaiako ki te whakatairanga ake i ngā paetae ākonga. He pai hoki tana mahi ki te taha o te whānau o te kura me te poari, ki te whakawhanake i ngā hononga mahi e whai hua ana, e whai pūtake ana hoki. Kua pai ake te ārahitanga a te poari. E arotahi ana rātou ki te whakapai ake i ngā putanga mō ngā ākonga, me te āta whakarite kia kaha ai te tautoko i ngā kaiako me te tumuaki, me te āta whai rauemi hoki rātou kia eke angitu ai. Ko te whai wāhi pūmau me te tautoko ngaio hoki o te Kaiwhakahaere Manatū ā-wā me Te Tāhuhu o te Mātauranga i āta whai pānga pai ai ki ngā whakahaeretanga o te kura. E arotahi ana te whānau o te kura ki te whakapai tonutanga.

4. Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

5. Ngā Taunakitanga

E taunaki ana Te Tari Arotake Mātauranga, kia haere tonu ngā mahi a te whānau ki te:

  • arotake i te tūtohinga o te kura, ngā mahere rautaki, me ngā mahere ā-tau, me te whakawhanake i ngā taumata paetae ākonga e hāngai pū ana ki ngā ākonga
  • whakamahine i ngā tuhinga e pā ana ki ngā kaupapa here me ngā tukanga o te kura, kia hāngai ai ēnei ki te āhuatanga motuhake o te kura
  • whakapakari ake i te āheinga o te poari ki te whakahaere i ngā pūtea me ngā take kaimahi, tae atu ki te arohaehae i te tumuaki i ia tau.

Te Whakarāpopototanga

E tū ana Te Kura Kaupapa Māori o Otepou ki Welcome Bay, ki Tauranga. Ka kitea ki ngā ākonga te whakawhanaketanga o tā rātou eke angitu, ā, e tīmata ana rātou ki te whakatinana i ngā tūmanako me ngā wawata o ō rātou iwi. Kua pai ake te aronga ngaio a ngā kaiako, te poari, me te whānau. E arotahi ana rātou ki ngā putanga hua, te ahu whakamua, me te eke angitu hoki o ngā ākonga. He harikoa ngā ākonga, ā, e ako ana rātou.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Otepou, i roto i ngā tau e toru, arā, he arotake Te Rākeitanga.

Lynda Pura-Watson

Kaiurungi Whakaturuki Arotake Māori

08 Whiringa-ā-nuku, 2015

Ngā Kōrero e pā ana ki te kura

Te tūwāhi

Kei Welcome Bay ki Tauranga Moana

Te tau a te Tāhuhu o te Mātauranga

1873

Te tūmomo kura

Tau 1 ki te 8 Kura Kaupapa Māori

Te tokomaha o ngā ākonga o te kura

73

Te ira tangata

Kōtiro 37

Tama tāne 36

Ngā hononga ā-iwi

Māori

100%

Ngā āhuatanga motuhake

Te Aho Matua

Te wā i te kura te rōpū arotake

17 Here-turi-kōkā 2015

Te rā o tēnei pūrongo

08 Whiringa-ā-nuku 2015

Ngā pūrongo o mua a Te Tari Arotake Mātauranga

Arotake Mātauranga Te Aho Matua

Arotake Tāpiri Te Aho Matua

Arotake Mātauranga Te Aho Matua

Pipiri 2013

Whiringa-ā-nuku 2009

Pipiri 2008

Findings

Te Kura Kaupapa Māori o Otepou is in Welcome Bay, Tauranga. Students demonstrate that they are developing as high achievers who are beginning to exemplify the hopes and aspirations of their people. There is an improved sense of professionalism among teachers, the board and whānau. They are focused on positive student outcomes, progress and achievement. Students are happy and they are learning.

1. Context

Te Kura Kaupapa Māori o Otepou is in Welcome Bay, Tauranga.

Since 2013 a Limited Statutory Manager (LSM) has been supporting the board, new principal, staff and whānau to address the areas for improvement from the previous ERO report. Personnel, financial management and board processes including planning, reporting and self review were the focus for the LSM. A senior advisor from the Ministry of Education has been attending board of trustee meetings regularly to provide additional support.

2. Te Tino Uaratanga

How well do students demonstrate that they are high achievers who exemplify the hopes and aspirations of their people?

Students demonstrate that they are developing as high achievers who are beginning to exemplify the hopes and aspirations of their people.

Te Ira Tangata

Students are enthusiastic learners. They learn in a nurturing environment that is based on tikanga Māori. The charter and strategic documents are underpinned by the philosophy of Te Aho Matua. Kura values set the foundation for expectations and practice. This helps to create a positive environment for all. Students are happy and settled.

Students demonstrate manaakitanga and kōtahitanga. They are well supported by teachers and their whānau. Students show that they are comfortable and confident at kura. Students are responsive and interested learners.

Te Reo

Students are immersed in a te reo and tikanga Māori environment. The board, principal and whānau support students to be competent users and speakers of te reo Māori. The emphasis on building teacher capability is achieving positive results. Current student achievement data shows that many students have improved in te reo Matatini. Teachers are aware of students who require additional support to reach their expected level of achievement. Students are developing fluency in te reo Māori.

Students are well supported to learn and to use te reo Māori. Local te reo Māori exponents participate in learning activities with students. Strategies to improve te reo Māori include learning waiata through listening and imaginative play. Students use appropriate language in different contexts. Students enjoy sharing their knowledge of te reo Māori with visitors and other cultures. Students are confident in their language and culture.

Ngā Iwi

Students understand the importance of different roles and responsibilities. They take responsibility for managing some kura events. These include lead roles in pōwhiri, the Matariki wānanga and ANZAC day commemorations. Whānau involvement in the kura benefits students in many ways. Whānau help to support student learning and participate regularly in kura events. Students are confident leaders.

Te Ao

Students actively investigate and explore the Māori world and the wider world. Students learn about who they are and their place as global citizens.

Students participate in a local science project where they determine and monitor the quality of water in the local area and consider its impact on following generations. Students learn about local customs and traditions including Māori cosmology. Matariki celebrations and learning has extended students understanding of how other cultures celebrate nationally and internationally. Students are curious and inquisitive learners.

Āhuatanga Ako

Students are motivated and willing to learn. Teachers develop programmes to suit individual students. Small groups, and one to one support are used to set appropriate and suitably challenging tasks for students. Students who require additional support are supported during learning activities by well trained kaiāwhina. Students are learning.

Students are focused learners. Teachers have improved the quality of their teaching practice. Programme planning is detailed and specific to the learning needs of students. Teachers work closely together, learn from each other and engage in professional conversations about best practice. Teachers now use data well to consider next learning steps for individual students. Teachers have a better understanding of student progress and achievement. Students are enjoy learning.

Kura-identified areas of development

The board and principal use self review to identify areas for further development. In particular the kura charter, strategic and annual plans do not reflect the unique community, environment or the current group of students at Te Kura Kaupapa Māori o Otepou. Policy documents and operational guidelines do not reflect the unique approach to teaching, learning and governance adopted by this kura whānau through Te Aho Matua. The principal has also identified that assessment information about te reo Māori including reading and writing needs to be better collated, analysed and interpreted to help provide a school wide view of student achievement in literacy. ERO supports the current direction of the board and the next steps for development.

3. Self Review and leadership

Self review is now embedded in the culture of the kura. The board, principal and teachers use self review effectively to define their next steps. They know that student achievement and performance in both literacy and numeracy is a major area for improvement. The board has established their own learning and reflective culture. They participate in regular training to better understand and manage their roles and responsibilities. The LSM, with the board, has improved finance and personnel management. The kura now has a strong foundation for future progress and development.

Effective leadership is demonstrated at many levels of the kura. The new principal has successfully established a professional culture throughout the kura. She has high expectations that teachers work together to raise student achievement. She has worked well with the kura whānau and board to develop positive and productive working relationships. The board has shown improved leadership. They are focused on improving outcomes for students and on ensuring that teachers and the principal are well supported and resourced to excel. The commitment and professional support of the LSM and the Ministry of Education has had a positive impact on kura operations. The kura whānau are focused on continual improvement.

4. Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

5. Recommendation

ERO recommends that the whānau continue to:

  • review the kura charter, strategic and annual plans and develop specific student achievement targets
  • refine kura policy and procedure documents to reflect the unique character of the kura
  • build the board capability to manage finance and personnel matters including the annual appraisal of the principal.

Conclusion

Te Kura Kaupapa Māori o Otepou is in Welcome Bay, Tauranga. Students demonstrate that they are developing as high achievers who are beginning to exemplify the hopes and aspirations of their people. There is an improved sense of professionalism among teachers, the board and whānau. They are focused on positive student outcomes, progress and achievement. Students are happy and they are learning.

When is ERO likely to review the kura again?

The next ERO review of Te Kura Kaupapa Māori o Otepou will be in three years – Te Rākeitanga – Expansive Evaluation.

Lynda Pura-Watson

Deputy Chief Review Officer Māori

8 October 2015

Information about the Kura

Location

Welcome Bay, Tauranga Moana

Ministry of Education profile number

1873

Kura type

Years (1-8) Kura Kaupapa Māori

Kura roll

73

Gender composition

Girls 37

Boys 36

Ethnic composition

Māori

100%

Special features

Te Aho Matua

Review team on site

17 August 2015

Date of this report

8 October 2015

Most recent ERO report(s)

Te Aho Matua Review

Supplementary Review

Te Aho Matua Review

June 2013

October 2009

June 2008