Te Kura Kaupapa Māori o Rotoiti - 25/08/2016

Ngā Whakaaturanga

E tū ana Te Kura Kaupapa Māori o Te Rotoiti ki te taha rāwhiti o te roto o Rotoiti. Kua whakawhanakehia e te kura tētahi marautanga ā-hapori e hāngai ana ki ngā kōrero tuku iho, ki te reo Māori, ā, ki ngā tikanga anō hoki o Ngāti Pikiao. Ka whakanui te whānau i te kaha o te ārahitanga ngaio e whakaratohia ana e te tumuaki. Ka kitea te tūmāia ake me te kiritoa o ia ākonga, ā, e whakawhanake ana hoki rātou i ngā pūmanawa ki te ārahi.

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Te Rotoiti i roto i ngā tau e toru. 

1 Te Horopaki

E tū ana Te Kura Kaupapa Māori o Te Rotoiti ki te taha rāwhiti o te roto o Te Rotoiti. Koia nei anake te kura kaupapa Māori i roto i te rohe o Ngāti Pikiao. Koia nei hoki te arotake tuatahi o te kura, mā te whakamahinga o te anga Te Aho Matua. Kua whakawhanakehia e te kura tētahi marautanga ā-hapori e whai pānga nui ana ki ngā kōrero tuku iho, ki te reo Māori, ā, ki ngā tikanga anō hoki o Ngāti Pikiao. He tātai whakapapa tō te katoa o ngā ākonga me ngā kaimahi ki a Ngāti Pikiao, ā, e tino tautokona ana te kura e tētahi rōpū mātātoa o ngā kaumātua me ngā whānau o Ngāti Pikiao.

2 Te Tino Uaratanga

He pēhea rawa te whakaatu a ngā ākonga i ngā pūmanawa e pā ana ki te tūmāia me te ārahitanga?

Ka kitea ki ngā ākonga tō rātou tūmāia ake me te kiritoa, ā, e whakawhanake ana rātou i ngā pūmanawa ki te ārahi.

Te Ira Tangata

Ka whakamana ngā ākonga i tō rātou tuakiri. He pakari tā rātou whakapuaki i ō rātou whakapapa o Ngāti Pikiao, ā, i ō rātou hononga hoki ki ētahi atu iwi. Ka whakamahi ngā ākonga me te whānau i ngā waiata, i ngā karakia, me ngā mōteatea hei whakatairanga ake i tō rātou mōhiotanga ki tō rātou whānau, tō rātou hapū, me tō rātou iwi. Ka āta tūhonohono ngā ākonga ki ētahi atu mā te whānuitanga o ngā tūmomo horopaki. Ka whakatauira ngā kaiako i ngā hononga e ahu mai ana i te aroha me te awhi. Ka whakanui te whānau i ngā whakaritenga ki ngā akomanga, ā, ka tautoko rātou i ngā kaiako i roto i ngā haerenga me ngā kaupapa huihuinga ki te kura. Ka poipoi, ka whakapūmau hoki te kura i ngā tino hononga ki waenga i te kāinga me te kura. Ka whakapuaki ngā kaumātua me ētahi atu o te whānau i ō rātou mātauranga hei whakatinana haere i ngā kaupapa o te hōtaka akoranga. He tau ngā ākonga ki te taiao o te kura.

Te Reo

He pakari te whakamahinga a ngā ākonga i te reo Māori ki te whānuitanga o ngā tūmomo horopaki. Ka rongo rātou i ngā tino pou kōrero o te reo, ā, ko ngā kaiako me ngā kaumātua hoki ētahi o aua tino tauira. Ka whakamahi ngā kaiako i te whānuitanga o ngā tūmomo rautaki, tae atu ki te tīni kupu me te patapātai, hei whakawhānui ake i ngā whakaaro o ngā ākonga i roto i te reo Māori. Ka hāpai ngā ākonga i a rātou anō ki te kōrero i te reo Māori anake i te kura, ki tua atu hoki. Ka kitea te tūmāia o ngā ākonga ki te kōrero, te pānui, me te tuhituhi mā te reo Māori. Ka rongo, ka ako hoki rātou i ngā kīwaha, ngā whakataukī, ngā tauparapara, ngā mōteatea, me te mita hoki o Ngāti Pikiao. Mārakerake ana ki te whānau te whai pānga pai o te reo Māori ki ngā akoranga a ā rātou tamariki, me tō rātou whakawhanaketanga. Ka ako rātou i te reo Māori ki te taha o ā rātou tamariki, ā, ka whāngai hoki ā rātou tamariki i te reo ki a rātou. Ka whai wāhi atu ngā ākonga ki te hōhonutanga o ngā horopaki reo ki runga i te marae o Ngāti Pikiao, ki Ngā Whakataetae Manu Kōrero, me ngā poukai, ngā ahurei kapa haka, me ētahi atu tūmomo huihuinga o te iwi. Ka whakamahi ngā ākonga i te reo Māori ki te whānuitanga o ngā tūmomo horopaki.

Ngā Iwi

He pakari te whakawhiti kōrero, te manawa whakahī o ia ākonga ake mō ō rātou hononga ki ō rātou iwi katoa, me ō rātou hapū katoa. Ka whakarato ngā kaiako i ngā whai wāhitanga tūturu ki ngā ākonga, kia ako ai rātou i ō rātou hononga tuku iho me ngā tino tūtohu whenua. Ka kitea te māramatanga o ngā ākonga ki ngā tikanga me ngā kawa o tō rātou iwi, mā te āhua o ā rātou mahi. Ka tae atu ngā ākonga ki te whānuitanga o ngā tūmomo kaupapa, ā, ka whakapuaki rātou i aua wheako ki ō rātou whānau. E whai wāhi nui ana ngā ākonga, ngā kaimahi, me te whānau ki te whakahaumanu me te whakamarohi i te reo, ngā tikanga, me ngā kawa o Ngāti Pikiao. He mātātoa te whai wāhi atu a te whānau ki ngā āhuatanga katoa i te kura, ā, e whakarite ana kia pakari te tū takitahi me te tū takimano a ngā ākonga. He manawa whakahī tō ngā ākonga mō tō rātou Ngāti Pikiaotanga. He harikoa ngā ākonga ki te ako ā-whānau.

Te Ao

Ka whakatinana ia ākonga i tōna tū ki te ao Māori me te ao whānui. Ka taunekeneke, ka whakawhanaunga hoki ngā ākonga ki roto i tō rātou taiao. Ka whai wāhi rātou ki ngā mahi e pā ana ki te māra kai, ki te hangarua, ki te tiaki kura taiao, me ngā kaupapa taiao o te hapori whānui. Ka āta toro atu te whānau ki ngā mātauranga tuku iho o ngā kuia me ngā koroua. E whakarato ana te whānau i te whānuitanga o ngā tūmomo wheako e poipoi ana i te māramatanga, i te tau haere anō hoki ki tō rātou taiao ake. He whai wāhitanga mō ngā ākonga ki te tūhura haere me te waia haere ki ngā whenua me ngā wai o Ngāti Pikiao. Ka whakamahi, ka whakatinana hoki ngā ākonga i ngā tikanga e tika ana mō tō rātou taiao. Ka akiaki ngā kaiako i ngā ākonga ki te whakatewhatewha me te noho pakirehua mā te rangahau, mā te hōtaka pūkaha, ā, mā te whakamahi anō hoki i te hangarau mōhiohio. Ka kite i te whai whakaaro nui o ngā ākonga ki ētahi atu, ā, ki te ao whānui hoki.

Āhuatanga Ako

He mātātoa te whai wāhi atu a ngā ākonga ki ngā akoranga. Ka tāutuhia, ka whakatutukihia hoki ngā matea ako o ia ākonga. Ka whai hua ngā ākonga nā te whakarerekē haere o ngā hōtaka me te whai wāhi mai hoki o te Kaiako Takawaenga o te Ako me te Whanonga, ngā mātanga pāngarau, ngā kaiāwhina, me te tauwhiro ā-kura. He mātātoa te hāpai o te whānau i ngā ākonga kia eke angitu ai rātou i roto i ngā akoranga, ngā hākinakina, me te ahurea. Ka whakaratohia ki ngā ākonga te whānuitanga o ngā tūmomo taumahi ka whakaongaonga i te ngākaunui me te ako. Ka kōkiri ngā kaiako i ngā akoranga takitahi me ngā akoranga taki-rōpū. Ka whai hua te hononga ki waenga i te tuakana me te teina, hei hāpai i ngā akoranga. Ka tūhura ngā ākonga i te hangarau hei hīraurau hopanga, hei huarahi hoki mō te mahi auaha. Ka whakapūmau ngā kaiako i te ngākaunui o ngā ākonga mā te pukukata me te ngahau anō hoki o ngā taumahi. He ākonga pākiki, he ākonga pakirehua hoki rātou.

Ngā Wāhanga i tāutuhia ai e te kura hei whakawhanake ake

E mōhio ana ngā kaitiaki o te poari me ngā mema o te whānau, e tika ana kia whakawhānui ake i tō rātou māramatanga ki Te Aho Matua, ā, i tō rātou āheinga hoki i roto i te reo Māori. He manawa whakahī tō te whānau mō tā rātou ahu whakamua ki te whakatinana i tā rātou marautanga o Ngāti Pikiao. Kei te hiahia rātou ki te whakawhanake i ngā tukanga mō te pūrongo i ngā whakatutukitanga i roto i tēnei tū āhuatanga mā ngā huarahi e tika ana, ā, e whai hua ana hoki.

3 Te Arotake Whaiaro me te Ārahitanga

Ka whai hua ngā ākonga nā ngā hōtaka akoranga i āta whakamaheretia ai, i āta whakahaerehia ai hoki ki tētahi taiao haumaru e hāpai ana i a rātou. Ka whakanui te whānau i te kaha o te ārahitanga ngaio. Ka whakahaere te tumuaki i ngā whakaritenga o te kura i ia rā, tae atu ki te ārahitanga o te whakahaere akomanga, te whakamahere, te aromātai, me te aromatawai. Ka tātari ngātahi ngā kaimahi i ngā paetae ākonga, ā, ka whakawhiti kōrero rātou mō ngā huarahi ka whakapai ake i ngā putanga ākonga ki te reo matatini me te pāngarau. Kua tīmata ngā kaiako ki te pūrongo atu i ngā paetae ākonga mā te marautanga o Ngāti Pikiao. Nā runga i taua mahi, ki tā te whānau titiro, e eke angitu ana ā rātou tamariki i roto i tēnei wāhanga. Hui ai te poari i ia te wā, ā, ka kitea ki ā rātou meneti te taumata teitei o te ngaiotanga. Ka whakarato te tumuaki i ngā pūrongo e tino whai kiko ana, ā, ka arotake, ka whakawhiti kōrero rātou ko te poari i te ahu whakamua o ngā whāinga ā-tau me ngā whāinga rautaki. He mārama, he pakari hoki ngā pūnaha e pā ana ki te whakahaeretanga o ngā pūtea. He pai te whakamōhio i te poari mō te whakahaeretanga o te kura i ia rā, ā, he pakari anō hoki rātou ki te whakatutuki i ā rātou kawenga kāwanatanga katoa. Nō nā tata tonu nei te pōti i whakatūngia ai mō te poari, ā, kua whakatūngia ētahi mema hou, rangatahi tonu o te whānau. E noho pūmau ana te poari ki te whakapakari tonu i te whai wāhi a te whānau hei whakapai ake tonu i ngā putanga ākonga.

Ka whakanui te whānau i te ārahitanga me te mātauranga o ngā koeke o Ngāti Pikiao. He mātātoa tā rātou whai wāhi atu ki ngā āhuatanga katoa o te kura. He wawata tō ngā koeke me te whānau ki te whakatupu i ngā tino kaiārahi pakari mō āpōpō. E poipoia ana ngā ākonga hei rangatira mō tō rātou kura, tō rātou hapū, me tō rātou iwi a tōna wā. Ka whai wāhi nui te kura ki te whakahaumanu o te reo, ngā tikanga, me ngā mātauranga o Ngāti Pikiao. Hokihoki mai ai ngā ākonga o mua i ia te wā, ā, ka whai wāhi rātou ki ngā kaupapa i te kura hei tuākana. E mahi ngātahi ana te kura me te kōhanga reo hei āta whakarite i ngā ākonga ki te whakawhiti ki te kura. E noho pūmau ana te whānau me te hapū ki te rōnakitanga o te kura, kia āhei ai ngā whakatupuranga kei te heke mai ki te hokihoki mai ki te kāinga, ā, kia poipoia rātou ki tēnei taiao mātauranga motuhake.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.
  • Kia whakapakarihia te aromātai, kia hāngai ai tēnei ki te marautanga a te kura
  • Kia whakapakari tonuhia te whai wāhi mai o te whānau ki ngā āhuatanga katoa i te kura.

5 Ngā Taunakitanga

Te Whakarāpopototanga

E tū ana Te Kura Kaupapa Māori o Te Rotoiti ki te taha rāwhiti o te roto o Rotoiti. Kua whakawhanakehia e te kura tētahi marautanga ā-hapori e hāngai ana ki ngā kōrero tuku iho, ki te reo Māori, ā, ki ngā tikanga anō hoki o Ngāti Pikiao. Ka whakanui te whānau i te kaha o te ārahitanga ngaio e whakaratohia ana e te tumuaki. Ka kitea te tūmāia ake me te kiritoa o ia ākonga, ā, e whakawhanake ana hoki rātou i ngā pūmanawa ki te ārahi.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Te Rotoiti i roto i ngā tau e toru. 

Lynda Pura-Watson

Kaiurungi Whakaturuki Arotake Māori 

25 Here-turi-kōkā, 2016

Ngā Kōrero e pā ana ki te kura 

Te tūwāhi

Kei Rotoiti

Te tau a te Tāhuhu o te Mātauranga

1929

Te tūmomo kura

He kura tuatahi 

Te tokomaha o ngā ākonga o te kura

51

Te ira tangata

Kōtiro 23

Tama tāne 28

Ngā hononga ā-iwi

Māori

100%

Ngā āhuatanga motuhake

Kura Kaupapa Māori Te Aho Matua

Te wā i te kura te rōpū arotake

30 Pipiri 2016

Te rā o tēnei pūrongo

25 Here-turi-kōkā, 2016

Ngā pūrongo o mua a Te Tari Arotake Mātauranga 

Arotake Mātauranga

Arotake Motuhake

Arotake Motuhake

Arotake Tāpiri 

Kohi-tātea 2013

Whiringa-ā-nuku 2009

Pipiri 2005

Pipiri 2004

Findings

Te Kura Kaupapa Māori o Te Rotoiti is on the eastern side of Lake Rotoiti. The kura has developed a local curriculum based on Ngāti Pikiao history, te reo Māori and tikanga. Whānau acknowledge the strong professional leadership given by the tumuaki. Students demonstrate self-confidence, self-discipline and are developing qualities of leadership.

The next ERO review of Te Kura Kaupapa Māori o Rotoiti will be in three years. 

1 Context

Te Kura Kaupapa Māori o Te Rotoiti is on the eastern side of Lake Rotoiti. This is the only kura kaupapa Māori within Ngāti Pikiao. This review is also the first the kura has had using the Te Aho Matua framework. The kura has developed a local curriculum based on Ngāti Pikiao history, te reo Māori and tikanga. All of the students and staff whakapapa to Ngāti Pikiao and the kura is well supported by an active group of Ngāti Pikiao elders and whānau.

2 Te Tino Uaratanga

How well do students show confidence and leadership qualities?

Students demonstrate self-confidence, self-discipline and are developing qualities of leadership.

Te Ira Tangata

Students value their identity. They confidently articulate their Ngāti Pikiao whakapapa and other tribal links. Students and whānau use waiata, karakia and mōteatea to enhance their knowledge of their whānau, hapū and iwi. Students make meaningful connections with others in a variety of situations. Kaiako model relationships based on aroha and awhi. Whānau praise classroom practice and support kaiako on haerenga and with kura events. The kura fosters and maintains strong links between home and the kura. Kaumātua and other whānau share their knowledge to inform the content of the learning programme. Students are settled and comfortable in the kura environment.

Te Reo

Students use te reo Māori confidently in a range of situations. They are exposed to quality language models including kaiako and kaumātua. Kaiako use a range of strategies including word substitution and questioning to extend students thinking in te reo Māori. Students support one another to speak only te reo Māori in and around kura. Students display confidence in speaking, reading and writing te reo Māori. They hear and learn kiwaha, whakatauki, tauparapara, mōteatea and the mita of Ngāti Pikiao. Whānau are clear about the positive impact te reo Māori has on their children’s learning and development. They learn te reo Māori alongside and from their children. Students are exposed to rich language situations on Ngāti Pikiao marae, at Manu Kōrero, poukai, kapa haka ahurei and other iwi events. Students use te reo Māori in a range of situations.

Ngā Iwi

Students confidently discuss and show personal pride in their links with all of their iwi and hapū. Kaiako provide authentic learning opportunities for students to learn about their ancestral links and significant landmarks. Students demonstrate their understanding of iwi specific tikanga and kawa through their actions. Students attend a range of events and share these experiences with their whānau. Students, kaimahi and whānau play an important part in the revitalisation and rejuvenation of Ngāti Pikiao reo, tikanga and kawa. Whānau are actively involved in all aspects of kura and plan to ensure students have a strong sense of self and community. Students are proud of their Ngāti Pikiaotanga. Students are happy in the whānau learning environment.

Te Ao

Students acknowledge his or her place in the Māori world and the wider world. Students interact with and within their immediate environment. They participate in maara kai, recycling, enviro schools and local environmental projects. The whānau make use of the traditional knowledge of kuia and koroua. Whānau provide a range of experiences to foster understanding and familiarity to the immediate environment. Students have opportunities to explore and become familiar with Ngāti Pikiao lands and waterways. Students practice and apply tikanga as it applies to their environment. Kaiako encourage students to investigate and enquire further through research, the Young Engineers programme and the use of information technology. Students show interest in others and the wider world.

Āhuatanga Ako

Students are actively engaged in learning. Student’s individual needs are identified and responded to. Students benefit from modified programmes and the support of the RTLB, maths specialists, kaiawhina and the SWIS worker. Whānau actively support students to reach their potential in learning, sports and cultural contexts. Students are provided with a wide range of activities to stimulate interest and learning. Kaiako facilitate individual and group learning. Tuakana/teina relationships effectively support learning. Students explore technology to problem solve and be creative. Kaiako maintain student interest through the use of humour and fun activities. Students are inquisitive and enquiring learners.

Kura-identified areas of development

Members of the board and whānau recognise the need to broaden their understanding of Te Aho Matua and their capacity in te reo Māori. The whānau are proud of the progress they have made to implement their Ngāti Pikiao curriculum. They want to develop a processes for reporting achievements in this area in appropriate and effective ways.

3 Self Review and leadership

Students benefit from well planned and managed learning programmes in a safe and supportive environment. Whānau acknowledge the strong professional leadership. The principal manages the day to day running of the kura, including guidance in classroom management, planning, evaluation and assessment. The staff collaboratively analyse student achievement data and discuss what they need to do to improve student outcomes in literacy and numeracy. Kaiako have started to report back on student achievement according to their Ngāti Pikiao curriculum. This has begun and whānau believe that their children are excelling in this area. The board of trustees meet regularly and their minutes reflect a high level of professionalism. The tumuaki provides detailed reports and both he and the board review and discuss progress of annual and strategic goals. Financial management systems are transparent and robust. The board are kept well informed on the daily management of the kura and ably carry out all of their governance responsibilities. In the most recent board elections, some new and younger members of the whānau were elected. The board is committed to continuing to build whānau engagement to further improve student outcomes.

The whānau value the guidance and expertise of Ngāti Pikiao koeke. They are an active part of all aspects of kura life. The koeke and whānau have a shared aspiration to grow strong confident leaders for the future. Students are being nurtured as future leaders of their kura, hapū and iwi. The kura is an integral part of the revitalisation of Ngāti Pikiao reo, tikanga and mātauranga. Past students return regularly and involve themselves in kura activities as tuakana. The kura and the kōhanga reo are working closely to ensure that students are well prepared for transition into kura. The whānau and hapū are committed to the sustainability of the kura so that generations to come can return home and be nurtured in this unique education environment.

All kōhanga reo are required to promote children's health and safety and to regularly review their compliance with legal requirements.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.
  • Strengthen evaluation to reflect the marau-a-kura
  • Build on whānau engagement in all aspects of the kura.

5 Recommendations

Conclusion

Te Kura Kaupapa Māori o Te Rotoiti is on the eastern side of Lake Rotoiti. The kura has developed a local curriculum based on Ngāti Pikiao history, te reo Māori and tikanga. Whānau acknowledge the strong professional leadership given by the tumuaki. Students demonstrate self-confidence, self-discipline and are developing qualities of leadership. 

When is ERO likely to review the kura again?

The next ERO review of Te Kura Kaupapa Māori o Rotoiti will be in three years. 

Lynda Pura-Watson

Deputy Chief Review Officer Māori 

25 August 2016 

Information about the Kura 

Location

Rotoiti

Ministry of Education profile number

1929

Kura type

Full Primary

Kura roll

51

Gender composition

Girls 23

Boys 28

Ethnic composition

Māori

100%

Special features

Te Aho Matua

Review team on site

30 June 2016

Date of this report

25 August 2016

Most recent ERO report(s)

Education Review

Education Review

Education Review

Supplementary Review

January 2013

October 2009

June 2005

June 2004