TKKM o Tapere-Nui-A-Whatonga

Ngā Whkaaturanga

E tū ana Te Kura Kaupapa Māori o Tāpere-Nui-a-Whatonga ki Rangitukia. Ko te reo me ngā tikanga o Ngāti Porou e pou here ana i te katoa o ngā whakaakoranga me ngā akoranga ki te kura. He pakari ngā ākonga i roto i tō rātou mōhiotanga ki te mau tūhonohono o te here o ō rātou ihomatua ki ō rātou mātua tūpuna, piki ake i ngā Rangi Tūhāhā ki te marae ātea o Io-Matua. Ka mahi tahi te poari me te tumuaki ki te whakamahere me te whakatinana i ngā pūnaha kāwanatanga, pūnaha whakahaere hoki e whai hua ana.

1 Te Horopaki

E tū ana Te Kura Kaupapa Māori o Tapere-Nui-a-Whatonga ki te manawa o te riu o Waiapū, ki te hapori iti, te hapori piri tata hoki o Rangitukia. Ko te kura tētahi āhuatanga o te kōkiritanga mātauranga a te whānau, te hapū, me te iwi, ā, e arotahi ana ki te whakatairanga i te tuakiri ake, te reo ake, me te hītori ake o Te Riu o Waiapū. E pou here ana te reo me ngā tikanga o Ngāti Porou i te katoa o ngā whakaakoranga me ngā akoranga ki te kura.

He tino hononga ā-whakapapa tō ngā ākonga, ngā kaimahi me te whānau, ā, kua roa nei rātou e whai wāhi nui ana, e whai pānga nui ana hoki ki te kura. Koia nei te pū o te hapori, ā, he whānui ngā tūmomo kaupapa e haere tonu ana ki konei, hei ngākau nuitanga hoki. He aronga ngātahi hei āta whakarite i te whiwhinga o ngā ākonga i te mātauranga rumaki, kia tū tangata ai rātou i runga i te mōhiotanga ki tō rātou tuakiri ake, tō rātou reo ake, me tō rātou ahurea ake.

Ko te tirohanga a te kura me te tauāki taketake e whai pānga ana hoki ki te mōhio o ngā ākonga ki a rātou anō, ki tō rātou tūrangawaewae, me te whakapakari haere o tō rātou māramatanga ki ngā mātauranga Māori e pā ana ki a Rangitukia me te riu o Waiapū.

2 Te Tino Uaratanga

He pēhea rawa te āta mōhio o ngā ākonga ki te mau tūhonohono o te here o ō rātou ihomatua ki ō rātou mātua tūpuna, piki ake i ngā Rangi Tūhāhā ki te marae ātea o Io-Matua?

Kei te tino mōhio ngā ākonga ki te mau tūhonohono o te here o ō rātou ihomatua ki ō rātou mātua tūpuna, piki ake i ngā Rangi Tūhāhā ki te marae ātea o Io-Matua.

Te Ira Tangata

Ka whakamana ngā ākonga i tō rātou tuakiri me ō rātou hononga ki Rangitukia, ki te whānuitanga hoki o te riu o Waiapū. Ka mōhio, ka whakapuaki hoki rātou i tō rātou whakapapa. Ka tū māia rātou, ā, ka kitea hoki te pai o tō rātou kiritau. Ka whai wāhi ngā ākonga ki te whānuitanga o ngā tūmomo wheako ka hāpai i tā rātou ako i a rātou anō, i ō rātou whānau, ō rātou hapū, me tō rātou iwi. Ka whakatairanga te whānau, ngā kaumātua, ngā mātua, me ngā kaimahi i ngā tino uaratanga me ngā whakapono o te iwi, tae atu ki ngā whakaritenga hoki. He nui ngā tūmanako kia whakawhanakehia e ngā ākonga aua uaratanga. He tino pakari te waiora me te aronga toi whenuatanga o ngā ākonga.

Ka ako ngā ākonga ki tētahi taiao akoranga ā-whānau e atawhai ana, e manaaki ana hoki i a rātou. Ka aro nui rātou, ka noho whakaute hoki. Kei te tino mōhio hoki rātou ki ngā kaumātua me te whai wāhi nui o ngā kaumātua ki te whakatairanga i tā rātou mātauranga. He whai wāhitanga mā rātou ki te ako, mai i a rātou ngā puna mātauranga o ngā kōrero tuku iho, o ngā tūpuna hoki.

Te Reo

Ka rumakina ngā ākonga ki te reo o Ngāti Porou. I ngā wā katoa, ka rongo rātou i te tino reo ā-iwi ki ngā horopaki ōkawa, me ngā horopaki ōpaki. He tino tauira ngā kaumātua, te whānau, me ngā kaimahi o te reo o Ngāti Porou. Koia nei tētahi tino pūmanawa o te whānau me ngā hapori o te kura, ā, he aronga mārama hoki kia mātau ngā ākonga ki te kōrero i tō rātou reo.

He rerekē te māia, te mātau hoki o ngā ākonga i roto i te reo. Nā te tokoiti ki ia akomanga, me te pai hoki o te tatau ki waenga i ngā pākeke me ngā ākonga, ka whiwhi ia ākonga i te tautoko e hāngai pū ana ki a ia. Kei te akomanga teina te whānuitanga o ngā tūmomo taumahi, ngā rauemi, me ngā taputapu whakaako, ako hoki e whakahihiri ana, ā, e hāpai ana i te whakawhanaketanga reo o ngā ākonga. Ka ngākau nui ngā kaiako me ngā kaiāwhina ki te whakawhanaketanga o te reo Māori o ngā ākonga.

I ngā wā katoa, ka whakawerohia ngā hinengaro o ngā ākonga ki te akomanga tuakana, ā, ka noho mōhio hoki ki ō rātou matea ako reo, me ngā whai wāhitanga. He māoriori, he māhorahora hoki te āhua o te tumuaki i roto i tana whakamahinga i te reo, tana whakapuaki kōrero, me āna taunekeneke. E mōhio ana ngā ākonga ki te whakahirahiratanga me te hua o roto i te ako, me te whakapūmau i te reo o ō rātou tūpuna.

Ngā Iwi

He pakari ngā ākonga i roto i ō rātou tātai whakapapa. E mōhio ana rātou ki a rātou anō, ki tō rātou tūrangawaewae, me tō rātou āhuatanga ake. Kei te marautanga o te kura ngā waiata, ngā mōteatea, me ngā kōrero, ngā hītori hoki e pā ana ki Te Riu o Waiapū. Kei ngā horopaki ako te whānuitanga o ngā tūmomo pou whenua me ngā wāhi i tū ai ngā kaupapa whakahirahira. He maringanui tō ngā ākonga, nō te hiahia nui o ngā kaumātua me ngā mema o te whānau ki te whāngai i ngā uaratanga, ngā whakapono, ngā mōhiotanga, me ngā mātauranga tuku iho ki ā rātou mokopuna. Ka whai hua ngā ākonga nā te ngākau nui, te whai wāhi nui hoki o te whānau me te hapori ki ā rātou akoranga. He tākare nui, he ngākau nui hoki tō ngā ākonga i a rātou e ako ana i ngā kōrero tuku iho e pā ana ki a rātou.

Te Ao

E ako ana ngā ākonga i tō rātou tūnga ki te ao Māori me te ao whānui. He whai wāhitanga mā rātou ki te tūhura haere i ngā tūmomo āhua noho, tikanga hoki.

E tūmanako ana te whānau, ngā kaumātua, me ngā kaimahi kia whakanui ā rātou ākonga i ngā tūmomo āhuatanga o te ao, mai i ngā horopaki tuku iho, tae noa mai ki ngā horopaki o te ao hou. Ka tāutu te marautanga o te kura i te whānuitanga o ngā tūmomo ariā, kaupapa hoki ka whakatairanga, ka hāpai hoki i te ako a ngā ākonga i roto i te pūtaiao, te hangarau, te taiao māoriori, tūturu hoki. Ka āta whakawhiti kōrero, ka āta whakapuaki whakaaro hoki ngā ākonga mō ā rātou akoranga e pā ana ki ngā whenua o tō rātou iwi, me ngā kōrero tuku iho. E whakawhanake ana rātou i te mōhiotanga whānui, te māramatanga whānui hoki e pā ana ki tō rātou ake ao, otirā, ki te ao ki tua atu hoki i ō rātou kāinga.

Āhuatanga Ako

He mātātoa te whai wāhi atu a ngā ākonga ki ngā akoranga i runga i te tika me te pono. He pai tā rātou whakatau haere, me te whakariterite mō ngā mahi me ngā taumahi. Ka aro nui, he whakaute hoki, ngā hononga me ngā taunekeneke e pā ana ki te ako i roto i te akomanga. Ka tino tautoko i ngā matea ake me ngā ngākau nuitanga ake o ngā ākonga, i roto tonu i te ōkawa me te ōpaki o ngā horopaki whakaako, ako hoki.

Kei ngā ākonga te kawenga mō ā rātou ake akoranga. Kei ia ākonga āna ake whāinga, ā, ka aro atu rātou ki te whakatutuki i aua whāinga. He nui ngā tūmanako o ngā kaiako me ngā kaiāwhina kia arotahi, kia noho rite hoki ngā ākonga ki te ako. Ka mauminamina, ka aro nui hoki ngā ākonga ki ngā akoranga hou.

Ko ngā ākonga me ā rātou whakatutukitanga tētahi aronga matua ki tēnei kura iti. E tino mōhiotia ana ia ākonga, ā, ka whai pānga ō rātou ake matea, ō rātou ake ngākau nuitanga hoki ki ngā hōtaka akoranga. He pakari, he pukumahi hoki ngā kaiako me ngā kaiāwhina. E kore e mutu tō rātou ū pūmau ki te reo me ngā tikanga o Ngāti Porou, ki ngā hapū, ā, ki te iwi hoki. Nō ngā ākonga te maringanui ki te noho rumaki ki tētahi marautanga ā-kura e āta whakanui ana i te hua me te mana o ngā mātauranga me ngā tikanga tuku iho o te iwi.

Ngā wāhanga i tāutuhia ai e te kura hei whai ake

Ahakoa kei te kura tētahi marautanga ā-hapori i tāutuhia ai, me tētahi mahere mātauranga Māori, kāhore tēnei e āta whakamārama ana, e āta whakapuaki ana hoki i ngā tūmanako e pā ana ki te ako me te whakawhanaketanga o ngā ākonga, mā roto mai i te kaupapa o Te Aho Matua. Me whakarite te tumuaki, ngā kaimahi, te whānau, me te hapori i te pūmautanga o te tūāpapa me ngā mātāpono o Te Aho Matua ki te marautanga o te kura.

Kei roto te kura i tētahi kōkiritanga whakahihiri e hāngai ana ki te whakapakaritanga ake o te tuakiri, te reo, te ahurea, me te hītori o Te Riu o Waiapū. He wā pai tēnei mō te kura ki te whakatau māramatanga mō ngā hononga matua ki waenga i te marautanga o te kura, Te Aho Matua, me te Mahere Mātauranga o Te Riu o Waiapū. Me whai wāhi mai ki tēnei āhuatanga te noho mōhio, te mātātoa hoki ki ngā tūranga ārahi me ngā kawenga mahi. Ka tino whai hua anō hoki te whai wāhi mārika mai o te whānau me te hapori.

He iti noa te aroturuki i te ako, te ahu whakamua, me ngā whakatutukitanga o ia ākonga. He mea nui te kapo atu, te whakapuaki hoki i te hōhonutanga me te whai huatanga o ngā mōhiohio e pā ana ki te ako a ngā ākonga, mā ngā huarahi auaha, whakahihiri hoki ki te taha o te whānau me te poari, ā, mā ngā pūnaha pūrongo ā-tau whakahauanga. Me whakamahi ngā kaiako i aua mōhiohio hei tāutu, hei whakatau hoki i ngā tino taumata paetae ka whakatutuki i ngā matea ako me ngā ngākau nuitanga ake o ngā ākonga kāhore e eke ana ki ngā taumata e tūmanakohia ana.

3 Te Arotake Whaiaro me te Ārahitanga

Kei te whakawhanake te tumuaki, te poari, me te whānau i ngā tukanga papai o te arotake whaiaro. Ka mahi ngātahi rātou ki te whakamahere me te whakatinana i ngā pūnaha kāwanatanga me ngā pūnaha whakahaere. Tū ai ngā huihuinga ki te taha o te hapori i ia te wā. Ka pūrongo te tumuaki i ngā wāhanga katoa o te whakahaeretanga, me ngā whāinga rautaki. He matawhānui ngā pūrongo, ā, ka āta tāutu i ngā wāhanga matua hei whakawhanaketanga ake, hei whai whakaarotanga ake hoki.

Ka whakaaro huritao ngā kaiako me ngā kaiāwhina, ā, ka whakamahi i ngā mōhiohio o te arotake whaiaro hei whakamōhio i ā rātou mahere. Ka whakamihi te hapori, ngā kaumātua, me te whānau i te ārahitanga a te tumuaki ki te whakatairanga ake i te reo, te ahurea, me ngā kōrero tuku iho o Tapere-Nui-a-Whātonga.

Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga o ngā kaiako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura.

4 Te Taunakitanga

Ka tāutu ngā whakaaturanga o tēnei pūrongo i ngā wāhanga matua hei whakawhanake, ā, ka taea e te whānau o te kura, te poari, ngā kaimahi, me te hapori aua āhuatanga te whakatutuki, mā te whakamahere, me te arotahi. Ka taea hoki te toro atu ki te tautoko me te ārahitanga o Te Rūnanga Nui o Ngā Kura Kaupapa Māori o Aotearoa me ērā ratonga o waho o tēnei wā e whakarato ana i te ako ngaio me te whakawhanaketanga ngaio e whai pānga ana ki te rumaki reo Māori.

Te Whakarāpopototanga

E tū ana Te Kura Kaupapa Māori o Tāpere-Nui-a-Whatonga ki Rangitukia. Ko te reo me ngā tikanga o Ngāti Porou e pou here ana i te katoa o ngā whakaakoranga me ngā akoranga ki te kura. He pakari ngā ākonga i roto i tō rātou mōhiotanga ki te mau tūhonohono o te here o ō rātou ihomatua ki ō rātou mātua tūpuna, piki ake i ngā Rangi Tūhāhā ki te marae ātea o Io-Matua. Ka mahi tahi te poari me te tumuaki ki te whakamahere me te whakatinana i ngā pūnaha kāwanatanga, pūnaha whakahaere hoki e whai hua ana.

5 Hei ā hea Te Tari Arotake Mātauranga arotake anō ai i te kura?

Ka arotake anō Te Tari Arotake Mātauranga i Te Kura Kaupapa Māori o Tapere-Nui-a-Whatonga i roto i te toru o ngā tau.

Lynda Pura-Watson

Kaiurungi Whakaturuki Arotake Māori

25 Pipiri, 2015

Ngā Kōrero e pā ana ki te kura

Findings

The findings of this report identify key areas for development which the kura whānau, board, staff and community can address in a planned and focused way. Further support and guidance is readily available through Te Rūnanganui o ngā Kura Kaupapa Māori o Aotearoa and the current external providers for Māori medium professional learning and development.

1 Context

Te Kura Kaupapa Māori o Tāpere-Nui-a-Whātonga is located in the heart of the Waiapu Valley in the small, close-knit community of Rangitukia. The kura is part of a whānau, hapū and iwi education initiative that is focussed on promoting the unique identity, language and history of Te Riu o Waiapū. Te reo and tikanga of Ngāti Porou underpin all teaching and learning in the kura.

Students, staff and whānau have close family ties and have a long association and vested interest in the kura. It is the hub of the community and a centre of ongoing activity and interest. There is a collective commitment to ensure that students receive an immersion education that grounds them in their unique identity, language and culture.

The kura vision and mission for students includes knowing who they are and where they come from and building their understanding of mātauranga Māori pertaining to Rangitukia and Waiapu Valley.

2 Te Tino Uaratanga

To what extent are students secure in the knowledge of their ancestral links to the divine source of all humanity?

Students are secure in the knowledge of their ancestral links to the divine source of all humanity.

Te Ira Tangata

Students value their identity and connections to Rangitukia, and the wider area of Waiapū Valley. They know and share their whakapapa. They are confident and display positive self esteem. Students take part in a range of experiences where they learn about themselves, their whānau, hapū and iwi. Whānau, kaumātua, parents and staff promote important iwi values, beliefs and practices. There are high expectations for students to develop these values. Students have a strong sense of wellbeing and belonging.

Students learn in a warm and caring whānau oriented learning environment. They are responsive and respectful. They are particularly aware of kaumātua and the significant role that elders play in their education. They have opportunities to learn from those who hold historical and ancestral knowledge.

Te Reo

Students are immersed in the language of Ngāti Porou. They are consistently exposed to the distinctive dialect in formal and informal situations. Kaumātua, whānau and staff are strong models of Ngāti Porou reo. This is a feature of the kura whānau and community where there is a clear focus for students to become competent speakers of their reo.

Students are at different levels of confidence and competence in te reo. Small class numbers and high adult to student ratios give individual students focused support. The junior class has a range of interesting activities, resources and teaching and learning aids to support students’ language development. The kaiako and kaiāwhina are committed to the development of students’ te reo Māori.

Students in the senior class are constantly challenged and made aware of their language learning needs and opportunities. The principal has a natural and spontaneous manner in terms of language use, delivery and interaction. Students recognise the importance and value in learning and retaining the language of their tūpuna.

Ngā Iwi

Students are secure in their ancestral connections. They know who they are, where they come from and why they are unique. The kura curriculum includes waiata, mōteatea and the stories and histories pertaining to Te Riu o Waiapu. Learning contexts include a wide range of significant landmarks and locations where important events took place. Students are privileged to have elders and whānau members who have a strong desire to share traditional values, beliefs, knowledge and experience to their mokopuna. Students benefit from whānau and community interest and contributions to their learning. Students show a real enthusiasm and strong interest when learning about their history.

Te Ao

Students are learning about their place in te ao Māori and te ao whānui. They have opportunities to explore different lifestyles and practices.

Whānau, kaumātua and staff expect that their students will value the different ways of life from traditional and contemporary settings. The kura curriculum defines a wide range of local themes and topics to promote and support student learning in science, technology, the natural and physical environment. Students readily discuss and share their learning about their tribal environment and history. They are developing a broad knowledge and understanding of their immediate world and the world beyond their homes.

Āhuatanga Ako

Students are actively engaged in meaningful and stimulating learning. They settle well to prepared tasks and activities. Relationships and interactions for learning in the classroom are highly responsive and respectful. There is strong support for the individual needs and interests of students in both formal and informal teaching and learning settings.

Students are expected to be responsible for their own learning. They have individual goals and focus on achieving these. Kaiako and kaiāwhina have high expectations for students to be focussed and well prepared for learning. Students are receptive and responsive to new learning.

Students and their achievement is a priority in this small kura. Each student is well known and their individual needs and interests inform learning programmes. Kaiako and support staff are capable and hard working. Their commitment to te reo and tikanga of Ngāti Porou, hapū and iwi is unwavering. Students are fortunate to be immersed in a kura curriculum that highlights the value and importance of iwi knowledge and traditions.

Kura identified next steps

While the kura has a defined local curriculum and mātauranga Māori plan in place, this does not clearly illuminate and articulate expectations for students’ learning and development within the kaupapa of Te Aho Matua. The principal, staff, whānau and community should ensure that the foundation and principles of Te Aho Matua are embedded within the kura curriculum.

The kura is part of an exciting initiative aimed at strengthening the identity, language, culture and history of Te Riu o Waiapu. This is an opportune time for the kura to gain good clarity around the key links between the kura curriculum, Te Aho Matua and the Mahere Mātauranga o Te Riu o Waiapu. This will require informed and proactive leadership roles and responsibilities. The involvement of whānau and community is also a key advantage.

Monitoring the learning, progress and achievement of individual students is limited. It is important that rich and useful information about student learning is captured and shared in creative and interesting ways with whānau, the board and through mandatory annual reporting systems. Kaiako should use this information to define and determine specific achievement targets to meet the actual learning needs and interests of students who are not achieving at their expected levels.

3 Self Review and Leadership

The principal, board and whānau are developing good processes for self review. They work closely to plan and implement useful governance and management systems. Regular forums are held with the community. The principal reports on all areas of operation and the strategic goals. Comprehensive reports clearly identify key areas for development and consideration.

Kaiako and kaiāwhina are reflective and use self review information to inform their planning. The local community, kaumātua and whānau acknowledge the principal’s leadership in promoting the language, culture and history of Tāpere-Nui-a-Whātonga.

Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the review, ERO checked the following items because they have a potentially high impact on student achievement:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance.

4 Recommendation

The findings of this report identify key areas for development which the kura whānau, board, staff and community can address in a planned and focused way. Further support and guidance is readily available through Te Rūnanganui o ngā Kura Kaupapa Māori o Aotearoa and the current external providers for Māori medium professional learning and development.

Conclusion

Te Kura Kaupapa Māori o Tāpere Nui A Whatonga is in Rangitukia. Te reo and tikanga of Ngāti Porou underpin all teaching and learning in the kura. Students are secure in the knowledge of their ancestral links to the divine source of all humanity. The board and principal work closely to plan and implement useful governance and management systems.

5 When is ERO likely to review the kura again?

The next ERO review of Te Kura Kaupapa Māori o Tapere-Nui-a-Whatonga will be in three years.

Lynda Pura-Watson

Deputy Chief Review Officer Māori

25 June 2015

About the Kura