Te Kura Kaupapa Māori o Taumarere - 16/12/2015

Ngā Whakaaturanga

E tū ana Te Kura Kaupapa Māori o Taumārere ki Moerewa, ki te Tai Tokerau. Ka kitea te mana me te rangatiratanga o ngā ākonga, ā, he pai tō rātou whakawhanaketanga ki te kōrero i te reo o Ngāti Hine. Ka whai hua te aroturuki i ngā whakahaeretanga o te kura. Ka ngana ngā ākonga ki te ako.

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Taumarere i roto i ngā tau e toru, arā, he arotake Te Rākeitanga.

1 Te Horopaki

E tū ana Te Kura Kaupapa Māori o Taumarere ki Moerewa, ki te Tai Tokerau. He tokomaha ngā ākonga, ngā kaimahi, me ngā whānau nō Ngāti Hine. Ko te reo me ngā tikanga o Ngāti Hine tētahi tino aronga, ā, he āhuatanga pūmanawa anō hoki tēnei o ngā whakaakoranga me ngā akoranga. He tino rautaki te aro nui ki te reo o Ngāti Hine, hei hāpai i ngā akoranga a ngā ākonga me te whakawhanaketanga hoki o tō rātou reo. Ka whai pānga nui hoki te manaakitanga, te whanaungatanga, te tuku ihotanga, te mana motuhake me ngā mātāpono o Te Aho Matua ki te whānau o te kura. E whakawhanake ana ngā kaiako, te whānau, te poari, me ngā mātua i te kaha o te mahi ngātahi hei painga mō ā rātou ākonga ki te kura.

2 Te Tino Uaratanga

He pēhea rawa te whakaatu a ngā ākonga i te mana me te rangatiratanga?

He pakari ngā ākonga ki te āta whakaatu i te mana me te rangatiratanga i tō rātou tū ki te ārahi, ā, mā tō rātou manawa whakahī, tō rātou aronga toi whenuatanga anō hoki ki a Ngāti Hine.

Te Ira Tangata

Ko te puāwai haere o te tūmāia ake o ia ākonga e hāpai ana i tō rātou mōhiotanga ki a rātou anō. Ka tū pakari ngā ākonga ki te ārahi i te whānuitanga o ngā tūmomo horopaki, tae atu ki ngā karakia, ngā hīmene, me ngā waiata. He pai te taunekeneke, te noho ngātahi hoki o ngā ākonga ki waenga i a rātou anō. Ka whakatinana, ka whakatauira anō hoki rātou i ngā uaratanga o te kura. Ka aroturuki ngā kaimahi i te haumaru me te waiora o ngā ākonga. Ka whakanuia te whanonga pai, puta noa i te kura. Ka whai wāhi atu ngā kaimahi katoa ki te whakawhanake i ngā tūmanako me ngā ture e rite ana ki ngā ākonga katoa. Ka whai pānga hoki tēnei aronga ki te whai wāhi mai o te whānau, ngā ākonga, me ngā kaimahi i ia te wā ki te tautuhi, te whakamārama, me te whakatairanga anō hoki i ngā tūmanako. Ko te hākinakina me te korikori tinana e whai wāhi matua ana hoki ki te hōtaka hauora o te kura whānui. Ka poipoia, ka arohaina hoki ngā ākonga.

Te Reo

E whakawhanake ana ngā mātua i te pai o ngā pūkenga whakawhitinga kōrero i roto i te reo Māori. Ka āta rongo rātou i te reo o Ngāti Hine e whakatauirahia ana. Ka whakamahere, ka whakarato hoki ngā kaiako i ngā hōtaka ako reo me ngā rautaki reo ka hāpai, ka kōkiri hoki i te whakawhanaketanga o te reo o ngā ākonga, me tā rātou ahu whakamua. Ka kitea ki ngā paetae ākonga, kei te eke ngā ākonga tae atu hoki ki ngā tuākana o te wharekura, ki te taumata e tika ana i roto i te reo matatini. Ko ngā whiringa reo Māori mō ngā tuākana o te wharekura, ko te reo rangatira me te reo Māori. He whai wāhitanga anō hoki mō ngā mema o te whānau ki te ako i te reo Māori. Kei te whanake te matatau o ngā ākonga ki te reo Māori.

Ngā Iwi

Ka kitea te tūmāia o ngā ākonga i roto i ō rātou hononga ki ētahi atu. Ka whai pānga nui ngā hononga me ngā tātai whakapapa ki ngā akoranga a ngā ākonga. Kei te tino mōhio ngā kaiako ki ā rātou ākonga me ō rātou whānau. Ka hāpai ngā kaiako i te ako a ngā ākonga i ngā kōrero e pā ana ki a rātou anō, ki tō rātou tūrangawaewae hoki. He manawa whakahī tō ngā ākonga ki ō rātou tātai whakapapa ki a Ngāti Hine. Ka rongo i te whakaute ki waenga i ngā pākeke me ngā ākonga mō rātou anō. He tau, he harikoa hoki ngā ākonga.

Te Ao

He mātātoa te tūhura me te whakatewhatewha o ngā ākonga i tō rātou ao, ki tua atu hoki. Ka whakarato ngā kaiako i ngā whai wāhitanga mō ngā ākonga ki te ako i ngā hītori o te takiwā nei, tae atu ki ngā kōrero tuku iho e pā ana ki a Ruapekapeka me Puketūtū. Ko te whakapuakitanga o te hangarau whakawhitiwhiti i āta whakatairanga ake anō i ngā akoranga a ngā ākonga, ā, kua hāpai i te tūhonohono o ngā ākonga ki te ao whānui. Nō nā tata tonu nei ētahi i haere ai ki tāwāhi, ā, kua whakawhānui ake anō hoki tēnei i te tirohanga a ngā ākonga ki ētahi atu ahurea, ā, nā tēnei, kua whakataurite, kua whakatairite hoki rātou i ngā ahurea o ētahi atu ki tō rātou ahurea. E whakawhanake ana te tū o ngā ākonga ki te ao whānui.

Āhuatanga Ako

Ka ngana atu ngā ākonga ki te ako. Ka arotahi ngā ākonga, ka hāngai pū rātou ki ngā mahi, ā, e whai hua ana hoki. Ka whakawero ngā kaiako i ngā ākonga ki te whakaaro kaikini. Ka hāpai rātou i te taha auaha, te taha pākiki hoki o ngā ākonga i a rātou e ako ana. Nā tētahi huringa taiāwhio o ngā whakaakoranga me ngā akoranga, kua piki ake te whai wāhi atu, te aro atu hoki o ngā ākonga ki ngā mahi. Ko ngā ākonga hei āta hāpai ake, ka tino tautokona e ngā kaiako me te whānau.

Kua toro atu ki te ako ataata hei whakarato i te whānuitanga o ngā tūmomo kaupapa ako mō ngā ākonga o te wharekura. Kei ia tuakana tōna ake huarahi ako, ā, e hāngai ana ēnei ki ō rātou wawata whai umanga. Ka āta aroturuki i ngā paetae ākonga o Te Taumata Mātauranga ā-Motu kua Taea. Ka āwhina ngā ākonga ki te whakarite mō ngā whakamātautau o waho, mā te whai wāhi atu ki ngā wānanga. He muramura, he ātaahua hoki ngā taiao ako, ā, ka whakatairanga ake i te ako. Ka whakamahia ngā paetae ākonga hei hāpai i te whakamahere a ngā kaiako i ngā matea ako o ia ākonga. He tino aronga ki ngā akoranga e pā ana ki te reo matatini me te pāngarau. Ka tino poipoia ngā matea ako o ngā ākonga.

Ngā wāhanga i tāutuhia ai e te kura hei whakawhanake ake

  • Ko te whakawhanake i tētahi marautanga kura o Ngāti Hine, me ngā rauemi, ngā huarahi aromatawai hoki ka hāpai ake i tēnei marau
  • ko te whakawhanake ake tonu i te āheinga i roto i te reo Māori, hei kōkiri tonu i te tirohanga o te kura me ngā wawata o te whānau kia kōrero te hapori i te reo Māori
  • ko te whakatairanga tonu i te kura hei huarahi akoranga mō ngā whānau o Ngāti Hine.

3 Te Arotake Whaiaro me te Ārahitanga

Ka whai hua te aroturuki i ngā whakahaeretanga o te kura. Ka whakamahia ngā mōhiohio arotake whaiaro hei āta whakatau i ngā tino whakaritenga mō ngā mahi ka whai ake, tae atu ki te whakapai ake i te ū pūmau ki te whakahaeretanga o te whanonga. Ko te whakatairanga i ngā paetae ākonga tētahi kaupapa matua ki te whānau o te kura. Ko te pūrongo i ngā tūmanako me ngā whakaritenga ka hāpai ake i ngā mōhiohio arotake whaiaro ā-kura o te kounga pai, ā, ka whai pānga hoki ki te whakapai tonutanga.

He tokomaha ngā mema o te hapori ka kawe ake i te ārahitanga o ngā tūmomo āhuatanga o te whakahaeretanga ki te kura. Ka whakanuia taua ārahitanga ngātahi e te whānau o te kura. He aronga rautaki i whakamaheretia ai hei kōkiri, hei whakahaere hoki i ētahi tino kaupapa me ngā mahi whakawhanake ka whai ake, ā, e tino whai hua ana tēnei ki te whakapūmau i te haere tonutanga, te rōnakitanga hoki o ngā mahi. Ka arotahi te ārahitanga ki te whakatairanga i ngā tino putanga hua mō ngā ākonga.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

Te Whakarāpopototanga

E tū ana Te Kura Kaupapa Māori o Taumārere ki Moerewa, ki te Tai Tokerau. Ka kitea te mana me te rangatiratanga o ngā ākonga, ā, he pai tō rātou whakawhanaketanga ki te kōrero i te reo o Ngāti Hine. Ka whai hua te aroturuki i ngā whakahaeretanga o te kura. Ka ngana ngā ākonga ki te ako.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Taumarere i roto i ngā tau e toru, arā, he arotake Te Rākeitanga. 

Lynda Pura-Watson

Kaiurungi Whakaturuki Arotake Māori 

16 Hakihea, 2015

Ngā Kōrero e pā ana ki te kura 

Te tūwāhi

Kei Moerewa

Te tau a te Tāhuhu o te Mātauranga

2104

Te tūmomo kura

He kura ā-rohe 

Te tokomaha o ngā ākonga o te kura

105

Te ira tangata

Tama tāne 53

Kōtiro 52

Ngā hononga ā-iwi

Māori

100%

Ngā āhuatanga motuhake

Te Aho Matua

Te wā i te kura te rōpū arotake

2 Whiringa-ā-rangi 2015

Te rā o tēnei pūrongo

16 Hakihea, 2015

Ngā pūrongo o mua a Te Tari Arotake Mātauranga 

Arotake Mātauranga Te Aho Matua

Arotake Mātauranga Te Aho Matua

Arotake Tāpiri 

Whiringa-ā-nuku 2012

Haratua 2009

Pipiri 2005

Findings

Te Kura Kaupapa Māori o Taumarere is in Moerewa, Northland. Students display mana and rangatiratanga and are developing well as speakers of te reo o Ngāti Hine. Kura operations are monitored effectively. Students are engaged in learning.

The next ERO review of Te Kura Kaupapa Māori o Taumarere will be in three years – Te Rākeitanga – Expansive Evaluation. 

1  Context

Te Kura Kaupapa Māori o Taumarere is in Moerewa, Northland. Many of the students, staff and whānau members are from Ngāti Hine. Te reo me ngā tikanga o Ngāti Hine is a major focus and strength of teaching and learning.  Ngāti Hine dialect is a deliberate strategy to support student’s learning and language development. Manaakitanga, whanaungatanga, tuku ihotanga, mana motuhake and the philosophy of Te Aho Matua are important to the kura whānau. The kaiako, whānau, Board and parents are developing a strong collaborative culture for their students at the kura.

2  Te Tino Uaratanga

To what extent do students display mana and rangatiratanga?

Students confidently display mana and rangatiratanga in their leadership roles and through their sense of pride and connectedness to Ngāti Hine.

Te Ira Tangata

Students’ growing self-confidence supports their awareness of those around them. Students are willing leaders in a range of settings including karakia, hīmene and waiata. Students interact and engage positively with each other. They demonstrate and model kura values. Staff monitor student safety and wellbeing. Positive behaviour is promoted school-wide. All staff members are involved in developing consistent expectations and rules for students. This approach includes regular involvement of whānau members, students and staff in helping to define, clarify and promote expectations. Hākinakina and regular physical activity is an integral part of the school-wide health programme. Students are nurtured and loved.

Te Reo

Students are developing good communication skills in te reo Māori. They are exposed to good models of Ngāti Hine dialect. Kaiako plan and provide language programmes and strategies to support and accelerate student’s language development and progress.  Student achievement information shows students, including those in the wharekura, are achieving at their appropriate levels in literacy. Te reo Māori options for students include both te reo rangatira and te reo Māori for senior wharekura students. Whānau members are also provided with opportunities to learn te reo Māori. Students are developing fluency in te reo Māori. 

Ngā Iwi

Students show confidence in their relationships with others. Relationships and whakapapa connections are integral to student’s learning. Kaiako know their students and their whānau well. Kaiako support students to learn about who they are and where they come from. Students are proud of their connections to Ngāti Hine. There is mutual respect between adults and students. Students are settled and happy.

Te Ao

Students actively explore and investigate their world and beyond. Kaiako provide students with opportunities to learn about the historical features of the local area including stories about Ruapekapeka and Puketūtū. The introduction of information communication technology has enhanced student learning and helped to connect students to the wider world. Recent excursions overseas has further broadened student’s outlook about other cultures and enabled them to compare and contrast other cultures to their own. Students are developing into global citizens.

Āhuatanga Ako

Students are engaged in learning. Students are focused, on task and are doing well. Kaiako challenge students to be critical thinkers. They support students to be creative and curious in their learning. A rotation approach to teaching and learning has increased student participation and engagement. Students who require extra tuition are well supported by kaiako and whānau.

Video conferencing is used to provide a wide range of subject options for wharekura students. Individual learning pathways are provided for senior students that align to their career aspirations. There is close monitoring of student achievement in NCEA. Students are helped to prepare for external examinations by participating in wānanga. Learning environments are bright, attractive and conducive to learning. Student achievement information is used to support kaiako to plan for individual student needs. There is a clear emphasis on literacy and numeracy learning. Students learning needs are well catered for.

Kura-identified areas of development

  • Develop a Ngāti Hine kura curriculum including supporting resources and assessment tools
  • further develop te reo Māori capability to progress the kura vision and whānau aspiration for a Māori language speaking community
  • continue to promote the kura as an option for their Ngāti Hine whānau.

3 Self Review and Leadership

Kura operations are monitored effectively. Self-review information is used to make sound decisions about next steps including improving the consistency of behaviour management. Raising student achievement is a priority for the kura whānau. Reporting expectations and practices contribute to good quality internal review information school-wide and contributes to ongoing improvement.

Many members of the kura community take responsibility for leading aspects of kura operations. This collaborative leadership approach is valued by the kura whānau. A strategic, planned approach for driving and managing key initiatives and next development steps is effective in maintaining ongoing, sustainable momentum. Leadership is focused on promoting positive outcomes for student.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

Conclusion

Te Kura Kaupapa Māori o Taumarere is in Moerewa, Northland. Students display mana and rangatiratanga and are developing well as speakers of te reo o Ngāti Hine. Kura operations are monitored effectively. Students are engaged in learning.

When is ERO likely to review the kura again?

The next ERO review of Te Kura Kaupapa Māori o Taumarere will be in three years – Te Rākeitanga – Expansive Evaluation. 

Lynda Pura-Watson

Deputy Chief Review Officer Māori 

16 December 2015 

Purpose

The purpose of ERO’s reviews is to give whānau and the wider kura community information about the quality of education that the kura provides and their children receive. ERO’s reports are intended to be clear, concise, constructive and evaluative. An ERO report answers an evaluative question about Te Tino Uaratanga. Under the overarching question ERO reports on the quality of Te Aho Matua education and learning outcomes for children. ERO also reports on self review processes and practices.

Information about the Kura 

Location

Moerewa

Ministry of Education profile number

2104

Kura type

Area School

Kura roll

105

Gender composition

Boys 53

Girls 52

Ethnic composition

Māori

100%

Special features

Te Aho Matua

Review team on site

2 November 2015

Date of this report

16 December 2015

Most recent ERO report(s)

Te Aho Matua Review

Te Aho Matua Review

Supplementary Review

October 2012

May 2009

June 2005