1 Te Horopaki
Kia noho ohooho tōna āhuatanga i roto i ngā mahi waihanga o tōna ao.
E tū ana Te Kura Kaupapa Māori o Taumarunui ki te tāone o Taumarunui, ā, he mātauranga rumaki reo Māori tēnei mō ngā ākonga o ngā tau 1 ki te 12. E tū ana ki te whakaminenga o ngā iwi o Ngāti Maniapoto, Ngāti Tūwharetoa, me Te Āti Haunui-ā-Pāpārangi. Ko ngā mātāpono o Te Aho Matua, ko te reo Māori, ko ngā tikanga Māori hoki te tūāpapa o ngā akoranga katoa. Ka noho pūmau te whānau ki te whakarato ki ā rātou tamariki tētahi tino taiao ako o te ao Māori ka toro atu ki ngā tūmomo horopaki katoa.
Ko ngā wawata o te whānau me ngā kaimahi mō ngā ākonga:
- kia manaaki, kia manawa popore, kia whakaute hoki rātou
- kia pakari tō rātou ngākau tapatahi
- kia tūmāia rātou ki te ao Māori me te ao whānui
- kia whai wāhi pai rātou ki te hāpai o tō rātou hapori, tō rātou pāpori
- kia whakapono rātou ki ō rātou pūmanawa ake ki te eke angitu.
Ka kitea te manaakitanga me te whanaungatanga ki ngā taunekeneke katoa ki te kura. Ka ngākau nui ngā kaimahi me ngā ākonga ki ngā hononga hei tuakana, hei teina, ā, ka whakatairanga tēnei i te mana o te katoa. He pakari ngā ākonga ki te whai i te whānuitanga o ngā mātauranga, ā-ahurea, ā-tangata, ā-hākinakina hoki ki Taumarunui, ki tua atu hoki. Ka tautoko te whānau me ngā kaimahi i a rātou anō ki te whakarato i ngā wheako akoranga e whai pūtake ana.
He māia, he pūkeke, he manawa popore hoki ngā ākonga.
2 Te Tino Uaratanga
He pēhea rawa te āta kite i te noho pūmau o ngā ākonga i a rātou e manaaki ana, e noho manawa popore ana, e mahi ngātahi ana hoki ki ētahi atu?
I ngā wā katoa ka whakaatuhia e ngā ākonga tā rātou noho pūmau ki tō rātou ngākau tapatahi ake i a rātou e manaaki ana, e noho manawa popore ana, e mahi ngātahi ana hoki ki ētahi atu.
Te Ira Tangata
He māhorahora te whakapuaki o ngā ākonga i te manaakitanga. Ko te pai o te noho o te tuakana me te teina e whai wāhi matua ana ki te ao o te kura i ia rā. Ka whakaatu ngā ākonga i te aroha me te whakaute i roto i ngā taunekeneke katoa, i a rātou hoki e ārahi ana i ngā taumahi me ngā tūmomo kaupapa. Ka whakapūmau, ka whakapakari hoki ngā hui ā-kura me ngā moe kura i ngā hononga e ngākau nuitia ana e te whānau, ngā kaimahi, me ngā ākonga o te kura. Ko Ngā Hōia te kaupapa o te marautanga i te kura katoa e whakapakari ana i te manawa whakahī me te whakahere o ngā ākonga. He pārekareka ki ngā ākonga ngā whai wāhitanga ki te whakatairanga i te mana o ētahi atu.
Te Reo
E tino puāwai ana ngā ākonga ki tētahi taiao e tino whakamana ana i te reo Māori. Ka whai wāhi, ka ngākau nui hoki te whānau ki ngā whai wāhitanga ako reo Māori ki te kura. Kei ngā ākonga katoa te whānuitanga o ngā taumahi e wātea ana ki a rātou, ā, e whakatairanga ana ēnei i tō rātou mōhiotanga ki te reo Māori. Ko ētahi o ēnei ko ngā karakia, ngā mihimihi, ngā waiata, ngā pao, me ngā haka. Ka whakawhiti kōrero ngā ākonga ki te whānuitanga o ngā tūmomo horopaki ki ngā kaimahi, ā, ki a rātou anō hoki. Ka whakapūmau rātou i te whakamahinga o te reo ki te taiao o te kura. E māia ana ngā tauira ki te whakatangatawhenua i te reo Māori.
Ngā Iwi
He mauritau ngā ākonga, ā, ka rongo i tō rātou manawa whakahī ake mō tō rātou tuakiri. Ka whai wāhi rātou ki ngā kaupapa o te marae e whakakoia ana i tō rātou aronga toi whenuatanga. Mā ngā waiata, ngā mōteatea hoki, e āhei ana ngā ākonga te ako i ngā honotanga ki ngā iwi e toru, kei tēnei takiwā. Ka mihimihi ngā ākonga ki a rātou anō, ā, ka tū pakari ki te taki i ō rātou pepeha. Ka whakarākei tēnei āhuatanga i tō rātou mana, tō rātou ihi, tō rātou wehi me tō rātou wana hoki. Ka whakamana ngā ākonga i te whakapapa, ā, ka āta tuituia e ngā kaimahi aua hononga ki te marautanga. Ka whakatauira te whānau me ngā kaimahi i tō rātou manawa whakahī mō ō rātou ake hapū me ō rātou ake iwi i a rātou e whakatairanga anō hoki i tō rātou hononga ki ngā iwi e toru. Kei te pakari haere ngā ākonga hei māngai mō ō rātou whānau, ō rātou hapū, me ō rātou iwi.
Te Ao
Kei te tupu haere ngā ākonga hei kaitiaki i te kura, ki tua atu hoki. Ka ākina ngā ākonga e ngā kaimahi me te whānau kia tū hei kaitiaki. Ka whakarato rātou i ngā wheako e whai pānga ana ki ngā ākonga, ā, kia mārama ai rātou ki a rātou anō, ki ō rātou tūrangawaewae hoki. Ka kitea ki te taiao o te kura te tuakiri o ngā ākonga, ō rātou whānau, ō rātou hapū, me ō rātou iwi. He pārekareka ki ngā ākonga ngā wheako me ngā mōhiotanga e whakapuakihia ana e ngā kaumātua o te rohe nei. Ka noho pūmau te whānau me ngā kaimahi hei kaitiaki o Te Aho Matua, me te whakarato i tētahi tino tūāpapa ahurea ka manaakitia, ka tiakina hoki e ngā ākonga. He aronga toi whenuatanga tō ngā ākonga, ā, he pakari hoki tō rātou tū ki tō rātou ao.
Āhuatanga Ako
Ka poipoia, ka hāpaitia hoki ngā ākonga kia eke angitu ai rātou i roto i ngā akoranga. He tau ngā ākonga ki te taiao o te kura, ā, ka whakakotahi, ka atawhai hoki tēnei. He painga anō tō te whakatūnga o tētahi puna kōhungahunga ki te taiao ako, ā, ka poipoi tēnei i te pakari o ngā ākonga kōhungahunga, inā koa, i a rātou e whakawhiti atu ana ki te kura. Waihoki, he whai wāhitanga anō hoki ki te puna mō ngā ākonga katoa ki te taunekeneke hei tuakana, hei teina hoki ki ngā reanga katoa. He tau ngā ākonga ki te kōkiri i ā rātou akoranga, ā, ka kitea tā rātou pārekareka ki te whakapuaki i ō rātou māramatanga hou ki ētahi atu. Ka whai hua ngā ākonga nā ngā hōtaka i āta whakamaheretia ai, i aromātaitia ai hoki, ā, e whakawero ana, e whakaongaonga ana hoki i ā rātou akoranga. Ka ngākau nui ngā ākonga ki te haere ki te kura.
Ngā wāhanga hei whakawhanake
E mōhio ana te whānau me te tumuaki o te kura, e rua ngā wāhanga matua hei whakawhanake. Ko aua wāhanga, ko:
- te māramatanga me te whakatinanatanga ki te marautanga hou o Te Aho Matua ki te kura, me tōna whai pānga tonu ki ngā ākonga o Taumarunui
- te haere tonu o ngā mahi ki te tono mō tētahi wharekura, me te whakawhanake i ngā tohu o te ‘Raukura’ e whakatinana ana i ngā wawata o ngā ākonga me ō rātou whānau.
3 Te Arotake Whaiaro me te Ārahitanga
Ka whakapūmau te whānau i te pakari o te arotake whaiaro i ia te wā. Ko te pai o ngā tuhinga e pā ana ki ngā angamahi, ngā rārangi arowhai, me ngā hōtaka, i āta whai pānga ai ki te whakatakoto haere, te aroturuki, me te pūrongo hoki i ngā hononga ki te angitu o ngā ākonga. Ko Te Ohu Tautoko tētahi hua o te arotake whaiaro e whakamana ana i ngā mema o te whānau ki te whai wāhi mātātoa ki ngā momo kaupapa i te kura i ia rā. He pārekareka ki te whānau tā rātou whai wāhi atu ki ngā wheako mātauranga, wheako ahurea hoki e whakaratohia ana mā ngā ākonga. Ka noho pūmau te whānau me ngā kaimahi ki tētahi tino taiao akoranga o te ao Māori ka toro atu ki ngā tūmomo horopaki katoa mā te manaaki, mā te whakaute hoki.
He manawa popore tō ngā kaiārahi o te kura, ka mahi ngātahi, ka whakamana hoki. Ka aroturuki ngā kaiārahi matua i ngā wāhanga matua hei whakawhanake, tae atu ki te whakatū ōkawa i tētahi wharekura. He tino pakari ngā hononga o te tumuaki. Ka whakatauira ia i ngā tino āhuatanga o te whanaungatanga, ā, ka toro atu ia ki āna hononga ki roto i te hapori o ngā kura, ki tua atu hoki o Taumarunui, hei hāpai i te tupu me te whakawhanaketanga o te kura. He pai tana whakawhanaketanga ki tōna tūranga, ā, ka kite tonu i tōna ngākau nui, tōna noho pūmau hoki ki te whakakoia i tētahi hapori ako e ahu mai ana i te reo Māori, i ngā tikanga Māori, me te kaupapa o Te Aho Matua.
4 Te Whakatau a te Whānau ki ngā Wāhanga Tautukunga
I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:
- ngā whakahaere a te poari
- te marautanga
- ngā whakahaere mō te hauora, te haumaru, me te oranga tinana
- ngā whakahaere o ngā kaimahi
- ngā whakahaere o te pūtea
- ngā whakahaere o ngā rawa me ngā taonga.
I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:
- te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
- te haumaru ā-tinana o ngā ākonga
- te rēhitatanga o ngā kaiako
- ngā tukanga ki te whakatū kaimahi
- te whakaunu, te aukati, te pana me te whakarerenga
- te tae ā-tinana atu a ngā ākonga ki te kura.
5 Te Taunakitanga
I whakaae ngātahi Te Tari Arotake Mātauranga, Te Rūnanga Nui o Ngā Kura Kaupapa Māori o Aotearoa, me te whānau kia toro atu te whānau ki te tautoko o Te Rūnanga Nui o Ngā Kura Kaupapa Māori o Aotearoa, me te whai wāhi atu ki ngā wānanga e pā ana ki te marautanga Te Aho Matua me te whakatūnga o tētahi wharekura.
Te Whakarāpopototanga
E tū ana Te Kura Kaupapa Māori o Taumarunui ki te tāone o Taumarunui. Ka whakaatuhia e ngā ākonga tā rātou noho pūmau ki tō rātou ngākau tapatahi ake i a rātou e manaaki ana, e noho manawa popore ana, e mahi ngātahi ana hoki ki ētahi atu. He pārekareka ki ngā kaimahi me ngā ākonga ngā wheako akoranga e whai hua ana, ā, e whakamana ana hoki. He auau ngā whakaritenga e pā ana ki te arotake whaiaro, ā, ka whai pānga anō hoki ki te angitu o ngā putanga ākonga.
6 Hei ā hea Te Tari Arotake Mātauranga arotake anō ai i te kura?
Tērā ka whakahaeretia e te Tari Arotake Mātauranga te arotake whai muri o Te Kura Kaupapa Māori o Taumarunui, i roto i ngā tau e toru – arā, ko Te Rākeitanga.
Lynda Pura-Watson
Kaiurungi Whakaturuki Arotake Māori
20 Haratua 2015
1 Context
Kia noho ohooho tōna āhuatanga i roto i ngā mahi waihanga o tōna ao
To remain focused on the creation of their own world.
Te Kura Kaupapa Māori o Taumarunui is in Taumarunui, and provides total immersion education for Year 1 to 12 students. It is located within a confederation of tribes, Ngāti Maniapoto, Ngāti Tūwharetoa and Te Āti Haunui-ā-Pāpārangi. Te Aho Matua principles, te reo Māori and tikanga Māori provide the foundation for all learning. Whānau are committed to providing their children with a strong te ao Māori learning environment that can be transferred across any context.
Whānau and kaimahi aspirations for students include:
- being caring, considerate and respectful
- having a strong sense of integrity
- being confident in te ao Māori and in the wider world
- contributing in positive ways to their community and society
- believing in their own potential to achieve success.
Manaakitanga and whanaungatanga are evident in all interactions at the kura. Kaimahi and students enjoy tuakana teina relationships that enhance the mana of all. Students confidently pursue a range of educational, cultural, social and sporting opportunities in Taumarunui and beyond. Whānau and kaimahi support each other to provide meaningful learning experiences.
Students are confident, determined and considerate learners.
2 Te Tino Uaratanga
How well do students show personal integrity while being caring, considerate and cooperative with others?
Students demonstrate consistently that they are faithful to their own sense of personal integrity while being caring, considerate and cooperative with others.
Te Ira Tangata
Students naturally express manaakitanga. Positive tuakana and teina roles are integral to the daily life of the kura. Students show aroha and respect in all their interactions, and when they lead activities and events. Hui-ā-kura, wānanga, moe kura reinforces and strengthens the relationships the kura whānau, kaimahi and students enjoy. Ngā Hōia, is a kura wide theme in the curriculum that strengthens student’s sense of pride and sacrifice. Students enjoy opportunities to enhance the mana of others.
Te Reo
Students are thriving in an environment that highly values te reo Māori. The whānau participate and enjoy te reo Māori learning opportunities in the kura. There are a range of activities available to all students that enhance their knowledge of te reo Māori. These include karakia, mihimihi, waiata, pao and haka. Students effectively communicate with kaimahi and each other in a range of contexts. Tuakana confidently reinforce the use of the language in the kura environment. Students are confident speakers of te reo Māori.
Ngā Iwi
Students are self-aware and demonstrate personal pride in their identity. They participate in marae activities which affirm their sense of belonging. Students learn about their cultural links to the three iwi that occupy the area through waiata and mōteatea. Students mihimihi to each other and recite their pepehā with confidence. This enhances their mana, ihi, wehi, and wana. Students’ value whakapapa and kaimahi effectively integrate these connections into the curriculum. Whānau and kaimahi model pride in their own hapū and iwi while enhancing their connection to the three iwi. Students are becoming advocates for their whānau, hapū and iwi.
Te Ao
Students are growing in their role as kaitiaki in the kura and beyond. Kaimahi and whānau encourage students to be kaitiaki. They provide experiences that are relevant for student to understand who they are and where they are from. The physical environment of the kura reflects the identity of students, their whānau, hapū and iwi. Students enjoy experiences and knowledge shared by the local kaumātua. Whānau and kaimahi are committed to being guardians of Te Aho Matua and providing students with a strong cultural foundation to care for and protect. Students have a sense of belonging and confidence about their place in their world.
Āhuatanga Ako
Students are nurtured and supported to achieve success in learning. Students are comfortable in the kura environment which is inclusive and welcoming. The puna kohungahunga onsite has added to the learning community and fosters the confidence of younger learners especially when they transition to the kura. Furthermore the puna is an opportunity for all students to interact as tuakana and teina with all ages. Students are comfortable in independent learning and show enjoyment in sharing new understandings with others. Students benefit from well planned and evaluated programmes that challenges and stimulates their learning. Students love going to kura.
Areas of development
The kura whānau and principal acknowledge that there are two key areas for development. These include:
- understanding and implementing the new Te Aho Matua curriculum in the kura and what that looks like for students of Taumarunui
- continue to work on an application for wharekura and develop indicators of ‘Raukura’ to reflect the aspirations of students and their whānau.
3 Self Review and leadership
The whānau maintain strong regular self review. Well-documented frameworks, checklists and programmes have made a significant contribution to recording, monitoring and reporting links to student success. The Ohu Tautoko is a result of self-review which empowers whānau members to play an active role in the everyday activities of the kura. Whānau enjoy and participate in the educational and cultural experiences provided to students. Whānau and kaimahi are committed to a strong te ao Māori learning environment that can be transferred across any context in a caring and respectful way.
Kura leaders are considerate, collaborative and empowering. Senior leaders monitor the key areas for development which includes the formal establishment of the wharekura. The principal has very strong networks. He models high levels of whanaungatanga and utilises his networks within the kura community and beyond Taumarunui to support the growth and development of the kura. He is developing well in his role and continues to show commitment and dedication to reaffirming a learning community based on te reo Māori, tikanga Māori and the kaupapa of Te Aho Matua.
4 Whānau assurance on legal requirements
Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:
- board administration
- curriculum
- management of health, safety and welfare
- personnel management
- financial management
- asset management.
During the review, ERO checked the following items because they have a potentially high impact on student achievement:
- emotional safety of students (including prevention of bullying and sexual harassment)
- physical safety of students
- teacher registration
- processes for appointing staff
- stand-downs, suspensions, expulsions and exclusions
- attendance.
5 Recommendation
ERO, Te Rūnanga Nui o Ngā Kura Kaupapa Māori (TRN) and the whānau agreed that the whānau seek support from TRN and participate in wānanga about the Te Aho Matua curriculum and the establishment of the wharekura.
Conclusion
Te Kura Kaupapa Māori o Taumarunui is located in Taumarunui. Students demonstrate well that they are faithful to their own sense of personal integrity while being caring, considerate and cooperative with others. Staff and students enjoy successful learning experiences that are mana enhancing. Regular self review practices contribute to successful student outcomes.
6 When is ERO likely to review the kura again?
The next ERO review of Te Kura Kaupapa Māori o Taumarunui will be in three years – Te Rākeitanga – Expansive Evaluation.
Lynda Pura-Watson
Deputy Chief Review Officer Māori
Information about the Kura
|
Location
|
Taumarunui
|
|
Ministry of Education profile number
|
3118
|
|
Kura type
|
Te Aho Matua
|
|
Kura roll
|
33
|
|
Gender composition
|
Girls 18
Boys 15
|
|
Ethnic composition
|
Māori 33
|
|
Special features
|
Te Aho Matua
|
|
Review team on site
|
1 March 2015
|
|
Date of this report
|
20 May 2015
|
|
Most recent ERO report(s)
|
Establishment Review March 2008
Education Review May 2012
|