Te Kura Kaupapa Māori o Te Ara Rima - 26/06/2017

Te Horopaki

E tū ana Te Kura Kaupapa Māori o Te Ara Rima ki Kirikiriroa. Ka whakarato rātou i te mātauranga rumaki reo Māori mō ngā ākonga o ngā Tau 1 ki te 8, ā, ka whakapuakihia te ako i te reo Pākehā i te Tau 6. He nui te ōrau o te whānau kāhore e āta kōrero ana i te reo Māori i te kāinga. Ka whakawhiti mai ngā tamariki ki te kura, mai i te whānuitanga o ngā tūmomo akoranga kōhungahunga. Kua hokihoki mai ētahi whānau kua roa nei e whai hononga ana ki te kura, ā, ka whai wāhi nui rātou ki te tupu o te hapori o te kura.

E noho pūmau ana te poari, ngā kaiārahi, ngā kaimahi, me te whānau ki te whakatairanga i ngā uaratanga matua o Te Kīngitanga. He pai tō rātou hononga ki a Ngāti Wairere, ā, e arotahi ana rātou ki te whakarato i te tino tūāpapa mō te eke angitu ā-mātauranga, ā-tangata hoki o ngā tamariki, i runga anō i ngā kawa me ngā tikanga o Waikato.

Kua whakatōngia e te ārahitanga o te kura, ngā pūnaha hou e āta whai pānga ana ki te tino tupu o te tatauranga tamariki ki te kura. I roto i ngā tau tata kua pahure ake nei, kua tino ahu whakamua te kura. 

1 Ngā Putanga ki ngā Taiohi

He pēhea rawa ngā tamariki e whakaatu i tō rātou tūmāia hei ākonga e whakamanahia ana, ā, he pēhea rawa tā rātou whakamana anō hoki rātou i te ako a ētahi atu?

He tūmāia ngā tamariki hei ākonga, ā, ka ako rātou ki te taha o ētahi atu.

E whakawhanake ana te mōhiotanga o ngā tamariki ki ngā tau, hei whakaoti rapanga. Ka tūhura rātou i ngā rautaki pāngarau me te hīraurau hopanga mā ngā kēmu, mā te ako ā-ringa, ā, mā ngā taumahi ipurangi hoki. Ka whakamahi ngā tamariki i ngā rauemi pāngarau e tika ana ki te whakawhiti kōrero mō ā rātou akoranga ki waenga i a rātou anō, mā ngā taumahi ā-rōpū, ā-hoa hoki. He pārekareka ki ngā tamariki te whakapuaki i ā rātou akoranga ki ō rātou whānau i te kāinga. Ka whakamahi ngā kaiako i ngā rautaki ka whakapakari ake i te kōkiri a te ākonga i a ia anō. He aronga nui ki ngā rautaki pāngarau, ā, ka arotahi ngā kaiako ki ngā matea ā-rōpū me ngā matea o ia ākonga i tāutuhia ai. E hāpaitia ana te āta whai wāhi atu a ngā tamariki e mau ana i ngā matea ako ake. Ka whai wāhi atu ngā kaiako ki ngā akoranga ngaio me te whakawhanaketanga ngaio, kia riterite haere ai puta noa i te hōtaka akoranga. Kua tuituia ngā hōtaka o te reo matatini me te pāngarau e whai hanganga ana. Ka whakarato ēnei i ngā whai wāhitanga mō te ako ā-rōpū hei tuakana, hei teina, ā, e whakatairanga ana hoki i ngā pūkenga ki te ārahi, e whakawhānui ana hoki i ngā whakaaro. Ka hāpai tēnei i te whakawhanaketanga o te ngākau titikaha o ngā tamariki ki te whakapuaki i ō rātou whakaaro mā te reo Māori. E kōkiri ana ngā tamariki i ā rātou akoranga.

E mahi ana, e tākaro ana, e whai wāhi atu ana ngā tamariki ki ngā taunekeneke whakaute e whakarangatira ana i a rātou anō, ā, i ētahi atu hoki. Ka whakamana rātou i ngā tikanga Māori mā te whai wāhi atu ki ngā pōwhiri, ngā whakatau, ngā karakia, me ngā waiata. Ka taetae atu, ka whai wāhi atu hoki rātou ki ngā tino kaupapa o te iwi, pērā i te rīketa, ngā poukai, me te Koroneihana, ā, ka whakanuia e ngā tamariki Te Kīngitanga. E mōhio ana ngā tamariki ki Ngā Uara o te Kura, ā, ka whakapūmau rātou i te manaakitanga, te whakaute, te hūmārie, te whakatairanga, me te aroha i te akomanga me te papa tākaro. Ka whai wāhi atu rātou ki ngā tūnga ārahi i ngā wā o ngā karakia me ngā waiata. E mōhiotia ana, e māramahia ana hoki e rātou ngā tūmanako e pā ana ki te whanonga. Ka kitea te manaaki me te whakaute o ngā tamariki mō ētahi atu. He mauritau, he mārie hoki ngā tamariki.

E tino tautokona ana ngā whakawhitinga o ngā tamariki – tā rātou uru atu ki te kura, te whakawhiti haere puta noa i te kura, tae atu ki tā rātou whakawhiti atu ki ngā mātauranga i ngā kura tuarua. He ratonga mō ngā tamariki e mau ana i te iti noa o te reo Māori, kia ngāwari ake ai tā rātou whai wāhi atu ki te hōtaka akoranga. Ka whai wāhi atu ngā tamariki ki tētahi taiao e whakakotahi ana, e atawhai ana, ā, e whakatinana ana hoki i ngā uaratanga o te kura. Kua āta whakaritea ngā tino hononga ki ngā whare kōhungahunga, ngā kōhanga reo, me te wharekura o te hapori. E tino tautokona ana ngā tamariki me ō rātou whānau.

He pai te mahi ngātahi a te poari me ngā kaiārahi o te kura ki te whakakao i ngā rauemi e whai pānga ana ki te tūtohinga me ngā whāinga rautaki e arotahi ana ki te whakapakaritanga ake o te ahurea pai mō ngā tamariki me ō rātou whānau. Ka whakaemihia, ka tātarihia hoki ngā paetae ākonga, kia whai pānga ai ki ngā whakataunga, ā, hei whakatairanga anō hoki i ngā putanga papai mō ngā tamariki katoa. Ka whakapā atu ngā kaiārahi ki te whānuitanga o ngā tūmomo whai wāhitanga e whakapakari ana i ngā whakaritenga ngaio ki waenga i ngā kaiako, ā, ka hāngai tonu te titiro ki te whakatauira me te whakatinana i ngā uaratanga o te kura. Ka rongo ngā tamariki i te whanaungatanga, ā, ka noho ngākau nui nō te pai o ngā hononga.

Ka maioha, ka whakamihi, ka whakanui hoki ngā tamariki i ngā whakatutukitanga angitu o te katoa. Ka whakamahi ngā kaiako i te whānuitanga o ngā tūmomo rautaki e whakanui ana i te whanonga pai, ā, e hāpai ana i te manawareka o te tamaiti mōna ake. Ka kitea te manawa whakahī me te ngākau māhaki o ngā tamariki me te whānau mō ō rātou whakatutukitanga. Kei te mārama ki a rātou te pakari o tō rātou aronga toi whenuatanga ki te kura me te hapori i riro ai i a rātou mā tā rātou whai wāhi atu ki te kapa haka. Ka whakapuaki ngā tamariki i tō rātou hononga ki a Papatūānuku mā te māra kai i whakawhanakehia ai. He tino kaha tō rātou manaakitanga, i a rātou e tuku ana i ā rātou hua hei whāngai i ngā whānau, ā, ka whakanuia ā rātou whai wāhitanga nui ki ngā marae. He mārama ngā wawata o te whānau mō ā rātou tamariki, ā, ka kite rātou i te kounga o te ako e whiwhia ana e ā rātou tamariki. He harikoa, he māia hoki ngā tamariki, ā, he pārekareka ki a rātou te tae ā-tinana mai ki te kura.

Ngā wāhanga i tāutuhia ai e te kura hei whakawhanake ake

E whakaae ana Te Tari Arotake Mātauranga me te kura, ko ngā whakaritenga ka whai ake i nāianei mō te kura, ko te:

  • whakawhanake i tētahi marau ā-kura me tētahi pūkete e whakatakoto ana i te āhua o te ākonga i tōna putanga i te kura, mā te whakawhitiwhiti whakaaro ki te whānau
  • whakatupu ake i te āheinga o ngā kaiako mā te whakapuaki i ngā whakaritenga ngaio
  • whakawhanake tonu i te kounga o ngā whakaakoranga me ngā akoranga mā te haere tonutanga o te aromātai o roto. 

2 Te Whakatau a te Poari ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Poari mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā pouako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura
  • te whakatutukitanga i te Ture Oranga Tamariki 2014.

3 Ngā Taunakitanga

E taunaki ana Te Tari Arotake Mātauranga me te kura, kia arotahi tonu ki te whakapakari i te aromātai o roto, kia haere tonu ai ngā whakapaitanga.

Hei ā hea Te Tari Arotake Mātauranga aromātai anō ai i te kura?

Tērā ka whakahaeretia e Te Tari Arotake Mātauranga te aromātai whai muri o Te Kura Kaupapa Māori o Te Ara Rima i roto i ngā tau e toru.

Lynda Pura-Watson

Kaiurungi Whakaturuki Arotake Māori

26 Pipiri, 2017

Ngā Kōrero e pā ana ki te kura 

Te tūwāhi

Kei Kirikiriroa

Te tau a te Tāhuhu o te Mātauranga

1718

Te tūmomo kura

Kura Kaupapa Māori

Te tokomaha o ngā ākonga o te kura

143

Te ira tangata

Kōtiro 66

Tama tāne 77

Ngā hononga ā-iwi

Māori

100%

Te ratonga reo Māori

Taumata 1 – 81-100%

Te wā i te kura te rōpū arotake

5 Pipiri 2017

Te rā o tēnei pūrongo

26 Pipiri, 2017

Ngā pūrongo o mua a Te Tari Arotake Mātauranga

Arotake Motuhake

Arotake Motuhake

Arotake Tāpiri

Arotake Motuhake   

Hōngongoi, 2015

Hakihea 2013

Paenga-whāwhā 2012

Here-turi-kōkā 2010

Context

Te Kura Kaupapa Māori o Te Ara Rima is in Hamilton. They provide immersion education for students from Years 1-8 with the introduction of English from Year 6. A high percentage of whānau do not confidently speak te reo Māori in the home. Children come from a range of early childhood settings. Whānau who have a long association with the kura have returned and are integral to the growth of kura community.

The board, leaders, staff and whānau are committed to upholding the core values of the Kīngitanga. They have a positive relationship with Ngāti Wairere and they are focused on providing a firm foundation for educational and social success based in Waikato kawa and tikanga.

School leadership has embedded new systems that have resulted in significant roll growth. The school has made considerable progress in recent years.

1 Student Outcomes

How well do children show confidence as learners where their mana is upheld and they acknowledge others as learners?

Children are confident learners who learn alongside others.

Children are developing number knowledge to problem solving. They explore math strategies and problem solve through games, hands on learning and online activities. Children use appropriate maths resources to discuss their learning with each other through group and peer activities. Children enjoy sharing their learning with whānau at home. Kaiako use strategies to grow learner independence. There is a strong focus on mathematical strategies and teachers focus on group and identified individual needs. Children with specific learning needs are supported to participate confidently. Teachers engage in professional learning and development to grow consistency across the learning programme. Well-structured literacy and numeracy programmes are integrated. They provide opportunities for tuakana teina group learning to promote leadership skills and extend thinking. This supports the development of children’s confidence to share their learning in te reo Māori. Children lead their own learning.

Children work, play and participate in respectful interactions that upholds their own mana and the mana of others. They value tikanga Māori through participating in pōwhiri, whakatau, karakia and waiata. They attend and contribute to significant iwi events such as the regatta, Poukai and Koroneihana where children pay their respects to the Kīngitanga. Children know Ngā Uara o te Kura well and uphold manaakitanga, whakaute, hūmārie, whakatairanga and aroha in the classroom and the playground. They engage in leadership roles through karakia and waiata. They know and understand the expectations for behaviour. Children show care and respect for each other. Children are settled and calm.

Children are well supported to transition into the school, through the school and onto secondary schooling. Provisions are made for children who have limited te reo Māori to comfortably engage in the learning programme. Children experience an inclusive and welcoming environment reflective of the school values. Strong relationships have been established with early learning centres, kōhanga reo and local wharekura. Children and their whanau are well supported.

The board of trustees and kura leaders work together to target resources that reflect the charter and strategic goals which are focussed on building a positive culture for children and their whānau. Student achievement data is gathered and analysed to inform decision making and promote positive outcomes for all children. Leaders access a range of opportunities to build professional practice among teachers while also maintaining a focus on how the school values are being modelled and practiced. Children experience whanaungatanga and enjoy positive relationships.

Children appreciate, acknowledge and celebrate the successes of all. Kaiako use a range of strategies to acknowledge positive behaviour and support children to feel good about themselves. Children and whānau demonstrate pride and humility in their achievements. They understand the strong sense of belonging to the kura and the community they have gained through their participation in kapahaka. Children express their connection to Papatuānuku through the development of a māra kai. They have a caring attitude as they share their produce with whānau and are acknowledged by marae for their contributions. Whānau have clear aspirations for their children and recognise the quality of learning that their children are receiving. Children are happy, confident and enjoy coming to kura.

Kura-identified areas of development

ERO and school agree that the key next steps for the school are to:

  • develop a Marau ā-kura and graduate profile in consultation with whānau
  • grow teacher capability through sharing professional practice
  • continue to develop quality of teaching and learning through ongoing internal evaluation.

2 Board assurance on legal requirements

Before the evaluation, the board of trustees and principal completed the Board Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the evaluation, ERO checked the following items because they have a potentially high impact on student safety and wellbeing:

  • emotional safety of students (including prevention of bullying and sexual harassment)
  • physical safety of students
  • teacher registration and certification
  • processes for appointing staff
  • stand-downs, suspensions, expulsions and exclusions
  • attendance
  • compliance with the Vulnerable Children Act 2014.

3 Recommendation

ERO and the kura recommend a continued focus on building internal evaluation for ongoing improvement.

When is ERO likely to evaluate the kura again?

The next ERO evaluation of Te Kura Kaupapa Māori o Te Ara Rima will be within 3 years

Lynda Pura-Watson

Deputy Chief Review Officer Māori

26 June 2017 

About the Kura 

Location

Hamilton

Ministry of Education profile number

1718

Kura type

Kura Kaupapa Māori

Kura roll

143

Gender composition

Boys 77

Girls 66

Ethnic composition

Māori

100%

Māori language provision

Level 1 - 81 - 100%

Review team on site

5 June 2017

Date of this report

26 June 2017

Most recent ERO report(s)

Education Review

Supplementary Review

Special Review

July 2015

December 2013

April 2012