TKKM o Te Kotuku

Ngā Whakaaturanga

E tū ana Te Kura Kaupapa Māori o Te Kōtuku ki Tāmaki-makau-rau ki te uru. He ngākau titikaha ō ngā ākonga, ā, ka kitea hoki te kounga kairangi o tō rātou ārahitanga, puta noa i te whānuitanga o ngā tūmomo horopaki ako. E poipoia ana rātou ki tētahi taiao e mau pūmau ana i ngā uara Māori, ngā whakapono Māori, me ngā tikanga Māori.

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Te Kōtuku i roto i ngā tau e toru, arā, ko Te Rākeitanga.

1 Te Horopaki

E te piki kōtuku, kia iho tāmore, kia aho kōmata whakaea te pitomata.

E tū ana Te Kura Kaupapa Māori o Te Kōtuku ki Rānui, ki Tāmaki-makau-rau ki te uru. E whakarato ana te whānau i te mātauranga o Te Aho Matua mō ngā tamariki o ngā tau 1 ki te 8. Kua whakapūmautia e rātou ō rātou tino hononga ki ngā kōhanga reo o tō rātou nei takiwā.

Ko Toitū te Kōtuku te tirohanga a te kura, e whakatakoto ana i ngā pūtake me te whai hononga o te whānau. E mau ana hoki i ngā wawata e whakarite ai i ngā ākonga hei kaiārahi mō ō rātou whānau, ō rātou iwi, me ō rātou hapū, otirā, kia iho tāmore, kia aho kōmata whakaea te pitomata.

Whai muri i te pūrongo o mua a Te Tari Arotake Mātauranga i te tau 2014, kua tonoa e te whānau kia hiato te tūnga o te kura hei whakapuaki i te mātauranga ki ngā ākonga tae noa atu ki te tau 13. E poipoia ana te kura e Te Kura Kaupapa Māori o Whakarewa i Te Reo ki Tūwharetoa. Kua whakaurua ngā ākonga o te wharekura ki te rārangi ingoa o te kura tuakana.

2 Te Tino Uaratanga

He pēhea rawa ngā ākonga e whakaatu i ō rātou kiritau, ō rātou ngākau titikaha mō rātou anō, me ō rātou kiritoa, tae atu hoki ki ngā pūmanawa i āta whakawhanakehia ai i roto i te ārahitanga?

Ka kitea ki ngā ākonga ō rātou ngākau titikaha, ō rātou kiritoa hoki, ā, e whakawhanake ana rātou i ngā pūmanawa me ngā pūkenga ki te tū hei kaiārahi.

Te Ira Tangata

Kia toitū ngā raukura.

E poipoia ana ngā ākonga ki tētahi taiao e ahu mai ana i ngā uara Māori, ngā whakapono Māori, me ngā ariā Māori. Ka arotahi atu te whānau ki te whakarato i tētahi taiao torowhānui mō ngā whakaakoranga me ngā akoranga e āta poipoi ai i te eke angitu. E hāpai ana ngā karakia me ngā hui ā-kura i te whānau kia mārie, kia mauritau hoki te tīmatanga o ia rā. Ka ako ngā ākonga i te whānuitanga o ngā tūmomo karakia hei poipoi i ngā tūmomo hiahia o tēnā iwi, o tēnā hapū. Ko Tū whakaaio tētahi hōtaka akoranga e hāngai pū ana ki te whakawhanaketanga torowhānui o te ākonga mā te whānuitanga o ngā karakia me ngā wānanga. E pou here katoatia ana ēnei ki ngā mātāpono o te aroha me te manaaki. E noho ngākau nui ana ngā kaiako ki te tirohanga a te kura, ā, e rangona ana hoki taua tūāhuatanga e ngā ākonga. Ko Toitū te Kōtuku kei te tūāpapa o ngā taunekeneke me te whakawhanaungatanga ki waenga i te whānau. He aroha, he atawhai, he rangimārie hoki ō ngā taiao ako. Ko te whakaaro nui ki ngā tūnga kaimahi e hāpai mārika ana kia wawe te tautoko atu i ngā ākonga me ngā kaiako i ngā wā e tika ana. E ai ki ngā ākonga, e whakamanahia ana, e arohaina ana hoki rātou.

Te Reo

Kia toitū te reo.

E āta tautokona ana te ako a ngā ākonga i te reo Māori. I waihangatia e te whānau ngā hōtaka e whakamahia ana hei whakatairanga ake i te ako o te reo Māori. Ko ētahi o aua hōtaka ko Mānawatia te Reo, ko Pīpī Kōrero, ā, ko Taonga mō te Reo. E hāngai ana aua rautaki auaha ki ngā wawata o te whānau kia whai oranga te reo Māori ki roto i te ākonga mō ake tonu atu. Kua āta rangahaua e ngā kaiako ngā rautaki e pā ana ki te hopu reo. Ka whakawhanake rātou i ngā rauemi whakakipakipa, whakahihiri hoki hei hāpai i te whakawhanaketanga reo o ngā ākonga. Ka waiata ngā ākonga i ngā wai i a rātou e hauhake kai ana, ka ako i ngā nekehanga kanikani, ka waihanga, ka tākaro hoki i ngā kēmu tātāwhāinga e whakatairanga katoa ai i ngā pūkenga whakawhitiwhiti whakaaro. Kua āta whakatōngia ngā tikanga kia reo Māori anake te reo e kōrerohia ana, ā, ka ū te whānau ki taua tikanga. Ka whakatauira ngā kaiako me te whānau i te whakamahinga o te reo Māori ki te whānuitanga o ngā tūmomo horopaki. E whakatairangatia ana ngā pūkenga reo o ngā ākonga.

Ngā Iwi

Kia toitū te whānau.

E whakaratohia ana ngā whai wāhitanga mō ngā ākonga ki te ako i ō rātou tūranga ki tō rātou kura, ō rātou iwi, me ō rātou hapū. Ka akiaki te whānau i ngā ākonga ki te ārahi i roto i te kura, ā, i ngā horopaki whānui tonu o te kura kaupapa Māori. Ka whai wāhi atu, ka taunekeneke hoki ngā ākonga ki te hapū, ā, ki ngā iwi taketake tonu o te hapori, te motu, me te ao whānui. Ka tūmāia, ka tū pakari hoki rātou ki te ārahi. He māramatanga ngātahi tō te whānau ki tā rātou mahi ki te hāpai i ngā pūkenga o ngā ākonga kia whai wāhi atu ai rātou ki ō rātou whānau, ō rātou iwi, me ō rātou hapū. Kua tuituia ngā kaupapa pakihi ki ngā akoranga a ngā ākonga. E whai wāhi atu ana ngā ākonga ki ngā kaupapa mahi e whakatairanga ana i ō rātou ngākau titikaha, ō rātou ngākau aroha, me tō rātou aumangea. Ka whakawhanake, ka ārahi hoki rātou i ngā kaupapa pakihi e whakapiki ake ana i tō rātou māramatanga me tā rātou whakatinana i ngā pūkenga e whai pānga ana. Ka whakatauira hoki ngā kaiako i te wairua pakihi mā te whakapuaki i ngā rauemi me ngā hua. He kaha te whakakotahitanga, te whakatōpūtanga hoki hei hinonga. E whai wāhi atu ana ngā ākonga ki tō rātou kura, ō rātou whānau, ō rātou iwi, me ō rātou hapū.

Te Ao

Kia toitū te whenua.

He mātātoa ngā ākonga ki te whakatewhatewha me te tūhura i tō rātou taiao māoriori. E whakarato ana a Toitū te whenua i te aronga mō te whānau ki te tiaki i tō rātou taiao, me te tāutu i ā rātou ake whai kawenga ki a Papatūānuku. Ka whakaaro nui, kei te tākare hoki te whānau ki te whai wāhi atu ki ngā akoranga a ngā tamariki. Ka hāpai rātou i ngā kōkiritanga pērā i te mahi māra, te raupī pī, te kahu pēpeke, te hāpai ō, me te pā kāinga. He whenua tō te whānau hei hāpai i te tupu haere o ngā māramatanga o ngā ākonga ki te kaitiakitanga. Ka hāpai ngā kaiako i ngā ākonga ki te whakatinana i ō rātou māramatanga e pā ana ki te tiaki taiao, ā, ki te tūhura hoki i ngā tūāhuatanga e pā tōraro atu ana ki a Papatūānuku. Kua whakatakotohia ki te kura ngā pūnaha e whai hua ana ki te hāpai i te taiao me ngā tikanga whakauka. He whai wāhitanga mō ngā ākonga ki te ārahi me te hāpai i ngā mahi whakauka mā ngā kaupapa pērā i te hangarua, te para kore, te parawhenua, te tā punga, me te pā kāinga. Ka kitea ki ngā ākonga tō rātou māramatanga ki tō rātou tū hei kaitiaki.

Āhuatanga Ako

Toitū te wānanga.

E ako ana ngā ākonga ki tētahi taiao e whakawhānui ana i ō rātou pūkenga me ō rātou pūmanawa ake. E pou here ana a Toitū te wānanga i te ū pūmau ki te ako tonu. Ka mahi ngā kaiako ki te taha o ngā ākonga, ki te tāutu i ō rātou ngākau nuitanga. Ka whakatauira rātou i te ngākau nui ki te ako i a rātou e whakaako ana, mā te poipoi i ō rātou pūkenga me ō rātou pūmanawa ake. E whai wāhi nui ana te āhua o ngā wāhi ako ki te wairua o te ako ngātahi. He wāteatea te taiao ako moroki e hāpai nei i te mahi ngātahi me te matatini tonu o ngā huarahi ako. He ngāwari te rere haere o ngā ākonga, puta noa i te wāhi ako. Kua waihangatia ngā taumahi me ngā mahi ako hei poipoi i te mōhio ngātahi me ngā mahi whakatōpū. Ka whai wāhi mātātoa ngā ākonga ki ngā wheako ako, ā, kei te tākare, kei te tūmāia hoki rātou hei ākonga.

Wharekura

Toitū te kōtuku.

He pai te riterite o te hōtaka akoranga me te waihanga ako o ngā ākonga. Kua whakamahia e ngā kaiako ngā mātāpono o ngā tuhinga matua – tae atu hoki ki Te Aho Matua – ki te waihanga i tētahi angamahi ako mō te wharekura. Kua whakatairangatia mā ngā hononga ki ngā tikanga whakaaro Māori o te ao hou me te ao o nehe, ki te tirohanga a te whānau, ā, ki te hauora me ngā mahi a rēhia. E ārahi ana a Toitū te Kōtuku i ngā hōtaka akoranga a ngā kaiako. Kua whakahāngaitia Te Taumata Mātauranga ā-Motu kua Taea ki ia tuhinga matua o te kura e whai pānga ana ki te whakaako me te whakapuaki kaupapa ki te wharekura. E hāpaitia ana ngā ākonga kia mahi takitahi, kia mahi takirōpū iti rānei. E whai wāhi nui ana ngā ākonga ki te ako.

Ngā Whakaritenga Matua ka whai ake

Ka whakaaro huritao ngā kaiako ki te kounga o te ako. Ahakoa ka hui rātou i ia te wā, ā, ka whakawhitiwhiti kōrero ngaio hoki rātou hei hāpai i ngā putanga ki ngā ākonga, kāhore aua wā e tuhia ana. E tika ana kia tuhia ngā whakawhitinga kōrero aromātai hei aroturuki i te whai pānga atu o ngā whakaritenga whakaako.

3 Te Arotake Whaiaro me te Ārahitanga

Ko te whānau whakahaere te huarahi e whāia ana hei kāwana i te kura. Hui ai te whānau i ia te wā ki te whakawhiti kōrero mō te whānuitanga o ngā tūmomo take e pā ana ki a Toitū te Kōtuku, tae atu ki ō rātou wawata, ō rātou whāinga me ā rātou whakawhanaketanga. Ka arotahi rātou ki ngā putanga mō ngā ākonga me te whānau, ki te rōnakitanga, ā, ki te whakapakaritanga anō hoki o ngā pūmanawa o te whānau. He auau ngā pūrongo, ā, ka whakamōhio ēnei i ngā whakawhitinga kōrero me ngā whakataunga. Kua tohaina ngā mahi ārahi ki ngā whānau katoa, ā, ka whai wāhi atu rātou ki ngā ohu, arā, ki ngā komiti iti e kawe ana i ngā tū mahi kāwana. Ka kitea ki ngā ākonga ngā pūmanawa ki te ārahi, i runga anō i ērā i whakatauirahia ai e tō rātou whānau.

He kaitiaki, he tumuaki hoki e whakahaere ngātahi ana i ngā whakaritenga whānui. Ka whakahaere ngātahi rāua i ngā whakahaeretanga o ia rā ki te kura. Ko ō rāua nei pūkenga e whakatairanga ngātahitia ana te ārahitanga. Ka arotahi rāua ki te kounga kairangi o ngā putanga ki ngā ākonga, ā, ki te āta hāpai anō hoki i te whānau ki te whai wāhi nui ki ngā whakataunga. He nui te whakawhirinakitanga ki waenga i te whānau. Ka mahi ngātahi rātou hei painga mō ngā ākonga, ā, hei whakatupu anō hoki i ngā āheinga. He pūkenga matatini ō ngā kaiako, ā, ka ārahi anō hoki rātou i ngā wā e tika ana. He pakari rātou ki te whakapuaki me te whakatinana hoki i te tirohanga a te kura. E whiwhi ana ngā ākonga i ngā painga ka puta i te pakari o te aromātai o roto me te ārahitanga.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

• ngā whakahaere a te poari
• te marautanga
• ngā whakahaere mō te hauora, te haumaru, me te oranga tinana
• ngā whakahaere o ngā kaimahi
• ngā whakahaere o te pūtea
• ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga o ngā kaiako
• ngā tukanga ki te whakatū kaimahi
• te whakaunu, te aukati, te pana me te whakarerenga
• te tae ā-tinana atu a ngā ākonga ki te kura.

5 Te Taunakitanga

E taunaki ana Te Tari Arotake Mātauranga kia tahuri te whānau ki te whakatutuki i ngā whakaritenga matua i tāutuhia ai ki tēnei pūrongo, kia whai ake.

Te Whakarāpopototanga

E tū ana Te Kura Kaupapa Māori o Te Kōtuku ki Tāmaki-makau-rau ki te uru. He ngākau titikaha ō ngā ākonga, ā, ka kitea hoki te kounga kairangi o tō rātou ārahitanga, puta noa i te whānuitanga o ngā tūmomo horopaki ako. E poipoia ana rātou ki tētahi taiao e mau pūmau ana i ngā uara Māori, ngā whakapono Māori, me ngā tikanga Māori.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Te Kōtuku i roto i ngā tau e toru, arā, ko Te Rākeitanga.

Gloria Takuira

Toka ā-nuku Whakakapi

Te Uepū-ā-Motu - Māori Review Services

03 Hakihea, 2019

Ngā Kōrero e pā ana ki te kura

Findings

Te Kura Kaupapa Māori o Te Kōtuku is in West Auckland. Students are confident and demonstrate high qualities of leaderships across a wide range of learning contexts. They are nurtured in an environment based on Māori values, beliefs and practices.

The next ERO review of Te Kura Kaupapa Māori o Te Kōtuku will be in three years – Te Rākeitanga – Expansive Evaluation. 

1 Context

E te piki kōtuku, kia iho tāmore, kia aho kōmata whakaea te pitomata.

Te Kura Kaupapa Māori o Te Kōtuku is in Rānui, West Auckland. The whānau provide Te Aho Matua education for Years 1 – 8. Strong connections to the local kōhanga reo are maintained.

The kura vision, Toitū te Kōtuku provides purpose and connection to whānau. It includes aspirations to prepare students as leaders for their whānau, iwi and hapū, for them to be grounded and remember their origins and realise their potential.

Since the last ERO report, 2014, the whānau have applied for composite status to deliver an education for students to Year 13. The kura is a satellite to Te Kura Kaupapa Māori o Whakarewa i te reo ki Tūwharetoa. Wharekura students are on the roll of the tuākana kura.

2 Te Tino Uartanga

How well do students demonstrate self-esteem, self-confidence, self-discipline and well-developed qualities of leadership?

Students are confident, self-disciplined and are developing qualities and skills as leaders.

Te Ira Tangata

Kia toitū ngā raukura.

Students are nurtured in an environment based on Māori values, beliefs and concepts. Whānau focus on the provision of a holistic teaching and learning environment that fosters success. Karakia and hui ā kura support whānau to start the day in a calm and settled way. Students learn an extensive range of karakia to cater for different iwi and hapū preferences. Tū whakaaio is a learning programme that targets student holistic development through a range of karakia and wānanga. These are underpinned by the principles of aroha and manaaki. Kaiako are passionate about the kura vision and this resonates with students. Toitū te Kōtuku is the foundation for interactions and relationships for whānau. Learning environments are loving, warm and peaceful. Attention to staffing provides students and kaiako with instant support when required. Students state that they feel valued and loved.

Te Reo

Kia toitū te reo.

Students are supported well to learn te reo Māori. Whānau designed programmes are in place to enhance te reo Māori learning. These include Manawatia te Reo, Pīpī Kōrero and Taonga mō te Reo. These innovative strategies align to whānau aspirations to prepare lifelong speakers of te reo Māori. Kaiako are well researched in strategies of language acquisition. They develop motivational exciting resources to support learners’ language development. Students sing waiata whilst harvesting kai, learn dance moves, and create and play competitive games to enhance communication skills. Tikanga around the use of te reo Māori only is embedded and adhered to by whānau. Kaiako and whānau model the use of te reo Māori in a range of contexts. Students’ communication skills are enhanced.

Ngā Iwi

Kia toitū te whānau

Students are provided with opportunities to learn about their roles within their kura, iwi and hapū. Whānau encourage students to lead in the kura, and in the wider kura kaupapa Māori setting. Students participate and interact with hapū and iwi taketake locally, nationally and internationally. They lead with confidence and assuredness. Whānau have a shared understanding of their role to equip students with skills needed to contribute to their whānau, iwi and hapū. Entrepreneurial ventures or pākihi are integrated into student learning. Students are involved in working relationships that improve their confidence, compassion and resilience. They develop and lead business ventures that increase their understanding and application of these skills. Kaiako model the pākihi ethic by producing resources and products. There is a strong sense of collective, collaborative enterprise. Students are contributors to their kura, whānau, iwi and hapū.

Te Ao

Kia toitū te whenua.

Students actively investigate and explore their natural environment. Toitū te whenua, provides whānau with direction to protect their environment and identify their responsibilities to Papatūānuku. Whānau are conscious and eager to contribute to children’s learning. They support in initiatives such as gardening, bee keeping, kahu pēpeke, hāpai ō and pā kainga. Whānau have land dedicated to support students’ developing understanding of kaitiakitanga. Kaiako allow students to apply their understanding of care for the environment and explore how negative behaviours can impact on Papatūānuku. School wide systems are in place to reduce environmental impacts to focus on sustainable practices. There are opportunities for students to lead and contribute to sustainability through things such as recycling, waste reduction, parawhenua, tā punga and pā kāinga. Students show an understanding of their role as kaitiaki.

Āhuatanga Ako

Toitū te wānanga

Students learn in an environment that expands on their strengths and natural talents. Toitū te wānanga underpins a commitment to continued learning. Kaiako work alongside students to identify their interests. They model enjoyment of learning when they teach to their strengths and natural talents. Physical learning spaces strengthen the sense of collective learning. A spacious modern learning environment provides a physical setting that promotes collaboration and supports multiple learning styles. Students move around with fluidity and ease. Activities and learning tasks are designed to foster collective knowledge and collaborative practises. Students actively participate in learning experiences, are enthusiastic and confident learners.

Wharekura

Toitū te kōtuku

Students learning programme and design is well-balanced. Kaiako have used the principles of key documents including Te Aho Matua to create a wharekura learning framework. This is highlighted by links to contemporary and traditional Māori philosophies, whānau vision, hauora, and ngā mahi ā Rehia. Toitū te Kotuku guides kaiako learning programmes. National Certificate of Education Achievement (NCEA)is aligned to each of the kura key documents that influences teaching and delivery in wharekura. Students are supported to work independently and in small groups. Students are engaged learners.

Key next steps

Kaiako are reflective about the quality of learning. While they meet regularly and engage in professional conversations to improve outcomes for students, these are not recorded. There is a need to record evaluative conversations to monitor the impact of teaching practise.

3 Self-Review and leadership

Whānau whakahaere is the governance model. They meet regularly to discuss a wide variety of matters pertaining to Toitū te Kōtuku, their aspirations, goals and developments. They focus on student and whānau outcomes, sustainability and building whānau capability. Regular reporting informs discussions and decision-making processes. All whānau have delegated roles as leaders, which are contributing to Ohu, sub committees with governance responsibilities. Students show leadership attributes modelled by their whānau.

A dual leadership model of kaitiaki and tūmuaki manages operations. Between the roles they manage the daily operations of the kura. Their respective skills set compliment the shared leadership role. They are focused on high quality outcomes for students and empowering whānau to contribute to decision making. There is a high level of trust within the whānau. They work collectively to benefit students and grow capability. Kaiako are multi skilled and lead as required. They can clearly articulate and embody the kura vision. Students are the benefactors of strong internal evaluation and leadership.

4 Whānau assurance on legal requirements

Before the evaluation, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration
• curriculum
• management of health, safety and welfare
• personnel management
• financial management
• asset management.

During the review, ERO checked the following items because they have a potentially high impact on student achievement:

• emotional safety of students (including prevention of bullying and sexual harassment)
• physical safety of students
• teacher registration
• processes for appointing staff
• stand-downs, suspensions, expulsions and exclusions
• attendance.

5 Recommendation

ERO recommends that the whānau attend to the key next steps identified in this report.

Conclusion

Te Kura Kaupapa Māori o Te Kōtuku is in West Auckland. Students are confident and demonstrate high qualities of leaderships across a wide range of learning contexts. They are nurtured in an environment based on Māori values, beliefs and practices.

When is ERO likely to evaluate the kura again?

The next ERO review of Te Kura Kaupapa Māori o Te Kōtuku will be in three years – Te Rākeitanga – Expansive Evaluation.

Gloria Takuira Acting Toka ā-nuku

Te Uepū-ā-Motu - Māori Review Services

3 December 2019

Information about the Kura