Te Kura Kaupapa Māori o Te Raki Paewhenua - 02/12/2016

Ngā Whakaaturanga

E whakaongaongatia ana ngā hinengaro o ngā ākonga o Te Kura Kaupapa Māori o Te Raki Paewhenua, ā, he ākonga hihiri rātou. E tino whakatinana ana rātou i ngā pūmanawa o te ngākau tapatahi, hei whakapūmau i ngā mātāpono o Te Aho Matua. Ko te piki ake i te whai wāhi o te whānau ki ngā wāhanga katoa o te whakahaeretanga ki te kura e hāpai ana i te noho mōhio me te kotahitanga i roto i ngā whakataunga, ā, i te whakatairanga ake anō hoki i ngā putanga ako o ngā ākonga.

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Te Raki Paewhenua i roto i ngā tau e toru, arā, ko Te Rākeitanga. 

1 Te Horopaki

Tōku reo, tōku ohooho

Tōku reo, tōku māpihi maurea

Tōku reo, tōku whakakai marihi.’!

E tū ana Te Kura Kaupapa Māori o Te Raki Paewhenua ki Tāmaki-makau-rau, ki Te Raki Paewhenua. Kei ngā papa nei tētahi kōhanga reo, tētahi kura tuatahi, tētahi wharenui, me tētahi whare hākinakina. Nā aua ratonga, he nui ake te mātauranga, he maha ake anō hoki ngā whiringa ako mā te hapori, te whānau, me ngā ākonga. Ka whakarato te kura i te mātauranga mō ngā ākonga o ngā Tau 1 ki te 15. I tēnei wā, kei ngā reanga o ngā Tau 1 ki te 13 ngā ākonga. Kua whakaritea te wharekura hei whakapuaki i te whānuitanga o ngā tūmomo wheako akoranga mō ngā ākonga tuākana o ngā tau 9 ki te 13. Ka ārahi Te Aho Matua i te tirohanga me ngā whāinga mō ngā whakaakoranga, ngā akoranga, me ngā paetae ākonga.

2 Te Tino Uaratanga

Ka oke ngā ākonga ki te whakatutuki i ngā tūmanako o tō rātou whānau. Ka kitea tō rātou tūmāia me tō rātou mātau haere ki te reo Māori.

Te Ira Tangata

E puāwai ana ngā ākonga ki tētahi taiao e aro matua ana ki te whakawhanaketanga o te katoa o te tamaiti. Whakatinanahia ai ngā ariā o te wairua, te mauri, me te tapu i ia rā. Nō nā tata tonu nei te kura i whakatinana ai i tētahi hōtaka hei hāpai i ngā ākonga ki te whiriwhiri me te whakatau i ā rātou whakaritenga i runga anō i te noho mōhio, ā, e whai pānga ana tēnei ki ō rātou āhua me ā rātou taunekeneke ki waenga i a rātou anō, ki te taha anō hoki o ngā pākeke. Ka āta aroturuki ngā kaimahi i te whai o ngā ākonga i ngā tūmanako o te kura. E whakawhanake ana ngā ākonga i tō rātou tūmāia me tō rātou āheinga ki te hāpai i ō rātou whānau, ō rātou hapū, ō rātou iwi, me ō rātou hapori. Kei te mārama rātou i te whakahirahiratanga o te waiora me te oranga o te katoa o te tangata, hei painga mōna, hei painga anō hoki mō te whānau. Ka ako ngā ākonga i tō rātou mana āhua ake.

Te Reo

Kei te ahu whakamua tonu te whakawhanake i te reo Māori o ngā ākonga. Ko te eke angitu o ngā ākonga i roto i te reo Māori te aronga matua tonu o ngā whakaakoranga, ngā akoranga, me ngā whakatutukitanga. Ka whakarato ngā kaiako i ngā hōtaka akoranga i āta whakaarohia ai, i āta whakamaheretia ai hoki, ā, kua waihangatia ēnei hei āta hāpai i te whakawhanaketanga reo, ā, hei whakatairanga anō hoki i ngā mōhiotanga me ngā māramatanga. Ka kawe ake ngā ākonga i ngā tūranga ārahi, ā, ka whakatinana rātou i tēnā e mōhiotia ana e rātou mō ngā tūmomo horopaki, tae atu ki te akomanga, te kura whānui, ā, ki tua atu anō hoki i te kura. Kua whakatōngia ngā hononga o te tuakana me te teina ki ngā akomanga hei hāpai i te ako reo o tēnā me tēnā. Ka whakamahi, ka ako hoki ngā ākonga i te reo me ngā tikanga ki te whānuitanga o ngā tūmomo horopaki tuku iho, me ērā anō hoki o te ao hurihuri. Ka pūrongotia, ka whakanuia hoki tā rātou whai wāhi atu me tā rātou ahu whakamua mā ngā huarahi ōkawa me ngā huarahi ōpaki. He pakari te whakawhiti kōrero a ngā ākonga, ka kōkiri rātou i ngā whakawhitinga whakaaro, ā, ka whai wāhi hoki rātou ki ngā kōrerorero e pā ana ki ngā akoranga.

Ka whakatairangatia ngā putanga ako reo a ngā ākonga nā ngā kōkiritanga reo ā-kura ka tāpirihia hei whakapakari ake i te āheinga reo Māori o ngā kaiako me te whānau. E arotahi ana te kura ki te whakamāoriori i te whakamahinga o te reo Māori ki ngā taumata katoa, tae atu ki te kāwanatanga me te whakahaeretanga. Ka whai wāhi nui, he tākare anō hoki te ako a ngā ākonga i te reo Māori mā tō rātou taiao akoranga o te ao Māori.

Ngā Iwi

Ka kitea te tūmāia me te āheinga ake o ngā ākonga ki te whakatutuki i ngā tūmomo tūranga me ngā tūmomo kawenga mahi ki ngā horopaki Māori me tō rātou hapori whānui. E whakawhanake ana tō rātou urutau ki te whakamahi i te reo Māori me ōna tikanga mō te whānuitanga o ngā tūmomo pūtake, ā, ki te whānuitanga anō hoki o ngā tūmomo horopaki. Ka āta whai wāhi nui ngā ākonga ki ngā kaupapa hākinakina me ngā kaupapa ahurea o te hapori. He whai wāhitanga mō rātou ki te tae atu ki ngā hui o te motu me te ao. Ka whakarato te whānau i ngā rauemi me ngā wāhi ako o te kounga pai mō ngā kaiako me ngā ākonga. E tino tautokona ana te whakawhanake o ngā ākonga i ngā pūkenga me ō rātou mōhiotanga e pā ana ki te hangarau, ā, ka whakawhānui ake tēnei i tō rātou āheinga ki te pakirehua me te whakawhiti whakaaro mā ngā huarahi maha. Ka kitea te manawa whakahī o ia ākonga mō ō rātou whānau, ō rātou hapū, me ō rātou iwi, ā, hei mema anō hoki o tō rātou whānau ā-kura.

Te Ao

He pārekareka ki ngā ākonga te ako i te ao Māori me te ao whānui mā te pakirehua. Kua āta tuitui i te hangarau mōhiohio puta noa i te kura, hei hāpai i te ako ā-akomanga, me te ako a ngā ākonga. Kua whakamaheretia ngā wheako akoranga, ā, kua waihangatia ēnei hei whakawhānui i ngā mōhiotanga o ngā ākonga, hei whakawero i ngā pūkenga me ngā whakaaro e pā ana ki te ao, mā ngā tirohanga o te ao hurihuri me ngā tirohanga tuku iho. He maha ngā huarahi mō ngā ākonga ki te whakapuaki i tō rātou māramatanga ki tō rātou tūnga, tō rātou tātai whakapapa anō hoki ki te ao whānui, mā te reo Māori. Ka kitea te tino mōhio, te tino maioha anō hoki o ngā ākonga ki ngā tikanga me ngā mātāpono o Te Aho Matua, i a rātou e taunekeneke ana ki te ao māoriori me te ao tūturu. E pou here ana te whanaungatanga i te ako a ngā ākonga i te ao. Ka kitea te whakaaro nui o ngā ākonga ki ngā hononga ki waenga i a rātou anō, ki tō rātou tū ki te ao Māori, ā, ki te ao whānui tonu.

Āhuatanga Ako

He mātātoa te whai wāhi atu a ngā ākonga ki ngā akoranga. He hihiri, he aronga nui hoki tō rātou ki te whakatutuki haere i ngā mahi e whakawero ana i a rātou. Ka ū ngā kaiako ki te tino ahurea ako i ngā akomanga, ā, e hāpai ana tēnei i te ahu whakamua me te eke angitu i roto i ngā akoranga. Ka āta hāpaitia te ako a ngā ākonga, mā ngā hōtaka taumahi whakahihiri i āta whakamaheretia ai, i āta whakahāngaitia ai hoki, ā, ka whakawero ēnei i ngā ākonga, ka arotahi hoki ki te ahu whakamua. He whai wāhitanga mō ngā ākonga ki te whakawhiti whakaaro mō ā rātou akoranga me tā rātou ahu whakamua ki te taha o ngā kaiako me ō rātou hoa. He mātātoa te hāpai o ngā tuākana i ō rātou tēina, puta noa i te taiao ako. Ka ngākau nui ngā ākonga ki te whai wāhi mai o te whānau ki te hōtaka akoranga. Ka aro atu ngā tēina o te kura ki ngā ākonga o te wharekura hei tino tauira mō rātou i roto i ngā akoranga me ngā paetae. Ka ngākau nui ngā ākonga ki te whai wāhi mātātoa ki ā rātou akoranga, ā, ki te oke hoki hei whakatutuki i ā rātou whāinga ako.

Ka whai hua ngā ākonga nā ngā hōtaka akoranga i whakahāngaitia ai mā ia ākonga. Ko ngā mahi whakamahere me ngā mahi aroturuki i te akomanga me te kura whānui i āta whakawhanakehia ai mō ngā akoranga a ngā ākonga, me tā rātou whai wāhi atu, tā rātou eke angitu hoki. He whānui ngā tūmomo mahi aromatawai e whakamahia ana hei aroturuki i te ahu whakamua me ngā paetae ākonga, tae atu hoki ki ngā whakawhanāketanga ā-motu, ā-kura hoki. Pūrongotia ai te ako, te whai wāhi, me te ahu whakamua a ngā ākonga ki te poari i ia te wā. Whiwhi ai ngā whānau i ngā pūrongo i ia te wā, mō te āhua o te ahu whakamua a ā rātou tamariki, me ā rātou whakatutukitanga puta noa i te marautanga o te kura, mā te whakamahinga o tētahi angamahi i waihangatia ai e te kura mō te ahu whakamua me ngā paetae ākonga. Ko te aromātai a ngā kaiako i ia te wā i ngā whakaritenga me ngā hōtaka ka whakamōhio i ngā mahi whakaako me ngā matea e pā ana ki te ako ngaio me te whakawhanaketanga ngaio. Ka whai atu ngā ākonga me ō rātou whānau i te angitu me ngā paetae i roto i ngā akoranga.

Ngā wāhanga i tāutuhia ai e te kura hei whakawhanake ake

Kua tāutuhia e te kura ngā kaupapa matua mō te whakawhanake tonutanga hei whakatairanga i ngā paetae ākonga, inā koa, i roto i te reo Māori, te pāngarau, me ngā taumata o Te Taumata Mātauranga ā-Motu kua Taea ki te Tau 13. Ka tahuri hoki rātou ki te:

  • ata titiro ki ngā whakaritenga ā-akomanga, ā-kura hoki i roto i ngā mahi tātari
  • whakawhānui i tō rātou māramatanga ki ngā hōtuku o ngā paetae ākonga i whakaemihia ai, hei hāpai tonu i te pūrongo i te ahu whakamua
  • whakamahi i aua mōhiohio hei whakatinana i ngā whakaakoranga me ngā akoranga, kia hāngai ai ēnei ki ngā paetae ā-kura i whakamaheretia ai
  • whakamahi i ā rātou whakaritenga aromātai o roto, hei aroturuki ake i te whānuitanga me te āhua o ngā mahi whakaako me ngā hōtaka e kōkiri ana i te eke angitu o ngā ākonga ki ngā taumata.

E tautoko ana Te Tari Arotake Mātauranga i te aronga o te kura ki te kōkiri i ngā paetae ākonga puta noa i te katoa o ngā reanga.

3 Te Arotake Whaiaro me te Ārahitanga

Ko te ako, te whai wāhi me ngā paetae o ngā ākonga te aronga o te kāwanatanga, te whakahaere, me te kounga o te mātauranga. Ka ū te poari me te tumuaki ki te ahurea ngaio o te mahi ngātahi me te whakaaro huritao. Kei te pai te tūnga o te kura ki te whakatutuki i ā rātou whakaritenga matua ka whai ake, nā te aronga riterite o ngā pūrongo me te aromātai o roto ki te ako, te whai wāhi, me ngā whakatutukitanga o ngā ākonga. E kōkiri ana te ako me ngā paetae ākonga i ngā whakataunga, ngā mahere, te ako ngaio me te whakawhanaketanga ngaio. He pai te whakahaeretanga o te kura i te aromātai o roto. Ka whakapūmau te whai hua o te ārahi i te ahurea o te ako ngātahi, ā, e pou here ana hoki i ngā mātāpono o Te Aho Matua. Ka ākina, ka aroturukitia e ngā kaiako te ārahi ngātahi. Ka hāpai tēnei i te kura ki te whakapūmau i te kāwanatanga me te ārahitanga e whai hua ana.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

5 Te Taunakitanga

E taunaki ana Te Tari Arotake Mātauranga kia whakamahi tonu te whānau o te kura i te aromātai o roto e whai hua ana, hei whakamōhio, hei aroturuki hoki i te ahu whakamua o ngā kaupapa matua i te tūtohinga, tae atu ki te tupu o te reo Māori ki waenga i te whānau.

Te Whakarāpopototanga

E whakaongaongatia ana ngā hinengaro o ngā ākonga o Te Kura Kaupapa Māori o Te Raki Paewhenua, ā, he ākonga hihiri rātou. E tino whakatinana ana rātou i ngā pūmanawa o te ngākau tapatahi, hei whakapūmau i ngā mātāpono o Te Aho Matua. Ko te piki ake i te whai wāhi o te whānau ki ngā wāhanga katoa o te whakahaeretanga ki te kura e hāpai ana i te noho mōhio me te kotahitanga i roto i ngā whakataunga, ā, i te whakatairanga ake anō hoki i ngā putanga ako o ngā ākonga.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Te Raki Paewhenua i roto i ngā tau e toru, arā, ko Te Rākeitanga.

Lynda Pura-Watson

Kaiurungi Whakaturuki Arotake Māori

02 Hakihea, 2016

Ngā Kōrero e pā ana ki te kura

Te tūwāhi

Kei te whanga o Mairangi, ki Tāmaki-makau-rau

Te tau a te Tāhuhu o te Mātauranga

1584

Te tūmomo kura

He kura hiato (Tau 1 ki te 15)

Te tokomaha o ngā ākonga o te kura

101

Te ira tangata

Kōtiro 47

Tama tāne 54

Ngā hononga ā-iwi

Māori

100%

Ngā āhuatanga motuhake

Kura Kaupapa Māori Te Aho Matua

Te wā i te kura te rōpū arotake

Mahuru 2016

Te rā o tēnei pūrongo

02 Hakihea, 2016

Ngā pūrongo o mua a Te Tari Arotake Mātauranga

Arotake Mātauranga Te Aho Matua

Arotake Mātauranga Te Aho Matua

Arotake Tāpiri Te Aho Matua

Haratua 2013

Whiringa-ā-nuku 2009

Here-turi-kōkā 2006

Findings

Students of Te Kura Kaupapa Māori o Te Raki Paewhenua are intellectually stimulated and motivated learners. They exemplify characteristics of personal integrity in upholding the principles of Te Aho Matua. Increased whānau participation at all levels of kura management is contributing to an informed and inclusive culture for decision making and raising learning outcomes for students.

The next ERO review of Te Kura Kaupapa Māori o Te Raki Paewhenua will be in three years – Te Rākeitanga – Expansive Evaluation. 

1 Context

Tōku reo, tōku ohooho Tōku reo, tōku māpihi maurea Tōku reo, tōku whakakai marihi.’

Te Kura Kaupapa Māori o Te Raki Paewhenua is on the North Shore of Auckland. The grounds include a kōhanga reo, a primary school, a wharenui and a sport stadium. These offer the local community, whānau and students with more education and learning choices. The kura provides education for students from Years 1 to 15. They currently have students enrolled from Years 1 to 13. The Wharekura is set up to deliver a range of learning experiences for senior students from Years 9 to 13. Te Aho Matua guides the vision and goals for teaching, learning and student achievement.

2 Te Tino Uaratanga

Students strive to meet the expectations of their whanau. They show confidence and growing competence in te reo Māori.

Te Ira Tangata

Students thrive in an environment where their holistic development is a priority. Concepts of wairua, mauri, and tapu are practiced daily. The kura has recently implemented a programme for supporting students to make informed choices and decisions about their conduct and interactions with each other and with adults. Staff diligently monitor how students follow the kura expectations. Students are developing their confidence and ability to contribute to their whānau, hapū, iwi and the communities. They understand the importance of holistic wellbeing and wellness for self and whānau. Students learn about themselves as unique individuals.

Te Reo

Students te reo Māori development continues to progress. Te reo Māori success for students remains at the forefront of priorities for teaching, learning and achievement. Kaiako provide well considered and planned programmes of learning designed to effectively scaffold language development and enrich knowledge and understanding. Students assume leadership roles that require them to apply what they know for different situations, including classroom, kura wide and beyond. Tuakana-teina relationships are embedded in classrooms to support each with language learning. Students use and learn about the language and its customs in a wide variety of contemporary and traditional settings. Their participation and progress is reported and celebrated formally and informally. Students converse confidently, initiate conversation and contribute to discussions about learning.

Student language learning outcomes are enhanced through the additional kura language initiatives provided to build kaiako and whānau te reo Māori capability. The kura is focused on normalising te reo Māori at all levels, including governance and management. Students are well engaged and enthusiastic learners of te reo Māori, in their Te Ao Māori learning environment.

Ngā Iwi

Students show confidence and increased ability to carry out a number of roles and responsibilities in Māori contexts, and their wider community. They are developing versatility and adaptability in using te reo Māori me ōna tikanga for different purposes and settings. Students are heavily involved in community sports and cultural activities. They have opportunities to participate in national and international conferences. Whānau provide good quality resources and learning environments for kaiako and students. Students are well supported to develop technology skills and knowledge that extends their capability to inquire and communicate in a number of ways. Students show personal pride in their whānau, hapū, iwi and as members of their kura whānau.

Te Ao

Students enjoy learning through inquiry about Te Ao Māori and the wider world. Information technology across the kura is well integrated to support classroom and student learning. Planned learning experiences are designed to extend student knowledge and challenge skills and thinking about the world, contemporary and traditional views. There are many ways in which students can express through te reo Māori their understanding of their place in the whakapapa of the world. Students show a strong awareness and appreciation for tikanga and Te Aho Matua principles when interacting with the natural and physical worlds. Whanaungatanga underpins student learning of Te Ao. Students show regard for connections between themselves, their place in Te Ao Māori, and the world.

Āhuatanga Ako

Students are actively engaged in learning. They are motivated and focused on working through challenging tasks. Kaiako maintain a strong classroom learning culture that supports progress and learning success. Student learning is effectively supported through well planned and targeted programmes of activities that are interesting, challenge learners and focused on progress. There are opportunities for students to discuss their learning and progress with kaiako and peers. Tuākana actively support their teīna across the learning environment. Students enjoy whānau involvement in the learning programme. Teīna of the kura look to their Wharekura student’s as positive role models of learning and achievement. Student enjoy contributing as active learners and strive to achieve their learning goals.

Students benefit from the individualised learning programmes. Classroom and kura wide planning and monitoring practices for student learning, engagement and achievement are well developed. There are a range of assessments practices used to monitor student progress and achievement, including national and kura developed. Student learning, engagement and progress is reported regularly to the board. Whānau receive regular reports about how well their children are progressing and achieving across the kura marautanga using a kura designed progress and achievement framework. Regular kaiako evaluation of practice and programmes inform teaching practice and professional learning and development needs. Students and their whānau pursue learning success and achievement.

Kura-identified areas of development

The kura has identified key priorities for ongoing development to raise student achievement particularly in te reo Māori, pangarau and NCEA levels to Y13. These include that they will:

  • examine classroom and kura wide practice for analysis
  • expand their interpretation of collated student achievement data to further assist in reporting progress
  • use this information to inform teaching and learning for kura planned achievement targets
  • use their internal evaluation practices to further monitor the extent to which and what teaching practice and programmes accelerate student achievement towards targets.

ERO supports the kura direction that focuses on accelerating student achievement across all year groups.

3 Internal Evaluation and leadership

Student learning, engagement and achievement is the focus for governance, management and the quality of education. The board and principal maintain a collaborative and professionally reflective culture. Consistent reporting and internal evaluation practices focused on student learning, engagement and achievement has positioned the kura well for their next key steps. Student learning and achievement drives decision making, planning and professional learning and development. Kura manage internal evaluation well. Effective leadership maintains a collaborative learning culture underpinned by the principles of Te Aho Matua. Shared leadership is encouraged and monitored amongst kaiako. This supports this kura to sustain effective governance and leadership.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

5 Recommendation

ERO recommends the kura whānau continue to use effective internal evaluation to inform and monitor progress with charter priorities, including whānau growth with te reo Māori.

Conclusion

Students of Te Kura Kaupapa Māori o Te Raki Paewhenua are intellectually stimulated and motivated learners. They exemplify characteristics of personal integrity in upholding the principles of Te Aho Matua. Increased whānau participation at all levels of kura management is contributing to an informed and inclusive culture for decision making and raising learning outcomes for students.

When is ERO likely to review the kura again?

The next ERO review of Te Kura Kaupapa Māori o Te Raki Paewhenua will be in three years – Te Rākeitanga – Expansive Evaluation.

Lynda Pura-Watson

Deputy Chief Review Officer Māori

2 December 2016 

Information about the Kura

Location

Mairangi Bay, Auckland

Ministry of Education profile number

1584

Kura type

Composite (Y1-15)

Kura roll

101

Gender composition

Girls 47

Boys 54

Ethnic composition

Māori

100%

Special features

Kura Kaupapa Māori Te Aho Matua

Review team on site

September 2016

Date of this report

2 December 2016

Most recent ERO report(s)

Te Aho Matua Review

Te Aho Matua Review

Te Aho Matua Supplementary Review

May 2013

October 2009

August 2006