Te Kura Kaupapa Māori o Waitaha - 10/08/2015

1 Te Horopaki

E tū ana Te Kura Kaupapa Māori o Waitaha ki te hapori o Waltham, ki Ōtautahi. E whakahaerehia ana te kura i raro i te maru o ngā mātāpono o Te Aho Matua. Ka kitea ngā wawata o te whānau ki te tauāki a te kura, e mea ana, “Ekea te puhitaioreore”, arā, kia whāia te hiranga.

Koia nei te arotake tuatahi a Te Tari Arotake Mātauranga ki te kura, whai muri i ngā rū whenua i pā ai ki Ōtautahi, i te tau 2011. Mai i taua wā, he maha anō hoki ētahi atu take nunui i whai pānga ai ki ngā akoranga a ngā ākonga, ngā kaimahi, me te āheinga o te whānau ki te kāwana. Ko ētahi o aua āhuatanga, ko:

  • te tono a Te Tāhuhu o te Mātauranga kia whakakotahi ai tēnei kura me tētahi atu kura i Ōtautahi
  • te tono i whai ake ai kia hūnuku mārika tētahi o aua kura ki tētahi atu wāhi o Ōtautahi
  • te hūnuku o te kura i te tau 2014 mō tētahi wā, ki tētahi wāhi kura e wātea ana, i ngā whare o te kura tūturu e whakatikaina ana
  • te whakarerekētanga o te ārahitanga ngaio, me te mate ohorere o te tumuaki whakakapi i te Hui-tanguru o 2015
  • te whakarereketanga o te whānau o te kura me ngā mema o te poari
  • te tino heke iho o te tatauranga o ngā ākonga me te whānau ki te kura.

Whai muri i te pā nui mai o aua āhuatanga, kua mahi ngātahi te kura ki te taha o Te Rūnanga Nui o Ngā Kura Kaupapa Māori o Aotearoa me Te Tāhuhu o te Mātauranga ki te whakatutuki haere i ngā whakapaitanga ki te kura.

I te marama o Paenga-whāwhā 2015, i hoki ai te kura ki tōna tūranga tūturu ki Waltham. Kua whai hua tēnei ki te whakatau i ngā ākonga, ngā kaimahi, me ngā mema o te whānau, ā, kua hāpai hoki i te pūmautanga i tino hiahiatia ai.

I nāianei, kua tau ngā ākonga me ngā kaimahi, ā, ka arotahi ki te whakaako me te ako.

2 Te Tino Uaratanga

E tino tautokona ana ngā ākonga kia mau tūhonohono ai te here o ō rātou ihomatua ki ō rātou mātua tūpuna.

Te Ira Tangata

Ka kitea te tino tū tangata, te tino aronga toi whenuatanga hoki o ngā ākonga ki te kura.

Ka ako haere ngā ākonga i ngā rerekētanga e pā ana ki te whānau, te hapū, me te iwi. Hei āhuatanga hoki o ā rātou akoranga o ia rā, ka whai wāhi atu ngā ākonga ki ngā taumahi e hāngai ana ki ngā uaratanga o te kura, ka whakapūmau rātou i ngā tikanga, ā, ka whakatairanga i tō rātou atawhai i ētahi atu. Mō te tokomaha o te whānau nō wāhi kē atu o Ōtautahi, ko te kura tētahi wāhi mō ā rātou huihuinga ki te whakanui, ki te wānanga hoki. Ka whakaaro nui ngā ākonga ki te whai wāhi mai, te tautoko mai hoki o te whānau.

Ka tāutuhia, ka tautokona hoki i ngā matea motuhake o ngā ākonga. Tū ai ngā hui i ia wiki ki te whakawhiti kōrero me ngā tino matea ako, matea whanonga hoki o ia ākonga. Kei aua hui hoki ētahi tino ratonga tautoko, tae atu ki ngā kaitakawaenga mātanga, ngā ratonga whakawhanaketanga ngaio, me ngā ratonga hauora e tika ana. Ka arotahi ngā kaimahi ki te whakatinanatanga o tētahi hōtaka ā-kura ka whakapūmau i te whanonga pai me ngā taunekeneke papai ki waenga i ngā ākonga. Ka tino tautokona ngā ākonga i roto i a rātou akoranga.

Ka noho whakaute ai ngā ākonga. Ka kitea te māia, te pakari anō hoki o te kiritau o ngā tuākana. Ka kitea te manaakitanga o ngā tuakana i ō rātou tēina mā ngā huarahi māoriori e whai pūtake ana. Ka whakamihia, ka whakanuia hoki te angitu me ngā whakatutukitanga o ngā ākonga e ō rātou hoa, e ngā kaimahi, e te whānau hoki. He tau, he harikoa hoki ngā ākonga, ā, ka manaaki tētahi i tētahi.

Te Reo

Ka whakaatuhia e ngā ākonga te hiahia ki te whakawhitiwhiti whakaaro mā te reo Māori.

He whānui te rerekētanga o ngā pūkenga reo Māori o ngā ākonga. He tokomaha ngā ākonga ka ngākau nui ki te tūhura i te reo. E whakawhanake ana te mātau o ngā ākonga ki te kōrero i te reo Māori. E āhei ana rātou ki te tātari me te kaikini i te reo mā ngā huarahi e whai hua ana, e whai pūtake ana hoki. Ka rongo rātou i ngā tūmomo reo ā-iwi, ā, he whai wāhitanga mā rātou ki te whakamahi māhorahora i te reo Māori. Ka tautokona ngā matea whakawhanake reo o ngā ākonga. He pakari ngā ākonga ki te whakawhiti kōrero ki waenga i a rātou anō, ki ngā pākeke hoki.

He pai te kounga o te tautoko e whiwhi ana e ngā ākonga, kia ako, kia kōrero hoki rātou i te reo Māori. Ko ngā kaimahi matua me ngā mema o te whānau ngā tino māngai mō te ū tonutanga ki te reo Māori, puta noa i te kura. Ka whakatūngia ētahi o ngā raukura hei kaiāwhina, ā, ka tautoko rātou i te ako o ngā ākonga. Ka whakarite ngā kaiako me ngā ākonga i ia te wā, i ngā kaupapa ka whakapakari i tō rātou hononga ki ngā kōhanga reo o te hapori, me te whakawhiti mai o ngā tamariki nohinohi ki te kura. Ka tautokona te hapori o te kura i ngā ākonga.

He rautaki reo hukihuki tā te whānau, ā, e arotahi ana tēnei ki te whakahaumanu me te whakapūmautanga o te reo Māori. Ko te tūmanako, kia tae atu ngā kaimahi katoa ki ngā kura reo me ngā wānanga hei whakapiki ake i tō rātou ake āheinga. Ahakoa ka whakaakona ētahi o ngā kaupapa o te wharekura mā te reo Pākehā, ko te whāinga pae tawhiti kia whakawhanake te kura i te āheinga ki te whakapuaki i ngā akoranga katoa mā te reo Māori. E whakawhanake ana ngā ākonga i ngā pūkenga me tō rātou māia i roto i te reo Māori.

Ngā Iwi

E whakawhanake ana ngā ākonga i te manawa whakahī mō tō rātou whānau i te kura, ō rātou hapū, me ō rātou iwi.

Ka tāutu ngā ākonga i ō rātou hononga ki ō rātou whānau, ō rātou hapū, me ō rātou iwi. Ka whakapuaki rātou i aua hononga mā te taki i ō rātou pepeha me ō rātou whakapapa. Ka whakanui, ka ako hoki rātou i te mana whenua. Ka tae ā-tinana mai ngā kaumātua o te hapori nei hei pou kōrero, hei pou karanga hoki, ā, ka whakakoia rātou i te ako a ngā ākonga mō ō rātou hononga ki ētahi atu. Ka whakawhanake ngā ākonga i tō rātou māramatanga ki te whanaungatanga.

Ka whai wāhi nui ngā ākonga ki te manaaki i ngā manuhiri ki te kura me te hapori whānui. Ka tū manawa whakahī rātou mō tō rātou kura, ki ngā kaupapa ā-hapori, ā-rohe, ā-motu hoki, pērā i Ngā Manu Kōrero, ngā wiki hākinakina, me te kapa haka. He pārekareka ki ngā ākonga ngā whai wāhitanga ki te tūtaki me te taunekeneke ki ngā ākonga o ētahi atu kura.

Ka tino tautokona ngā ākonga e ngā kaimahi, te whānau, me ngā kaumātua, nā rātou hoki i whakawhanake i te wairua mauritau ki te kura. He pai ngā kōrero a ngā kaiako me te whānau mō ngā whakapaitanga ki te kura, mai i tā rātou hokinga atu ki tea tūranga tūturu o te kura. Ka tino whakamārama rātou i te whai wāhi tonutanga e tika ana kia ū tonu ai te kaupapa o tō rātou kura. E whakawhanake ana ngā ākonga i ngā uaratanga o te kura, pērā i te aroha, te whai koha, te rangatiratanga, te whakapono, me te manaakitanga.

Te Ao

He pai te taunekeneke a ngā ākonga ki te taiao o tō rātou kura.

Ka ako, ka whai hoki ngā ākonga i ngā tikanga kawenga e hāngai ana ki te tūnga kaitiaki. Ka ako rātou ki te whakatupu me te hauhake i te māra huawhenua o te kura, me te tunu hoki i aua kai. Ka ako hoki ngā ākonga i te kai tōtika me ngā hua ki tō rātou hauora me tō rātou waiora ake hoki. Ka whakarato hoki te kura i ngā parakuihi me ngā tina, hei hāpai i tō rātou tupu me tō rātou whanaketanga. He pai te tiaki i ngā papa o te kura mō ngā ākonga. E mārama ana ngā ākonga ki te tūnga o te kaitiaki.

Ka toro atu ngā akoranga a ngā ākonga ki tua atu i te akomanga. Ko ētahi o ngā kaupapa ako, ko te takutai moana, te Matariki, ngā hui whakamaumaharatanga o ANZAC, Te Matatini o te Rā, me ngā āhuatanga hoki o te hītori Māori me ngā kōrero tuku iho. Ka ako ngā ākonga i ētahi atu ahurea me ētahi atu tikanga. Kua eke angitu ētahi o ngā ākonga tuākana i roto i ā rātou mahi ki te whakaoti kaupapa mātauranga ki Te Wānanga o Raukawa. He tau, he harikoa hoki ngā ākonga ki te taiao o tō rātou kura, ki tua atu hoki.

Āhuatanga Ako

Kua pou herea ngā akoranga a ngā ākonga e ngā mātāpono o Te Aho Matua.

Ka tāutuhia, āta tautokona hoki ngā matea ako me ngā ngākau nuitanga o ngā ākonga. Ka whakarato ngā kaiako i te kiko o ngā mahere me ngā aromātai puta noa i te kura, ā, ka hāngai hoki ēnei ki ngā mātāpono o Te Aho Matua. Ka whakatutuki haere ngā kaiako i ngā aromatawai o ngā akoranga me te whakawhanaketanga o ngā ākonga, hei āta tāutu i ō rātou pūmanawa me ngā wāhanga hoki o ngā hōtaka hei whakarerekē haere. Ko ētahi o aua mahi, ko te taetae atu ki ngā kāinga, ngā pūkete e pā ana ki ngā ākonga, me te huihui i ia te wā ki te whakawhiti kōrero mō ngā matea motuhake. E kaha ana te arotahi atu a ngā akoranga ki ngā ākonga.

Ka kite i te hihiri o ngā ākonga ki te ako. He ātaahua ngā akomanga, ā, he nui rawa hoki ngā rauemi. He pai ngā mahinga o ia rā, me ngā pūnaha hoki kei ngā akomanga. Ka āta whakariterite ngā taumahi whakahihiri. Ko te tautoko mai o ngā kaiako me ngā kaitakawaenga i roto i ngā akomanga, ka hāpai i te ako takitahi, takirōpū iti hoki. Ka mahi ngātahi ngā kaiako, ā, he tau, ka arotahi hoki mō meāke nei. He mauritau anō hoki ngā ākonga i roto i ō rātou akomanga.

Ko ngā paetae ākonga i roto i te reo matatini me te pāngarau tētahi aronga matua ki te kura teina. Ka whakaemihia, ka tātarihia hoki ngā mōhiohio aromatawai e pā ana ki aua wāhanga. Kua tāutuhia e te tumuaki whakakapi me ngā kaiako ngā rōpū ākonga hei hāpai ake, ā, e whakatinana ana rātou i te whānuitanga o ngā rautaki ka tautoko i a rātou. Ka whakapā atu hoki ki te whakawhanaketanga ngaio e whai pānga ana. E arotahi ana te rōpū whakahaere matua ki te whakapakari tonu i ngā whakapaitanga i whakatutukihia ai i roto i te whakaako me te ako i tēnei tau tonu.

Ko te whakapiki ake i te whiwhinga a ngā ākonga i Te Taumata Mātauranga ā-Motu kua Taea tētahi kaupapa matua ki te wharekura. Kua pai ake ngā pūnaha e whakapuakihia ana ngā paetae Te Taumata Mātauranga ā-Motu kua Taea ki te taha o ngā mātua me te whānau. Kua whakarere kētia ngā kaiako o te wharekura i te hanganga o ngā hōtaka akoranga hei āta whakarite i te āheinga o ngā ākonga ki te whakatutuki i ngā tikanga e pā ana ki Te Taumata Mātauranga ā-Motu kua Taea. E tohu ana ngā hotuku i te whakatutukitanga angitu o ngā ākonga i ngā tikanga e pā ana ki te reo matatini, ā, me hāpai ake anō ki te whakatutuki hoki i ngā tikanga e pā ana ki te reo pāngarau. He mātātoa te whai wāhi atu a ngā ākonga ki te ako.

Ngā wāhanga i tāutuhia ai e te kura hei whakawhanake ake

Ko te arotake i te Rautaki Reo tētahi kaupapa matua. Kāhore anō te whānau kia tāutu, kia whakaraupapa hoki ngā tino mahi e tika ana hei hāpai i te whakahaumanutanga o te reo Māori ki te kura. Kāhore te rautaki e tohu ana i te ara ka whāia hei whakawhanake ake i te āheinga o ngā kaiako ki te whakapuaki i ngā akoranga katoa mā te reo Māori.

Kei te whakamahine tonuhia te marautanga ki te kura. E whakarite ana te whānau me ngā kaimahi ki te whakahāngai i tā rātou marautanga me ā rātou hōtaka akoranga ki Te Marautanga o Te Aho Matua. Kua tāutuhia e ngā kaiako, me arotake te hōtaka o te wharekura hei āta whakarite i te whai pānga o te hōtaka ki ngā ara umanga, ngā ara mahi anō hoki a ngā ākonga.

3 Te Arotake Whaiaro me te Ārahitanga

Nā te tautoko o Te Rūnanga Nui o Ngā Kura Kaupapa Māori o Aotearoa, i whakatutukihia tētahi arotake mārika o ngā whakahaeretanga katoa o te kura i te wāhanga tuatahi o tēnei tau. Ka whai hua ngā whakaaturanga o taua arotake hei aronga, whai muri i te maha o ngā take nunui i tāutuhia ai i te tau 2014, mō ngā paetae ākonga, te haumaru, me te waiora. Kua mahi te poari, te tumuaki whakakapi, me ngā kaimahi ki te whakatutuki i ngā wāhanga matua i āwangawangatia ai.

I nāianei, ka arotakengia te hauora me te waiora o ngā ākonga, ngā kaimahi, me te whānau i ia te wā. He maha kē ngā tūmomo pūnaha tautoko i roto i te kura, ki te whakatutuki i ngā matea ako, ngā matea hauora, me ngā matea whanonga i tāutuhia ai. Ka mahi ngātahi te tumuaki whakakapi me te rōpū whakahaere matua hou, kia pūmau tonu ai te ahu whakamua me ngā whakapaitanga. Kei te ngākau rorotu ngā kaimahi me te whānau mō ō rātou tūranga me te ahu whakamua o te kura ā meāke nei.

Nō te Hui-tanguru o 2015 te tumuaki whakakapi i whakatūngia ai. Kua whai hua ia ki te whakakotahi i te whānau, ngā kaimahi, me ngā ākonga, whai muri i te roanga o te wā pāhekeheke. Kei te hui tonu te tumuaki whakakapi me te poari ki te taha o ngā māngai o Te Tāhuhu o te Mātauranga me Te Rūnanga Nui o Ngā Kura Kaupapa Māori o Aotearoa ki te āta whakarite i te whakatutukitanga o te kura i āna herenga ā-ture me āna whakaritenga ā-ture e whai pānga ana ki Te Aho Matua.

Kua whai wāhi atu tētahi kaitohutohu ki te kura, hei hāpai pū i te kāwanatanga o te kura mō te poari me te whānau. Kua roa ia e whai hononga ana ki te kura, ā, ka kawe ia i te whānuitanga o ngā tūmomo pūkenga, ngā tūmomo mōhiotanga hoki e hāpai ana i te haere tonutanga o ngā whakapaitanga. He pakari te hāpai i te poari me ngā mema o te whānau, hei whakawhanake i ō rātou āheinga ki te taha kāwana.

4 Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

5 NgāTaunakitanga

E taunaki ana Te Tari Arotake Mātauranga kia mahi ngātahi tonu te kura ki te taha o Te Rūnanga Nui o Ngā Kura Kaupapa Māori o Aotearoa me Te Tāhuhu o te Mātauranga i ngā wā e tika ana, hei whakatutuki i ngā kaupapa matua i tāutuhia ai, me ngā wāhanga hoki hei whakawhanake.

Te Whakarāpopototanga

E tū ana Te Kura Kaupapa Māori o Waitaha ki Ōtautahi. E tino tautokona ana ngā ākonga kia mau tūhonohono ai te here o ō rātou ihomatua ki ō rātou mātua tūpuna. Ka tāutuhia, ka āta hāpaitia hoki ngā matea ako, ngā matea hauora, me ngā matea whanonga o ngā ākonga. E tino tautokona ana ngā ākonga e ngā kaimahi, te whānau, me ngā kaumātua, ā, nā rātou tonu tētahi taiao mahana, atawhai hoki i whakawhanake ai ki te kura i roto i ngā tau tata kua pahure ake nei.

6 Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Waitaha, i roto i ngā tau e toru – arā, ko Te Rākeitanga.

Lynda Pura-Watson

Kaiurungi Whakaturuki Arotake Māori 

Ngā Kōrero e pā ana ki te kura

Te tūwāhi

Kei Ōtautahi

Te tau a te Tāhuhu o te Mātauranga

4212

Te tūmomo kura

He kura hiato (Tau 1 ki te 15)

Te tokomaha o ngā ākonga o te kura

65

Te ira tangata

Tama tāne 34

Kōtiro 31

Ngā hononga ā-iwi

Māori 100%

Ngā āhuatanga motuhake

Kura Kaupapa Māori Te Aho Matua

Te wā i te kura te rōpū arotake

Pipiri 2015

Te rā o tēnei pūrongo

10 Here-turi-kōkā, 2015

Ngā pūrongo o mua a Te Tari Arotake Mātauranga

Arotake Mātauranga Te Aho Matua Here-turi-kōkā 2010

Arotake Mātauranga Te Aho Matua Paenga-whāwhā 2008

Arotake Tāpiri Pipiri 2006

1 Context

Te Kura Kaupapa Māori o Waitaha is located in the suburb of Waltham in Christchurch. The kura operates in accordance with the guiding principles of Te Aho Matua. The aspirations of the whānau are reflected in the kura statement “Ekea te puhitaioreore” which means to strive for excellence.

This is the first ERO review of the kura since the 2011 Christchurch earthquakes. Since that time, a number of other major events have impacted on student learning, staffing and whānau governance capability. These include:

  • the proposal by the Ministry of Education to merge this kura with another Christchurch kura
  • the subsequent proposal to permanently relocate one of these kura to another site in Christchurch
  • the temporary relocation of the kura to a vacant school site in 2014 while building repairs were carried out
  • changes in professional leadership, including the sudden death of an acting principal in February 2015
  • changes to the kura whānau and members of the board of trustees
  • a significant decrease in the number of students and whānau in the kura.

Following this period of significant upheaval, the kura worked with Te Rūnanga Nui o Ngā Kura Kaupapa Māori o Aotearoa (TRN) and the Ministry of Education to bring about improvements.

In April 2015, the kura returned to its original site in Waltham. This helped to settle students, staff and whānau members and provided the much needed stability.

Students and staff are now settled and focussed on teaching and learning.

2 Te Tino Uaratanga

Students are well supported to be secure in the knowledge of their ancestral links.

Te Ira Tangata

Students display a strong sense of self and belonging.

Students learn about whānau, hapū and iwi differences. As part of their daily learning, students participate in activities that reflect whānau values, uphold tikanga practices and enhance how they care for others. For many whānau who are not from Christchurch, the kura is a place for them to gather for celebrations and wānanga. Students value whānau involvement and support.

Students’ special needs are identified. Weekly meetings are held to discuss the specific learning and behavioural needs of individual students. These meetings include resource teachers, professional development providers and relevant health services. There is a focus on the implementation of a kura-wide programme to reinforce positive behaviour and interactions between students. Students are supported in their learning.

Students are respectful. Tuakana display confidence and positive self esteem. They show care for their teina in deliberate and natural ways. The successes and achievements of students are acknowledged and celebrated by other students, staff and whānau. Students are settled, happy and take care of each other.

Te Reo

Students demonstrate a desire to communicate in te reo Māori.

Students have varying skills in te reo Māori. Many students enjoy exploring language. Tuakana are developing as competent speakers of te reo Māori. They are able to analyse and critique language in constructive and purposeful ways. They hear different dialects and have opportunities to use te reo Māori spontaneously. Students’ language development needs are supported. Students confidently communicate with each other and with adults.

Students receive good quality opportunities to learn and speak te reo Māori. Key staff and whānau members are integral advocates for the sustained use of te reo Māori. Former students are employed as kaiāwhina to support students learning. Teachers and students regularly organise events to strengthen their relationship with local kōhanga reo and support the transition of young children into the kura. Students are supported by the kura community.

Students learning te reo Māori is a strategic focus. The whānau has a draft plan (Rautaki Reo) focussed on the revitalisation and maintenance of te reo Māori. All staff are expected to attend kura reo and wānanga to increase their own proficiency. While some wharekura subjects are taught in English, the longer term goal of the kura is to develop the capacity to deliver all learning in te reo Māori. Students are developing skills and confidence in te reo Māori.

Ngā Iwi

Students are developing pride in their kura whānau, hapū and iwi.

Students identify with their whānau, hapū and iwi connections. They express these through the recitation of their pepeha and whakapapa. They acknowledge and learn about mana whenua. The presence of local kaumātua as pou kōrero and pou karanga affirms student learning about their connections to others. Students develop their understanding of whanaungatanga.

Students have important roles in hosting visitors to the kura and their wider community. They are proud representatives in local, regional and national events such as Ngā Manu Kōrero, wiki hākinakina and kapa haka. Students enjoy opportunities to meet and interact with students from other places.

Students are well supported by staff, whānau and kaumātua who have developed a warm and stable learning environment. Teachers and whānau speak positively about the improvements in the kura since returning to its original site. They are committed to maintaining the kaupapa of their kura. Students are developing the values of aroha, whai koha, rangatiratanga, whakapono and manaakitanga.

Te Ao

Students interact well with and within their environment.

Students learn and follow tikanga relating to their roles as kaitiaki. They learn how to grow, harvest and cook their own food from the vegetable garden. Students also learn about nutrition and the benefits for their personal health and well-being. The kura provides breakfasts and lunches to support students growth and development. The grounds of the kura are well maintained for students. Students understand the role they play as kaitiaki.

Students’ learning also extends outside the classroom. Kaupapa ako have included takutai moana, Matariki, ANZAC commemorations, Te Matatini o Te Rā, aspects of Māori history and oral traditions. Students learn about other cultures and their customs. Some senior students have successfully completed tertiary study at Te Wānanga o Raukawa. Students are content and happy in their local environment and beyond.

Āhuatanga Ako

Students’ learning is underpinned by the principles of Te Aho Matua.

Students’ learning needs and interests are identified and well supported. Teachers provide detailed planning and evaluation across the kura and these align to the Te Aho Matua principles. Teachers carry out assessments of students learning and development to confirm their strengths and areas that require modified programmes. This includes home visits, student profiles and regular meetings to discuss special needs. Student’s learning is focused and responsive.

Students show excitement for learning. Classrooms are well resourced and attractive. There are good classroom routines and systems in place. Interesting activities are prepared and organised well. In-class support from kaiāwhina and resource teachers allows time for individual and small group learning. Teachers work cohesively together, are settled and focussed on the future. Students are settled and content in their classrooms.

Student achievement in Te Reo Matatini and Pangarau is a priority for the kura teina. Assessment information in these areas is collated and analysed. The acting principal and teachers have identified groups of students that require additional support and are implementing a range of strategies to support them. Relevant professional development is accessed. The senior leadership team is focused on continuing to build on the improvements made to teaching and learning this year.

Increasing senior student attainment of the National Certificates of Education Achievement (NCEA) is a priority for the wharekura. There are improved systems to share NCEA achievement with parents and whānau. Teachers in the wharekura have made changes to the structure of wharekura learning programmes to ensure students can successfully complete the requirements for NCEA. Data shows students are successfully completing the literacy requirements and require further support to complete the numeracy requirement. Students are actively engaged in learning.

Kura-identified areas of development

Review of the Rautaki Reo is a priority. The whānau have yet to identify and prioritise the specific actions needed to support te reo Māori revitalisation in the kura. The strategy does not show how they will develop teacher capability to deliver all learning in te reo Māori.

The refinement of the curriculum in the kura is ongoing. The whānau and staff are preparing to align their curriculum and learning programmes to Te Marautanga o Te Aho Matua. Teachers have identified the need to review the wharekura programme to ensure the programme supports career and work pathways for students.

3 Self Review and leadership

With support from Te Rūnanga Nui o Ng ā Kura Kaupapa Māori o Aotearoa (TRN), a complete review of all kura operations was conducted in term one this year. The findings of this review provided direction following a number of serious concerns highlighted during 2014 relating to student achievement, safety and well-being. The board of trustees, acting principal and staff have been working to address key areas of concerns.

The health and wellbeing of students, staff and whānau are now regularly reviewed. There are already a number of support mechanisms in place within the kura to address identified learning, health and behavioural needs. The acting principal and new senior leadership team work together to maintain momentum and improvement. Staff and whānau are optimistic about their roles and the future of the kura.

The acting principal was appointed in February 2015. She has successfully united whānau, staff and students after an extended period of instability. The acting principal and the board of trustees continues to meet with representatives from the Ministry of Education and TRN to ensure the kura can fulfil its statutory requirements and obligations in relation to Te Aho Matua.

An advisor has been working in the kura, particularly in the area of governance support for the board of trustees and whānau. She has a long association with the kura and brings an extensive range of skills and knowledge to support ongoing improvements. The board and whānau members are ably supported to develop their governance capabilities.

4 Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

5 Recommendation

ERO recommends that the kura continues to work closely with Te Rūnanga Nui o Ngā Kura Kaupapa Māori o Aotearoa and the Ministry of Education as appropriate to address the identified priorities and areas for development.

Conclusion

Te Kura Kaupapa Māori o Waitaha is located in Christchurch. Students are well supported to be secure in the knowledge of their ancestral links. Students’ learning, health and behavioural needs are identified and well supported. Students are well supported by staff, whānau and kaumātua who have developed a warm and stable environment in the kura in recent years.

6 When is ERO likely to review the kura again?

The next ERO review of Te Kura Kaupapa Māori o Waitaha will be in three years - Te Rakeitanga-Expansive Evaluation .

Lynda Pura-Watson

Deputy Chief Review Officer Māori 

Information about the Kura

Location

Christchurch

Ministry of Education profile number

4212

Kura type

Composite Year 1-15

Kura roll

65

Gender composition

Girls 31

Boys 34

Ethnic composition

Māori 100%

Special features

Kura Kaupapa Māori Te Aho Matua

Review team on site

June 2015

Date of this report

10 August 2015

Most recent ERO report(s)

Te Aho Matua Review August 2010

Te Aho Matua Review April 2008

Supplementary Review June 2006