Te Kura Kaupapa Motuhake o Tawhiuau - 01/12/2015

1. Te Horopaki

E tū ana Te Kura Kaupapa Motuhake o Tawhiuau ki Murupara. Kua 15 tau te kura e whakahaerehia ana, ā, he hononga tōna ki Ngā Kura-ā-Iwi o Aotearoa.

Ko Ngāti Manawa te iwi Ko Ngāti Hui, Ngāti Koro, Moewhare, Ngāi Tokowaru ngā hapū, Ko Rangitahi, Painoaiho, Moewhare, Tīpapa ngā marae.

He tino tirohanga tā Te Poumarumaru me ngā kaiārahi o te kura e arotahi ana ki ngā putanga mō ō rātou Uri. Ko tā rātou marautanga e kīia nei, ko “Mōku te Awatea”, e tautuhi ana i tā rātou noho pūmau ki te eke angitu o ngā Uri, i roto i te ahureatanga, te reo matatini, me te pāngarau. Ko te ahureatanga te whakakōkī mō te eke angitu me ngā whakatutukitanga kei tua o kapenga. Ko ngā kōrero tuku iho o Ngāti Manawa me te whakapono e whai ake nei mō te whakaako me te ako, e whai pānga nui ana ki ngā hōtaka me ngā whakaritenga, arā, “Ka tika a whakaako, ka ea ai a ako, ka ora a Uri.”

2. Ngā Putanga ki ngā Uri

He pēhea rawa te āta kite i te tūmāia, te eke angitu, me te whakaaweawe o ngā Uri?

Kei te tūmāia, kei te eke angitu, kei te whakaaweawe hoki ngā Uri.

Mana Motuhake

Ka kitea te māramatanga hōhonu o ngā Uri ki tō rātou reo, tō rātou ahurea, me tō rātou tuakiri hoki hei Ngāti Manawa. He tino tirohanga tā Te Poumarumaru me ngā kaiārahi, ā, e arotahi ana tēnei ki ngā putanga ka tino whai hua ki ngā Uri. Ko te aronga rautaki, te aronga marautanga hoki e whai pānga ana ki te tirohanga a te iwi. Ka whakatauira ngā pākeke katoa i ngā tūmanako nunui mō rātou anō i roto i ō rātou tūranga, ā, ka hāngai mārika te titiro ki te whakarato i te mātauranga o te kounga kairangi, me ngā whai wāhitanga ako i whakatairangatia ai mā ngā Uri. He pakari ngā uaratanga e pou here ana, e whai pānga nui ana hoki ki ngā hononga puta noa i te kura. Ka kōkiri te whānau i te whānuitanga o ngā tūmomo wheako akoranga ki tua atu i ngā akomanga, ā, e noho pūmau ana ēnei ki ngā akoranga a ngā Uri ki tō rātou tū hei Ngāti Manawa. E mōhio ana ngā Uri ki ō rātou hononga ki waenga i te hapū, ki te iwi, ā, ki ētahi atu hoki. Ka whiwhi rātou i ngā akoranga e ahu mai ana i ngā tīpuna, ā, e kōkiri whakamua ana. Ka whakapuaki ngā Uri i te whakahirahiratanga o tō rātou ūkaipōtanga, ā, kei te mārama hoki i ō rātou tūranga, ā rātou kawenga hoki hei uri o Ngāti Manawa.

He mātau ngā Uri ki te reo matatini me te pāngarau, ā, he pūkenga, he mōhiotanga hoki ō rātou kia eke angitu ai anō hoki i roto i ētahi atu wāhanga o te marautanga. He mārama te tirohanga a ngā Pouārahi ki ngā ahunga whakamua o ngā akoranga, nā te āta whakatakoto haere i ngā putanga ki ngā Uri, mai i te Tau 1 ki te Tau 13. Ko te auahatanga te tino arotahi o te whakaako me te akoranga mō ngā Uri. Hei tauira, he tino aronga ki ngā hōtaka o te tau 9 me te tau 10, hei whakatairanga ake i te whakawhitinga ngāwari i te Kura Pōtiki ki te Kura Mātāmua. Ka āta aroturuki i ngā paetae ākonga katoa, ā, ka whakarato i ia te wā i te kiko o ngā pūrongo mā ngā kaimahi, te poari, me te whānau. Kua whakatūngia tētahi kaiārahi mō te eke angitu, hei whakatairanga ake i te pakari o ngā whakawhitinga kōrero ngaio me te whakawero ngaio, nā runga i te āhua o ngā hōtuku paetae me ngā whāinga ako o ia ākonga. Ka kitea, ka aro nui hoki ngā pouako ki ngā matea o ngā Uri ā-ahurea, ā-tangata, ā-whatumanawa, ā-tinana hoki. Ka whakamahi rātou i te haere tonutanga o te arotake whaiaro e ahu mai ana i ngā whakaaturanga, hei whakapai ake i tā rātou aronga nui. Kei ngā taumata katoa o te kura, he pakari, he nahanaha hoki te āta whakatakoto haere o ngā mahere me te aroturuki. He ngana ngā Uri ki te ako.

E whanake ana te kōkiri o ngā Uri i ō rātou ake mōhiotanga, ō rātou ake mātauranga anō hoki. Ka ngākau nui rātou ki te whai wāhi atu ki te ao whānui, ā, he ngāwari tā rātou urutau ki ngā kaupapa e rerekē haere ana. He urutau, he auaha hoki ngā pouako. Ka whakamahi rātou i te whānuitanga o ngā tūmomo rautaki whakaako, rauemi, horopaki hoki e whai hua ana ki te kapo atu me te whakahihiri hoki i ngā ākonga. Ko ētahi o ngā whakatairangatanga ki te hōtaka reo matatini kātahi anō ka puta mai, ko te whakamahi i ngā pukapuka me ngā rauemi pouako o Ngāti Manawa. Ka whai wāhi nui ēnei ki te ako i te ahureatanga, ā, ka hāpai anō hoki te whai wāhi ake, me te eke angitu ake i roto i te reo matatini. Ka tūhura ngā pouako i ngā rangahau o te hapori me te ao ki te whakamōhio me te whakatairanga hoki i ā rātou whakaritenga. Kua piki ake te whakamahinga o ngā mōhiohio, me ngā hangarau whakawhitiwhiti mō ngā akoranga, te whakawhiti kōrero, te aroturuki, me te pūrongo. Ka mahi ngātahi, ka ako ngātahi hoki ngā Uri ki te taha o ētahi atu.

Whakahou Mauri

He pai te waiaro o ngā Uri, ā, ka ū pūmau tonu ki te whakamahi i te reo o Ngāti Manawa. Kei Te Poumarumaru ētahi tino whāinga e pā ana ki te whakarauora o te reo. Ka whai wāhi nui te Mana Whenua ki ngā akoranga a ngā Uri. Ka whakapuaki ngā kaumātua i ō rātou mōhiotanga, ā, ka aroturuki hoki i te kounga o te reo Māori. Ka kōrero ngā pouako katoa i te reo o Ngāti Manawa. Ka whakamahi rātou i te whānuitanga o ngā tūmomo rautaki hopu reo hei whakawhanake, hei whakatairanga, hei whakapai ake hoki i te kounga o te whakaako me te ako. Ka whakamahi ngā Uri i te reo whakakata, ngā kīwaha, me ngā whakataukī. He mātau ngā Uri ki te reo o Ngāti Manawa.

Mana Kōtuitui

He mātau ngā Uri, puta noa i te whānuitanga o ngā tūmomo horopaki ā-mātauranga, ā-tangata hoki. E mōhio ana rātou ki ngā uaratanga me ngā tūmanako o Ngāti Manawa. He tino tauira ngā pouako me ngā kaimahi, ā, ka whakaatu rātou i te whakahirahiratanga o te manaaki, me ngā tino tūnga o te tāne me te wahine. Kei te mārama ki ngā Uri tā rātou whai wāhitanga, te pūtake o tēnei, me te āhua o tā rātou whai wāhi atu i ngā wā katoa. Ka rongo mārika i te hōhonutanga o tō rātou māramatanga. He mātau ngā Uri ā-whatumanawa, ā-tangata hoki.

Ka ahu whakamua te titiro o ngā Uri. Ka whai wāhi atu rātou ki te ao whānui, ā, ka tūmāia ki te ako. Ka ako ngā Uri katoa i te reo Mandarin me te reo Hapanihi. Tāpiri atu ki te ao Māori me te ao Pākehā, he mauminamina hoki rātou ki te ako i ngā reo me ngā ahurea o iwi kē atu. Ka whakamahi rātou i tō rātou mōhiotanga ki te reo me ngā tikanga Māori ki te whakatau haere i ā rātou akoranga hou. Ka whai wāhi nui hoki ngā pouako o te reo Mandarin me te reo Hapanihi ki te hapori o te kura. E whakawhānui ake ana ngā Uri e kōrero ana i te reo Mandarin me te reo Hapanihi i tō rātou āheinga reo.

Whakaūnga te hinengaro Māori

Ka tūhura rātou i te whānuitanga o ngā tino take, horopaki hoki o te ao tōrangapū, ā, ka ākina rātou ki te whakatau i ā rātou ake tirohanga. Ka tautohetohe ngā Uri, ka noho mōhio hoki ki ngā kaupapa tōrangapū o tō rātou hapori, ā, ka taetae atu ki ngā tino hui ā-iwi ki te taha o ō rātou whānau. E whakawhanake ana tō rātou tino māramatanga ki tā rātou tū hei kaiārahi mō ō rātou iwi, ā, hei kaitiaki anō hoki o ā rātou kōrero tuku iho, tō rātou taiao, me ngā huarahi kei mua tonu i a rātou. He mōhiotanga tōrangapū, pāpori hoki tō ngā Uri.

Ka whai wāhi ngā Uri ki te waiora o te katoa. Ka whakatauira ngā kaiārahi me te whānau o te kura i te mahi nui ki te tū tika hei māngai mō Ngāti Manawa. Ka mahi ngātahi, ka whakamana hoki i ētahi atu ki te whakawhanake i ō rātou pūmanawa. Ka poipoi ngā pouako i ngā whai wāhitanga mō ngā Uri ki te whakapuaki whakaaro hei kaiārahi mō ngā rā kei te heke mai. Ka whakamōhio rātou i ngā Uri ki ngā tino kaiārahi whakaaweawe, matakite hoki, e whakaaro nui ana ki te waiora o te iwi. Ka tito ngā Uri i ngā waiata, ngā haka, me ngā mōteatea hei whakapuaki i ō rātou whakaaro me tō rātou tū hei māngai tōrangapū. Ka puāwai ki ngā Uri te kawenga me te whakaaro nui mō tō rātou iwi.

3. Te Ārahitanga me te Aro Mātai o Roto

He whakaaweawe, he kaiārahi aupiki hoki te tumuaki e whakarato ana i tētahi tino tauira ngaio mō te motu. Ko tana āhua tūtoro me tana āhua whakangāwari hoki e tautoko ana i tōna iwi, tōna hapū, tōna whānau me ngā pouako hoki ki ngā kawenga me te tiro arotahi ki ō rātou whāinga kia riro ai ngā tino putanga e āheitia ana. Nātemea he kaiārahi ia mō tōna iwi e taea ai te whakawhiti tēnei āhua ki waenga i ētahi atu. Ko tōna āhua he tino whakaaro huritao, he wairua auaha, he manaakitanga matawhānui, he āhuatanga whakamana hoki. Nā tōna pūmanawa rautaki, tōna hinengaro raka me tōna hāngai pūmau kia puta a ihu , ngā mea e tautoko ana i te tino aro kia kore e mutu ai te whai i te mātauranga. He matawhānui kē atu ngā whāinga o te iwi, te whānau, ngā kaiako me ngā uri mō rātou anō me ētahi atu.

He wāhanga tino whanake te arotake o roto. Ko te āhuatanga o te tiro arotahi ki te kimi he mana kōwhiri kē hei whakatutuki i ngā tino putanga mō ngā uri, he mea tino whakaaro huritao, whakapā nahanaha hoki. Ka ū te aronga ki te pai o ngā mahi kua mahia kētia, te āta tirotiro, te tūhura me te ngākau mōhio ki ngā mea e pupū ake, ā, kātahi ka whakaraupapahia ngā tino mahi hei whai ake. He kaiārahi manawa tītī e akiaki ana ki ngā whakawhanake ngaio mō ngā kaimahi katoa hei tautoko i te ōritetanga me te putuputu o tātaritanga me te mahi hoki hei whakatutuki mā ngā uri. Kei te puāwai tonu te māia me te kaha o te iwi, te hapū, te whānau, ngā pouako me ngā uri hei Ngāti Manawa.

Ngā wāhanga i tāutuhia ai e te kura hei whakawhanake ake

He mōhiohio ā te kura e pā ana ki ngā paetae ākonga, ā, e whakawhanake ana hoki i tā rātou angamahi aromatawai e pā ana ki te ahureatanga. Kua whakawhanakehia ētahi tūmomo whakamāramatanga hei tīmatanga tonu, ā, e whakamātauhia ēnei i tēnei wā. Ko te āta mātakitaki ako me te pakari hoki o ngā whakawhitinga kōrero ngaio e pā ana ki te ahureatanga, te tūāpapa mō te whakatakotoranga o ngā mahi ka whai ake i roto i tēnei āhuatanga.

4. Te Whakatau a Te Poumarumaru ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a Te Poumarumaru mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a Te Poumarumaru
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā pouako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

Te Whakarāpopototanga

E tū ana Te Kura Kaupapa Motuhake o Tawhiuau ki Murupara. Kua 15 tau te kura e whakahaerehia ana, ā, he hononga tōna ki Ngā Kura-ā-Iwi o Aotearoa. Ka kitea ki ngā Uri te māramatanga hōhonu ki tō rātou reo, tō rātou ahurea, me tō rātou tuakiri hei Ngāti Manawa. He mātau rātou, puta noa i te whānuitanga o ngā tūmomo horopaki mātauranga, pāpori hoki. Kei te puāwai tonu te māia me te kaha o te iwi, te hapū, te whānau, ngā pouako me ngā uri hei Ngāti Manawa.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri i roto i te whā ki te rima o ngā tau.

Lynda Pura-Watson

Kaiurungi Whakaturuki Arotake Māori

01 Hakihea, 2015

Ngā Kōrero e pā ana ki te kura

Te tūwāhi

Kei Murupara

Te tau a te Tāhuhu o te Mātauranga

463

Te tūmomo kura

Tau 1 ki te 15

Te tokomaha o ngā ākonga o te kura

86

Te ira tangata

Kōtiro 51

Tama tāne 35

Ngā hononga ā-iwi

Māori

100%

Ngā āhuatanga motuhake

He Āhuatanga Motuhake – Ngāti Manawatanga

Te wā i te kura te rōpū arotake

31 Here-turi-kōkā 2015

Te rā o tēnei pūrongo

01 Hakihea, 2015

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga

Poutū-te-rangi 2010

Pipiri 2005

1. Context

Te Kura Kaupapa Motuhake o Tawhiuau is in Murupara. The kura has been operating for 15 years and is affiliated to Ngā Kura ā Iwi o Aotearoa (NKAI).

Ko Ngāti Manawa te iwi, Ko Ngāti Hui, Ngāti Koro, Moewhare, Ngai Tokowaru ngā hapū, Ko Rangitahi, Painoaiho, Moewhare, Tipapa ngā marae.

Te Poumarumaru and kura leaders have a clear vision that focuses on outcomes for their Uri. Their curriculum “Mōku te Awatea” defines their commitment to the achievement of Uri in terms of culturalcy, literacy and numeracy. Culturalcy is the catalyst for unparalleled success and achievement.” The history of Ngāti Manawa and the following belief about teaching and learning Ka tika a whakaako, ka ea ai a ako, ka ora a Uri” influences programmes and practices.

2. Uri Outcomes

How effectively do uri show that they are confident, successful and influential?

Uri are confident, successful and influential.

Mana Motuhake

Uri demonstrate a deep understanding of their language, culture and identity as Ngāti Manawa. Te poumarumaru and leaders have a clear vision that focuses on valued outcomes for Uri. Strategic and curriculum direction reflect the iwi vision. All adults model high expectations for themselves in their respective roles and maintain a relentless focus on providing high quality education and enhanced learning opportunities for uri. Strong values underpin and influence relationships throughout the kura. Whānau facilitate a range of learning experiences outside of classrooms that are integral to Uri learning about being Ngāti Manawa. Uri know their connections within the hapū, iwi and with others. They experience learning that is ancestrally driven and future focussed. Uri articulate the importance of their ūkaipotanga and understand their roles and responsibilities as Ngāti Manawa.

Uri are literate, numerate, and have skills and knowledge to be successful in other curriculum areas. Pouārahi have a clear view of learning progressions as uri outcomes are carefully mapped from Year 13 to Year 1. Innovation focuses teaching and learning for Uri. For instance there is a specific focus on the year 9 and 10 programmes to enhance smooth transitions from the Kura Pōtiki to the Kura Mātāmua. There is close monitoring of all student achievement and detailed reports to staff, board and whānau are provided regularly. An achievement leader has been appointed to promote rigorous professional discussion and challenge based on achievement data and individual learning goals. Pouako recognise and respond to the cultural, social, emotional and physical needs of Uri. They use ongoing evidence based internal evaluation to improve their responsiveness. At all levels of the kura, planning and monitoring is robust, systematic and carefully paced. Uri are engaged learners.

Uri are developing intellectual and academic independence. They willingly engage in te ao whānui and adapt easily to changing circumstances. Pouako are adaptive and creative practitioners. They use a range of effective teaching strategies, resources and contexts that engage and motivate. Recent enhancements in the literacy programme include the use of the Ngāti Manawa readers and teacher support materials. These contribute significantly to culturalcy learning and support increased engagement and success in literacy. Teachers explore local and international research to inform and enhance their practice. There is an increased use of information, communication technologies for learning, communicating, monitoring and reporting. Uri collaborate with and learn from others.

Whakahou Mauri

Uri have a positive attitude and make a conscious commitment to using te reo o Ngāti Manawa. Te poumarumaru has specific goals for the revitalisation of te reo. Mana whenua make significant contributions to uri learning. Kaumātua share their knowledge and monitor the quality of te reo Māori. Pouako are all speakers of te reo o Ngāti Manawa. They use a range of language acquisition strategies to develop, enhance and improve the quality of teaching and learning. Uri use humour, kīwaha and whakataukī. Uri are proficient in te reo o Ngāti Manawa.

Mana Kōtuitui

Uri are competent across a wide range of educational and social contexts. They know Ngāti Manawa values and expectations. Pouako and kaimahi are strong role models who demonstrate the importance of manaaki; and the specific roles of tāne and wahine. Uri understand the part they have to play, what this means to them and how they will contribute at all times. They exude a depth of understanding. Uri are emotionally and socially intelligent.

Uri are future focused. They engage in te ao whānui and are confident in learning. All uri learn Mandarin and Japanese. They are receptive learners of languages and cultures other than Māori and English. They use their knowledge of te reo and tikanga Māori to make sense of their new learning. Mandarin and Japanese language teachers are valued members of the kura community. Uri who speak Mandarin and Japanese are expanding their language capability.

Whakaūnga Hinengaro Māori

Uri are independent and creative thinkers. They explore a range of important topics and pertinent political contexts where they are encouraged to form their own opinion. Uri debate, observe political activities in their community and attend important iwi forum with their whānau. They are developing a clear understanding about their role as leaders for their iwi and kaitiaki of their history, environment and their futures. Uri are politically and socially aware.

Uri contribute to collective wellbeing. Kura leaders and whānau model the importance of being responsible advocates for Ngāti Manawa. They collaborate and empower others to develop areas of expertise. Pouako foster opportunities for uri to respond as future leaders. They introduce uri to strong leaders who are inspirational, visionary and concerned with the wellbeing of the iwi. Uri compose waiata, haka and mōteatea to express their ideas as political advocates. Uri acquire a sense of responsibility and commitment to their iwi.

3. Leadership and internal evaluation

The tumuaki is an influential, charismatic leader who provides a strong professional model nationally. His visionary and facilitative style supports his own iwi, hapū, whānau and pouako to take responsibility and focus their endeavours on best possible outcomes. As a leader for Ngā Kura a Iwi he transfers this same approach amongst others. He is highly reflective, creative, inclusive and empowering. His strategic ability, mental agility and stoic resolve for success supports a future focused education provision. Iwi, hapū, whānau, pouako and uri expand their expectations of themselves and others.

Internal evaluation is highly evolved. There is a highly reflective and systematic approach focused on seeking alternatives to achieve best outcomes for uri. Great attention is paid to what is working for uri, looking closely, investigating and understanding what is happening, to then prioritise best next steps. An achievement leader drives professional development for all staff to support consistent and regular analysis and action for uri. Iwi, hapū, whānau, pouako and uri continue to grow their capability and capacity as Ngāti Manawa.

Kura-identified areas of development

There is a range of information about student achievement, and they are developing their assessment framework for culturalcy. Some initial rubrics have been developed and are currently being trialled. Close learning observations and strong professional discussions about culturalcy provide a basis for framing future work in this area.

4. Te Poumarumaru assurance on legal requirements

Before the review, the board of trustees and principal completed the Te Poumarumaru Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • Te Poumarumaru administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

Conclusion

Te Kura Kaupapa Motuhake o Tawhiuau is in Murupara. The kura has been operating for 15 years and is affiliated to Ngā Kura ā Iwi o Aotearoa. Uri are culturally, intellectually and academically autonomous. Iwi, hapū, whānau, pouako and uri continue to grow their capability and capacity as Ngāti Manawa.

When is ERO likely to review the school again?

ERO is likely to carry out the next review in four-to-five years.

Lynda Pura-Watson

Deputy Chief Review Officer Māori

1 December 2015

Information about the Kura

Location

Murupara

Ministry of Education profile number

463

Kura type

Year 1-15

Kura roll

86

Gender composition

Girls 51

Boys 35

Ethnic composition

Māori

100%

Special features

Designated Character – Ngāti Manawatanga

Review team on site

31 August 2015

Date of this report

1 December 2015

Most recent ERO report(s)

Education Review Education Review

March, 2010 June 2005