Te Kura Kaupapa o Te Pūaha o Waikato - 28/05/2018

Ngā Whakaaturanga

E tū ana Te Kura Kaupapa Māori o Te Pūaha o Waikato ki te hapori o Te Pūaha o Waikato. E whakarato ana te kura i te mātauranga rumaki reo Māori mō ngā ākonga o ngā tau 1 ki te 8, i runga anō i ngā mātāpono o Te Aho Matua. Ka āta whakaritea ngā ākonga, ā, he ngākau titikaha anō hoki ō rātou nā tō rātou mōhiotanga ki te Tainuitanga. E hāpaitia ana rātou kia whai wāhi nui ai rātou ki ngā akoranga, ā, kia rongo ai anō hoki rātou i te angitu. Me whakapakari tonu te poari me te tumuaki i te kāwanatanga me te ārahitanga i te kura.

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Te Pūaha o Waikato i roto i ngā tau e toru, arā, mā Te Rākeitanga.

1 Ko ngā Whakamāramatanga me te Horopaki

E tū ana Te Kura Kaupapa Māori o Te Pūaha o Waikato ki te hapori o Te Pūaha o Waikato. E whakarato ana te kura i te mātauranga rumaki reo Māori mō ngā ākonga o ngā tau 1 ki te 8, i runga anō i ngā mātāpono o Te Aho Matua. I tēnei wā e 44 ngā ākonga ki tēnei kura, ā, he tokomaha ngā ākonga ka whakawhiti mai i waho atu i te hapori o Te Pūaha o Waikato ki te ako ki tēnei kura. Ko te Tainuitanga me Te Kīngitanga te tino tūāpapa ahurea o ngā akoranga ki tēnei kura.

Nō te tau 2015 Te Tari Arotake Mātauranga i tāutu ai i te maha o ngā wāhanga e noho āwangawanga ana i roto i te kāwana, te whakahaeretanga, me te whakaritenga, te whakatinanatanga anō hoki o te marautanga. I te whakawhanake tonuhia ngā mahi ki te arotake whaiaro. Me arotake te tūtohinga, te mahere rautaki, me te mahere ā-tau hoki i taua wā. He whāiti noa te tātari me te pūrongo i ngā mōhiohio e pā ana ki ngā paetae ākonga hei hāpai i te whakapai tonutanga o te kounga o ngā akoranga mō ngā ākonga, me te whai huatanga o ngā whakataunga a ngā kaiārahi me te poari o te kura. Kīhai ētahi āhuatanga o te whakahaere i ngā kaimahi e āta whakatinanahia ana. I taua wā, he hou te tumuaki ki tōna tūranga, otirā, he tuatahitanga māna anō hoki ki te mahi hei tumuaki.

Whai muri i te arotake o mua, kua taetae atu Te Tari Arotake Mātauranga ki te kura mō ngā wā poto ki te aromātai i te ahu whakamua me ngā whakapaitanga. Hei whakakapi i aua huihuinga, i taetae atu anō hoki i te Whiringa-ā-nuku o 2017 ki te hui ki te taha o ngā kaimahi me ngā kaitiaki o te poari, ā, i te Paenga-whāwhā o 2018 anō hoki ki te whakatutuki i ngā kitenga i roto i ngā akomanga. Kua mahi tonu te tumuaki me te poari ki te whakatutuki haere i ngā wāhanga i tāutuhia ai hei whakawhanake ake. E mahi ana Te Tāhuhu o te Mātauranga ki te taha o te poari ki te whakatutuki i ngā take e haere tonu ana mō te āhua o te wāhi me ngā whare o te kura. Nō te Hakihea o 2017 Te Tāhuhu o te Mātauranga i whakakore ai i te wawaotanga manatū i te hāpai i te poari.

2 Te Whanaketanga

He pēhea rawa ngā ākonga e whakaatu i tō rātou mōhiotanga ki te Tainuitanga?

Kei te tūmāia ngā ākonga i roto i ō rātou mōhiotanga ki te Tainuitanga.

Ngā Wāhanga o Te Aho Matua

Te Ira Tangata

Ka kitea te ngākau titikaha o ngā ākonga nā tō rātou tuakiri. He whānui ngā tūmomo wheako e whakakoia ana i te mana o te Tainuitanga ki ngā ākonga. Ka whakanuia ngā whakapapa e te whānau, ā, ka ārahi rātou i te whakawhanaketanga o ngā ākonga katoa i tō rātou tuakiri hei uri o ō rātou whānau, ō rātou hapū, me tō rātou iwi. Na tēnei, ka hāpai rātou i ngā ākonga ki te whai wāhi atu ki ngā tino kaupapa a Tainui, pērā i te Koroneihana me ngā poukai. Ka ako ngā ākonga i ngā tikanga me ngā kawa o Tainui.

Te Reo

Ka taea e te nuinga o ngā ākonga te whai wāhi atu ki ngā taumahi ako mā te reo Māori. He tokomaha anō hoki ngā ākonga i tīmata ai ki te kura me te iti noa o ngā mōhiotanga me te māia ki te kōrero i te reo Māori. Kua whakapuakihia e ngā kaiako te whānuitanga o ngā tūmomo rautaki hopu reo me ngā aronga whakaako, hei kōkiri i te ako i te reo kia āhei ai aua ākonga ki te āta whai wāhi ake ki te hōtaka akoranga. Ka kitea ngā whakapaitanga ki ngā akomanga. Ka kitea ki ngā tamariki tuākana tō rātou tūmāia i roto i ō rātou āheinga, ā, he pai hoki rātou hei tauira mō ngā ākonga tēina. E mōhio ana te tumuaki me te kaiako, he mea nui te whakapūmau i te taiao ako rumaki reo Māori mō ngā ākonga.

Kua whakaratohia te whakawhanaketanga ngaio o waho mā ngā kaiako, hei whakapakari i tō rātou mōhiotanga me ā rātou whakaritenga e pā ana ki te aromatawai, inarā, mā te aronga nui tonu hoki ki te reo matatini. Kua pakari ake te tūmāia ki te aromatawai i ngā taumata o te reo ā-waha, ā, ki te tautuhi hoki i ngā matea ako reo. E whanake ana ngā pūnaha ki te whakaemi me te tātari i ngā mōhiohio aromatawai. Ka whakamahia aua mōhiohio hei whakarōpū i ngā ākonga, hei ārahi i ngā mahere a ngā kaiako, ā, hei whakarato anō hoki i ngā paetae ākonga ki te poari.

Ngā Iwi

E whanake haere ana te tūmāia o ngā ākonga ki te whakatutuki i ō rātou tūranga me ā rātou kawenga mahi hei uri o tō rātou iwi. Ka mahi ngātahi rātou ki te āta whakarite i tā rātou pūmau ake i tēnā i ākona ai e rātou mō te reo Māori me ngā tikanga. Ka tū rātou hei kaiārahi ki te whakatauira me te whakapūmau i ngā tikanga i whakatakotohia ai ki te kura, pērā i ngā karakia, me te whakatau i ngā manuhiri ki te kura. Ka poipoia aua tūranga ārahi e ngā pākeke, ā, e āhurutia ana rātou kia āta whakaritea tā rātou kawe ake i aua tūranga i roto i ō rātou whānau, ki runga hoki i te marae. Ka tū ngā ākonga tuākana ki te marae, mā te tautoko anō hoki o tō rātou kura. Haere ai ngā ākonga i ia te wā ki ngā hui ki te marae e pā tata atu ana ki Te Pūaha o Waikato, ā, kua whakamihia rātou e ngā kaumātua mō ā rātou whakamātau ki te whakapakari i ngā rangatira o te whakatupuranga kei te heke mai, i roto i ō rātou hapori. E whakariterite ana ngā akoranga a ngā ākonga i tā rātou kawe atu i ngā tino tūranga i roto i ō rātou whānau me ō rātou marae.

Āhuatanga Ako

Ka whakaratohia ki ngā ākonga ngā akoranga e whakatutuki ana i ō rātou matea ake. Ka kitea ō rātou ngākau titikaha i te taiao ako, i a rātou e patapatai ana, ā, e mahi ngātahi ana hoki. He pai ngā mahinga i āta whakaritea i ngā akomanga e rua, ā, he whai wāhitanga mō ngā ākonga ki te mahi takitahi, te mahi takirōpū, me te mahi anō hoki ki te taha o te kaiako. Kua whakatinanahia te Positive Behaviour for Learning, arā, te PB4L, i runga anō hoki i te āhua o ngā uaratanga o te kura. He kaiārahi o te PB4L i roto i te kura, ā, kua whai hua tēnei ki te whakapūmau tonu i te kotahitanga o te taiao ako.

Nō te tīmatanga o te tau 2018 tētahi rōpū kaiako hou i tīmata ai ki te whakaako ki te kura. E hāpai ngātahi ana ō rātou tini pūkenga hei painga mō ngā ākonga me ngā kaiako rangatahi tonu e noho ana ki te kura i tēnei wā. Ka kitea tō rātou manaakitanga mō ngā ākonga, ā, ka akiaki rātou i ngā ākonga ki te tū manawa whakahī mō ā rātou whakatutukitanga ake. Ka whai wāhi atu ngā kaiako ki ngā ako ngaio me te whakawhanaketanga ngaio, hei whakapakari ake i ā rātou whakaritenga ngaio. He pakari te kounga o ngā mahi ki te whakamahere i te marau, ā, ka tohu anō hoki i ngā huarahi ka whāia e ngā kaiako ki te whakamahi i ō rātou mōhiotanga ki ngā kaupapa me te whakaako. He riterite ake te whakamahinga o ngā aromatawai ōkawa, ōpaki hoki – tae atu ki ngā kitenga -hei tāutuhia ngā matea ako o ngā ākonga. E hāpaitia ana ngā ākonga, kia pārekareka ai ki a rātou te ako, ā, kia rongo ai anō hoki rātou i te angitu.

Te ārahitanga me te whakahaeretanga

Kua whakapakari tonu te tumuaki i ōna pūkenga me ōna pūmanawa hei kaiārahi. Ko te tautoko o waho – tae atu hoki ki ngā kōrero urupare i te mahi arohaehae – i hāpai ai i te aronga me te pūtake o te whakawhanaketanga i roto i te ārahitanga ki te kura. Kua puritia tonuhia e te tumuaki ngā hononga ngaio puta noa i te hapori, tae atu hoki ki ētahi atu kaiārahi i ngā kura rumaki reo Māori o Tainui Waikato. Ka hāpai anō hoki aua hononga i ngā hononga tauutuutu anō hoki o ngā ākonga, ngā kaimahi, me te whānau.

Ko te whakatū me te whakapūmau hoki i ngā kaiako mātanga e tika ana tētahi wero tonu mō te kura, inarā, nā tōna tū ki te taiwhenua. He maha ngā whakarerekētanga ki ngā tūnga kaimahi i roto i ngā tau tata kua pahure ake nei, ā, kua whai pānga ēnei ki tō rātou āheinga ki te āta whakapūmau i te riterite o ngā whakaritenga mā ngā kaiako me te whānau. Ko ngā kaimahi me ngā kaitiaki o te poari e noho tonu ana ki reira, e aro matua tonu ana ki te whakapūmau i te kōkiri tonutanga ki ngā kaupapa matua i tāutuhia ai i roto i te kura.

Te kāwanatanga / Te whakahaere a te whānau

E arotahi ana te poari ki te whakawhanake i tō rātou āheinga ki te āta kāwana i te kura kia whai hua ai. Kei ngā kaitiaki o te poari, ko rātou kua roa nei e whai wāhi atu ana, me rātou anō hoki o te whānau e noho hou ana ki ngā mahi kāwana o te kura. E whakawhanake ana rātou i te māramatanga ake o te katoa ki ā rātou kawenga mahi, ā, i ngā huarahi ki te whakamahi i te whānuitanga o ngā tūmomo mōhiohio arotake whaiaro hei tūāpapa mō ngā mahi ki te whakatau i ngā whakaritenga e whai hua ai. He wawata anō hoki mō te pae tawhiti e whakaarohia ana e te poari me te tumuaki, tae atu ki te whakatū i tētahi wharekura hei whakawhānui ake i ngā huarahi rumaki reo Māori o ngā ākonga, ā, tērā anō pea ka hūnuku ki tētahi wāhi hou.

Me whakatō tonu te poari me te tumuaki i ngā whakarerekētanga papai ki ngā hanganga kāwana, hanganga ārahi hoki i te kura. Me hāngai hoki tēnei ki te whakapūmau i ngā tino whakaritenga e pā ana ki te aromātai me te arotake whaiaro, hei āta whakapūmau i tā rātou whakatutuki i ngā tino putanga mō ngā ākonga, ā, hei whakatutuki anō hoki i te katoa o ngā herenga ā-ture.

3 Te arotake whaiaro me te rōnakitanga o ngā mahi a te kura

Kua pai ake ngā mahi e pā ana ki te arotake whaiaro, ā, e tika ana kia whai wā i nāianei ki te whakamahine me te whakatōpū i aua mahi. E mōhio ana te poari, e tika ana kia whakatakotohia tētahi mahere tauatanga mō ngā tūranga e pā ana ki te kāwanatanga, te ārahitanga, me ngā mahi whakaakoranga.

I roto i ngā tau tata kua pahure ake nei, kua pā mai ētahi wero ki te poari, ā, nā runga i aua wero kua whai wā rātou ki te whakaaro huritao ki ā rātou tukanga, me ngā huarahi ka whāia pea ki te whakatutuki haere i ngā whakapaitanga. Mai i aua wheako, e mōhio ana te poari ki te whai huatanga ki te toro atu ki te ārahitanga me ngā tohutohu e tika ana, hei āta hāpai i a rātou ki te whakawhanake me te whakapūmau i ngā hanganga kāwana papai. He mātātoa tonu te whai whakaaro o te poari ki ngā wāhanga o te kāwana hei tirohanga tonutanga, ā, e whai wāhi atu ana ki Te Tāhuhu o te Mātauranga ki te whakapakari ake i te kāwanatanga ki te kura.

E whakarato ana te marau ā-kura i te angamahi tika mō ngā akoranga, ā, e whakapūmau ana i te whakahirahiratanga o Tainui me Te Kīngitanga. Me whakawhanake tonu te whānau me ngā kaimahi i te kiko me ngā rauemi e whakapakari ai i ngā whai wāhitanga ako o ngā ākonga i tēnei wā. Ko te tikanga, mā tēnei mahi ka pakari ake te whakatakotoranga o ngā mahere paetawhiti, me te whakatinanatanga o aua mahere.

4 Te Whakatau a te Whānau ki ngā Wāhanga Tautukunga

I mua o te arotake i whakatutukitia e te whānau me te tumuaki te Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ō rātou herenga ā-ture e pā ana ki:

  • ngā whakahaerenga ā te poari
  • te marautanga
  • ngā whakahaerenga e pā ana ki te hauora, te haumaru me te oranga tinana
  • ngā whakahaerenga e pā ana ki ngā kaimahi
  • ngā whakahaerenga pūtea
  • ngā whakahaerenga e pā ana ki ngā rawa.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • te whakaunu, te aukati, te pana me te whakarerenga
  • te tae ā-tinana atu o ngā ākonga ki te kura.

5 Te Taunakitanga

E taunaki ana Te Tari Arotake Mātauranga, kia tahuri te tumuaki me te poari ki te:

  • whakatō i ngā whakaritenga kāwanatanga e whai hua ana
  • whakawhānui i te aromātai o roto hei hāpai i te whakapai tonutanga
  • whakahāngai i te titiro ki te whakamahine i te marau ā-kura, hei whakarato i te tirohanga pūmau o te paetawhiti e ahu mai ana hoki i te Tainuitanga
  • tūhura tonu i ngā whai wāhitanga ki te whakatū me te whakapūmau i ngā tino kaiako ki te kura
  • whakatōpū i ngā whakapaitanga ki te kāwanatanga me te ārahitanga i whakatutukihia ai i roto i ngā tau e toru kua pahure ake nei.

Te Whakarāpopototanga

E tū ana Te Kura Kaupapa Māori o Te Pūaha o Waikato ki te hapori o Te Pūaha o Waikato. E whakarato ana te kura i te mātauranga rumaki reo Māori mō ngā ākonga o ngā tau 1 ki te 8, i runga anō i ngā mātāpono o Te Aho Matua. Ka āta whakaritea ngā ākonga, ā, he ngākau titikaha anō hoki ō rātou nā tō rātou mōhiotanga ki te Tainuitanga. E hāpaitia ana rātou kia whai wāhi nui ai rātou ki ngā akoranga, ā, kia rongo ai anō hoki rātou i te angitu. Me whakapakari tonu te poari me te tumuaki i te kāwanatanga me te ārahitanga i te kura.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura Kaupapa Māori o Te Pūaha o Waikato i roto i ngā tau e toru, arā, mā Te Rākeitanga.

Lynda Pura-Watson

Kaiurungi Whakaturuki Arotake Māori

28 Haratua, 2018

Ngā kōrero e pā ana ki te kura

Te tūwāhi

Kei Te Pūaha o Waikato

Te tau a te Tāhuhu o te Mātauranga

1151

Te tūmomo kura

He kura tuatahi (Tau 1 - 8)

Te tokomaha o ngā ākonga o te kura

44

Te Ira Tangata

Kōtiro 16

Tama 28

Ngā hononga ā-iwi

Māori

100%

Ngā āhuatanga motuhake

Te Aho Matua

Te wā i te kura te rōpū arotake

6 Paenga-whāwhā 2018

Te wā o tēnei pūrongo

28 Haratua, 2018

Ngā pūrongo o mua a Te Tari Arotake Mātauranga

Arotake Mātauranga

Arotake Mātauranga Te Aho Matua

Arotake Motuhake

Pipiri 2015

Haratua 2013

Paenga-whāwhā 2009

Findings

Te Kura Kaupapa Māori o Te Puaha o Waikato is located in Port Waikato. The kura offers Māori medium education for Year 1 to 8 students in line with the principles of Te Aho Matua. Students are well prepared and confident in their knowledge of Tainuitanga. They are supported to enjoy learning and experience success. The board of trustees and tumuaki must continue to strengthen governance and leadership in the kura. 

The next ERO review of Te Kura Kaupapa Māori o Te Pūaha o Waikato will be in three years – Te Rākeitanga – Expansive Evaluation.

1 Background and Context

Te Kura Kaupapa Māori o Te Puaha o Waikato is located in Port Waikato. The kura offers Māori medium education for Year 1 to 8 students in line with the principles of Te Aho Matua. There are currently 44 students at this kura, and many of the students travel from outside the Port Waikato community to attend the kura. Tainuitanga and Te Kīngitanga provide a strong cultural foundation for learning in the kura.

In 2015, ERO identified several areas of concern in governance, management, and curriculum management and implementation. Self review practices were still developing. The charter, strategic plan and annual plan required review. There was limited analysis and reporting of student achievement information to support ongoing improvements in the quality of learning for students, and to enable effective decision making by kura leaders and the board of trustees. Aspects of personnel management were not being implemented well. At that time, the tumuaki was new to her role and a first-time principal.

Since the time of the previous review, ERO has conducted a number of short visits to evaluate progress and improvement. This concluded with visits in October 2017 to meet with staff and board members, and in April 2018 to complete classroom observations. The tumuaki and board of trustees have continued work towards addressing the identified areas for development. The Ministry of Education is working with the board of trustees to address ongoing issues regarding the physical site and buildings of the kura. Statutory intervention to support the board of trustees was revoked by the Ministry of Education in December 2017.

2 Development

How well do students demonstrate knowledge of Tainuitanga?

Students are confident in their knowledge of Tainuitanga.

Ngā Wāhanga o Te Aho Matua

Te Ira Tangata

Students display confidence in their identity. There is a range of experiences that affirm the value of Tainuitanga for students. The whānau acknowledge whakapapa and guide all students to determine their whānau, hapū and iwi. Consequently, they support students to have opportunities to observe and participate in significant events in Tainui such as Koroneihana and Poukai. Students learn about tikanga and kawa specific to Tainui.

Te Reo

Most students can participate in learning activities through the medium of the Māori language. There are a number of students who have started at the kura with limited capability and confidence in te reo Māori. Kaiako have adopted a range of language acquisition strategies and teaching approaches to accelerate language learning so that these students can participate more fully in the learning programme. Improvements are evident in the classrooms. Older students show confidence in their abilities and provide good role models for younger students. The tumuaki and kaiako recognise the importance of maintaining a Māori immersion learning environment for students.

External professional development has been provided for kaiako to strengthen their knowledge and practice of assessment, with a particular focus on te reo matatini. There is increased confidence to assess levels of oral language and determine language learning needs. Systems are developing to collate and analyse assessment information. This information is used to group students, guide kaiako planning, and provide student achievement data to the board of trustees.

Ngā Iwi

Students develop confidence to carry out their roles and responsibilities as members of their iwi. They work together to ensure that they confidently uphold what they have learnt with respect to te reo Māori and tikanga. They take lead roles to model and maintain the tikanga established within the kura, such as karakia and welcoming visitors to the kura. These leadership roles are fostered by adults in a nurturing environment that ensures students will be well prepared to take on formal roles within their whānau and marae. Older students stand on the marae with support from their kura. Student regularly attend hui at local marae near Port Waikato, and have been commended by local kaumātua for their efforts to build the next generation of leaders for their communities. Students learning prepares them for important roles in their whānau and marae.

Āhuatanga Ako

Students are provided learning that caters for their individual needs. They display confidence in the learning environment by asking questions and working together. Good routines have been established across the two classrooms with opportunities for students to work independently, in groups and alongside the kaiako. Positive Behaviour for Learning (PB4L) has been implemented in line with the values of the kura. There is internal leadership for PB4L which has contributed to maintaining an inclusive learning environment.

A new team of kaiako began working at the kura from the start of 2018. They have complementary skills which they share to benefit students and young teaching professionals who are currently based in the kura. They display care for students and encourage them to take pride in their individual achievements. Kaiako participate in professional learning and development to strengthen their professional practice. The quality of curriculum planning is sound, and shows how kaiako make use of their subject and pedagogical knowledge There is more consistent use of formal and informal assessments including observations to determine the learning needs of students. Students are supported to enjoy learning and experience success.

Leadership and management

The tumuaki has continued to consolidate her leadership skills and capabilities. External support, including appraisal feedback, has provided direction and purpose for the development of leadership within the kura. The principal has maintained professional networks within the local community as well as with other Māori medium kura leaders in the wider Tainui region. These networks support reciprocal relationships for students, staff and whānau.

The recruitment and retention of suitably qualified and experienced teachers remains a challenge for the kura, especially given its rural location. There have been a number of staffing changes in recent years which have impacted on their capacity to embed consistent practices for kaiako and whānau. Those staff and board members who have remained are committed to maintaining momentum towards identified priorities in the kura.

Governance / Whānau Whakahaere

The board of trustees is focused on developing their capability for effective governance. The current composition of the board includes a blend of long-serving trustees alongside whānau members who are new to kura governance. They are developing greater collective understanding of their individual and collective responsibilities, and how to use a range of self review information as a basis for effective decision making. There are longer-term aspirations that are being considered by the board of trustees and tumuaki including the establishment of a wharekura to extend the Māori medium pathways for students, and the potential relocation to a new site.

The board of trustees and tumuaki should continue to embed the positive changes to governance and leadership structures in the kura. This should include maintaining rigorous evaluation and self-review practices to ensure they can achieve excellent outcomes for students and meet all regulatory requirements.

3 Self Review and sustainable performance

Self review practices have improved and now require time for refinement and consolidation. The board of trustees is aware of the need to ensure there is a plan for succession of governance, leadership and teaching roles.

The board of trustees has experienced challenges in recent years which has provided opportunities for them to reflect on their processes and consider how improvements can be made. From these experiences, the board of trustees has recognised the value of seeking appropriate guidance and advice to ensure they can develop and maintain good governance structures. The board continue to proactively consider areas of governance that require ongoing attention, and are engaging with the Ministry of Education to strengthen governance in the kura.

The marau ā-kura continues to provide a relevant framework for learning that reinforces the importance of Tainui and Te Kīngitanga. The whānau and staff should continue to develop content and resources that build upon current learning opportunities for students. This should provide more structure for longer term planning and implementation.

4 Whānau assurance on legal requirements

Before the review, the whānau and Tumuaki completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

5 Recommendations

ERO recommends the tumuaki and board of trustees:

  • embed effective governance practices
  • extend internal evaluation to support ongoing improvement
  • focus on refining the marau ā-kura to provide a long-term and enduring overview for learning based on Tainuitanga
  • continue to explore opportunities to recruit and retain quality kaiako
  • consolidate the improvements in governance and leadership achieved in the last three years.

Conclusion

Te Kura Kaupapa Māori o Te Puaha o Waikato is located in Port Waikato. The kura offers Māori medium education for Year 1 to 8 students in line with the principles of Te Aho Matua. Students are well prepared and confident in their knowledge of Tainuitanga. They are supported to enjoy learning and experience success. The board of trustees and tumuaki must continue to strengthen governance and leadership in the kura.

When is ERO likely to review the kura again?

The next ERO review of Te Kura Kaupapa Māori o Te Pūaha o Waikato will be in three years – Te Rākeitanga – Expansive Evaluation.

Lynda Pura-Watson

Deputy Chief Review Officer Māori

28 May 2018

Information about the Kura

Location

Port Waikato

Ministry of Education profile number

1151

Kura type

Full Primary (Year 1 - 8)

Kura roll

44

Gender composition

Girls 16

Boys 28

Ethnic composition

Māori

100%

Special features

Te Aho Matua

Review team on site

6 April 2018

Date of this report

28 May 2018

Most recent ERO report(s)

Education Review

Te Aho Matua Review

Special Review

June 2015

May 2013

April 2009