Te Kura o Ngāpuke

Ngā Whakaaturanga

He tino nui te ahu whakamua o Te Kura o Ngāpuke ki te whakatutuki i te nuinga o ngā wāhanga i tāutuhia ai i te tau 2017 ki te pūrongo a Te Tari Arotake Mātauranga, hei whakawhanake ake, tae atu ki te whakawhanake tonutanga me te whakatinanatanga o te marautanga ā-kura, ki te kōkiri tonu i ngā mahi kia eke ki te Taumata 1 o te mātauranga rumaki reo Māori, ki te whakapakari i te ārahitanga ngaio, ā, ki te whai wāhi atu ki ngā whakangungu e pā ana ki te kāwanatanga i te kura. He pai te tūnga o te kura ki te kōkiri tonu i ā rātou mahi, me te toro atu hoki ki te tautoko o waho i ngā wā e tika ana, hei whakatutuki i ngā whakaritenga matua i tāutuhia ai ki tēnei aromātai kia whāia tonuhia.

1 Ko ngā Whakamāramatanga me te Horopaki

He aha ngā whakamāramatanga me te horopaki mō tēnei arotake i te kura?

E tū ana Te Kura o Ngāpuke ki Taumarunui, ā, e whakarato ana i te mātauranga ki ngā ākonga o ngā tau 1 ki te 8. E tū ana te kura ki te taha o te marae o Kauriki, ā, he tino hononga ā-iwi tō te kura ki a Ngāti Hinemihi rāua ko Ngāti Tūwharetoa. I te tau 2015, i tīmata te whānau i tētahi tukanga kia tū kē rātou hei kura ā-iwi i raro i te maru o Ngā Kura ā-Iwi o Aotearoa. I tāutu te pūrongo a Te Tari Arotake Mātauranga i te tau 2017 i ngā wāhanga hei whakawhanake ake, pērā i te whakariterite ki te whakarato i te mātauranga rumaki reo Māori, i te waihanga me te whakatinanatanga o te marautanga, i ngā paetae ākonga, i te aromātai o roto, i te ārahitanga ngaio, ā, i te kāwana hoki i te kura.

Mai i te arotake o mua a Te Tari Arotake Mātauranga, kua whakatutukihia ētahi whakarerekētanga matua i whai hua nui ai ki ngā whakawhanaketanga i te kura. Nō te tau 2018 tētahi tumuaki tūturu hou i whakatūngia ai. Kua tino piki ake te rārangi ingoa o te kura, mai i te 63 o ngā ākonga i te tau 2017, ki ngā ākonga 110 i te wā o te arotake nei. E hāpaitia ana e Te Kura o Hīrangi i Tūrangi te whakarato a te kura i te mātauranga wharekura me ngā huarahi o Te Tohu Mātauranga ki ngā ākonga o ngā tau 9 ki te 13. E arotahi ana te poari, ngā kaimahi, me te hapori ki ngā whakapaitanga e noho rōnaki ana, otirā, e hāpai atu ai hoki i tā rātou whakawhiti atu ki te tū hei kura ā-iwi.

2 Te Arotake me te Whanaketanga

He pēhea rawa te kura e whai hua ana ki te whakatutuki i ngā wāhanga hei arotake, hei whanake?

Kua mārohirohi te tumuaki, te poari, me ngā kaimahi i tā rātou whakapeto ngoi ki te whakatutuki i ngā wāhanga i tāutuhia ai hei whakawhanake ake ki te pūrongo o mua a Te Tari Arotake Mātauranga. Ko aua wāhanga whakawhanake i hāngai ai ki te:

• whakaoti i tā rātou marautanga ā-kura, me te whakatinana i taua marautanga puta noa i te kura
• whakatinana i tā rātou rautaki e pā ana ki te reo Māori, hei whakapakari i ngā pūkenga reo o ngā ākonga, hei whakarite anō hoki i a rātou ki te whai i te mātauranga rumaki reo Māori
• whakapai ake i te aromātai o roto, inarā, ki te aro atu ki ngā putanga ki ngā ākonga, me ngā mōhiohio e whakatinana ai i te aronga rautaki o te kura.

Te Marautanga ā-Kura

Kua whakaoti i te marautanga ā-kura, ā, e āta hāngai ana tēnei ki te tirohanga whānui mō ngā ākonga me ngā wawata o te hapū. E ārahi ana te marautanga ā-kura i te whakaratonga o ngā wheako ako tūturu e whai pānga nui ana hoki ki ngā ākonga. Ahakoa kei te tīmatanga tonu o ngā mahi ki te whakapuaki i te marautanga, ka arotakengia ā te mutunga o te tau 2019 hei tāutu i ngā āhuatanga pakari me ngā āhuatanga pea hei whakapai ake tonu.

Kei te pai haere te kounga o ngā akoranga a ngā ākonga ki te kura pōtiki. Kua nui ake te māramatanga o ngā kaiako ki te marautanga ā-kura, otirā, ki tēnā anō hoki e hiahiatia ana kia whakapuaki ake rātou i te kounga me te whānuitanga o ngā tūmomo wheako ako o ngā ākonga. Kua āta whakamāramahia ngā tūmanako mō ngā kaiako, tae atu ki ngā tūmanako mō te whakamahere i te marautanga, mō te aromatawai, mō te aromātai. Ka whai wāhi atu ngā kaiako ki ngā akoranga ngaio me ngā whakawhanaketanga ngaio o waho, hei whakatairanga ake i ō rātou mōhiotanga me ā rātou whakaritenga. Ka ngākau nui ngā ākonga o te kura pōtiki ki te whai wāhi nui ki ā rātou taumahi ako.

E whanake ana te kounga o ngā akoranga mō ngā ākonga o te kura mātāmua. E whai pānga ana ngā hōtaka akoranga o ngā ākonga ki ā rātou ake paetae me te āhua anō hoki o ā rātou ake ahu whakamua. Ka whai wāhi atu ngā koanga ki Te Whare Tū Taua o Tūwharetoa, ā, he tino tūāpapa whakaioio tēnei mō te angitu o tā rātou ako. Ko ngā tūmomo kaupapa e whakaratohia ana i te kura mātāmua, kua whakatakotohia mā te aromātai i ngā tūmomo kaupapa, me ngā kōrero urupare a ngā ākonga. Kei te whakahono atu ki ngā ratonga o waho, ki ngā pakihi, ki ngā ratonga mātauranga, hei whakawhānui ake i ngā tūmomo huarahi mātauranga, huarahi umanga anō hoki o ngā ākonga. He nui ngā tūmanako o ngā kaiako kia eke angitu ngā ākonga, puta noa i te whānuitanga o ngā tūmomo horopaki. Ka whai wāhi nui, ka tūmāia hoki ngā ākonga o te kura mātāmua ki te ako.

Te reo Māori

Kei te haere tonu ngā mahi ki te whakatinana i te taiao ako ka rumaki katoatia ki te reo Māori mō ngā ākonga. E whakapuaki ana te whānau me ngā kaimahi i tētahi rautaki reo Māori ki te whakapakari ake i ō rātou pūmanawa me ō rātou āheinga, kia eke ai rātou ki te tau 2022, ko te whakahaere mā te Taumata 1 (81-100%) o te Rumaki Reo Māori. Kua whakatūngia ētahi kaiako e mātau ana ki te reo Māori i roto i te kura pōtiki. Kei te whakapiki haere ētahi atu o ngā kaimahi me te whānau i tō rātou mōhiotanga me tā rātou whakamahinga o te reo Māori, hei hāpai i tō rātou wawata mō te mātauranga rumaki reo Māori.

E whakarato ana ki ngā ākonga ngā whai wāhitanga me ngā wheako e hāpai ana i tā rātou ako i te reo Māori. He aronga tā te kura katoa ki te whakapakari ake i te reo matatini (arā te pānui me te tuhituhi), tae atu hoki ki te reo ā-waha. E whakamātau ana ngā kaiako i ngā rautaki ka whakapai ake i te māramatanga me te māia o ngā ākonga ki te whakamahi i te reo Māori. Kua whakatakotohia tētahi pūnaha aroturuki hei aru i te ahu whakamua o te whakawhanaketanga reo o ngā ākonga. Ahakoa e mōhio ana ngā ākonga ki te tūmanako kia mātau ake rātou ki te reo Māori, kei te kōrero kē te nuinga o ngā ākonga i te reo Pākehā ki waenga i a rātou anō, puta noa i te rā.

Kei te whakawhanakehia te hōtaka hāpai reo mō ngā ākonga e whakawhiti ana me te iti noa o te reo Māori. Kāhore te nuinga o ngā ākonga e mōhio ana ki te kōrero i te reo Māori, ā, he matea whakawhanaketanga reo ake ō rātou hei āta tāutu, hei āta tautoko hoki. Me hāpai ake i ngā kaiako ki te kōkiri i te mōhio o ngā ākonga ki te reo Māori, me tā rātou whakamahinga i te reo.

Ngā Whakaritenga Matua ka whai ake

Ahakoa kei te kaha ake ngā tukanga me ngā tūmanako e whāia ana e ngā kaiako ki te whakaemi, ki te tātari, ki te pūrongo hoki i ngā paetae ākonga, me āta whakarite te tumuaki me te poari kia tika te tautoko me ngā rauemi mō rātou, mō ngā ākonga hei hāpai ake i roto i ngā akoranga. Me haere tonu te whakawhanaketanga ngaio me ngā mahi ngaio, ā, me whai pānga ki tēnei, ko te āta ārahi i ngā kaiako ki te whakatinana i ngā hōtaka e kōkiri ana i te ahu whakamua a ngā ākonga me ā rātou paetae i roto i te reo matatini me te pāngarau. Waihoki, me whakatinana te tumuaki me ngā kaiako i te aroturukitanga pakari ake o te ahu whakamua o ngā ākonga me ā rātou paetae, ā, me whakapakari anō hoki te pūrongo ki te poari, hei whakamōhio i ngā whakataunga ki te whakahaeretanga me te kāwanatanga i te kura.

3 Te arotake whaiaro me te rōnakitanga o ngā mahi a te kura

He pēhea rawa te tūnga o te kura ki te rōnaki me te whakapai tonu, te arotake tonu anō hoki i āna āhua mahi?

E hāngai pū ana te titiro a te poari, a te whānau, a te tumuaki, a ngā kaimahi ki te whakaū i ngā whakapaitanga ki te kura, hei painga mō ā rātou ākonga.

Te Ārahitanga

Kua tino piki ake te ārahitanga ngaio ki te kura, whai muri i te arotake o mua a Te Tari Arotake Mātauranga. Nō te tau 2018 tētahi tumuaki tūturu hou i whakatūngia ai. He mārama ngā tohutohu, te ārahitanga, me ngā tūmanako e whakaratohia ana e te tumuaki mā ngā kaiako. Kua oti te arotake i ngā tuhinga whakahaere matua, ā, kua āta tāutuhia ngā tūranga o ngā kaimahi me ā rātou kawenga. Kua āta hāpaitia aua mahi mā te whakawhanaketanga o tētahi tukanga arohaehae hou o ngā kaimahi, ā, nō tēnei tau tonu i whakatinanahia ai. Ko te ū tonu o te tautoko o ngā pou tohutohu me ngā pouārahi o Ngā Kura ā-Iwi o Aotearoa, kua whai wāhi atu ki te whakapaitanga ake o te ārahitanga me ngā mahi whakahaere ki te kura.

Te Kāwanatanga

Kua ū tonu te poari ki te toro atu ki te tautoko o waho, hei whakatairanga ake i ō rātou mōhiotanga ki te kāwanatanga e whai hua ai ki te kura. Kua whakatutukihia e te poari ngā mahi whakangungu a Te Whakarōpūtanga Kaitiaki Kura o Aotearoa me Ngā Kura ā-Iwi o Aotearoa. Nā te pai o ngā hononga mahi ki waenga i te tumuaki, ngā hapū o te takiwā, me Ngā Kura ā-Iwi o Aotearoa, he pakari te tūāpapa e whakariterite ana i ngā ākonga ki te eke angitu i roto i ā rātou akoranga ki te kura. Ko te waiora, te haumaru, me te angitu o ngā ākonga i roto i te mātauranga, e noho matua katoa ana ki te titiro a te poari.

Ngā Whakaritenga Matua ka whai ake

He mea nui kia whakapakari tonu te poari i tō rātou āheinga kia whai hua ai te kāwanatanga i te kura, ā, kia kounga kairangi ai ngā mahi aromātai o roto. Taka rawa mai ki tēnei wā, kua āta whai wāhi nui te tumuaki ki ngā tini āhuatanga o ngā mahi kāwana, heoi anō, kua tae anō hoki ki te wā i nāianei kia arotake te poari me te whānau i te hanganga kāwana e whāia ana, mā te aro pū anō hoki ki te whakapiki ake i te whai wāhi mai o te whānau me te iwi. Ka whakawātea tēnei i te tumuaki ki te wāhi wā ake, ki te arotahi ake hoki ki ngā akoranga me ngā paetae a ngā ākonga, puta noa i te kura.

Nā te pikitanga ake o te tatauranga ākonga ki te kura, kāhore pea ngā wāhi akomanga, ngā rauhanga hoki e whakatutuki ai i te piki tonu o te tatauranga ākonga. Me āta aroturuki te tumuaki me te poari i te piki haere o te tatauranga ākonga, kia kore ai ngā akoranga me ngā paetae a ngā ākonga e āwangawanga nā te āhua o ngā whare me ngā rauhanga o tēnei wā.

4 Te Whakatau a te Poari ki ngā Wāhanga Tautukunga

I mua o te arotake i whakatutukitia e te whānau me te tumuaki te Tauāki Kupu Tūturu a Te Poumarumaru mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ō rātou herenga ā-ture e pā ana ki:

• ngā whakahaerenga ā te poari
• te marautanga
• ngā whakahaerenga e pā ana ki te hauora, te haumaru me te oranga tinana
• ngā whakahaerenga e pā ana ki ngā kaimahi
• ngā whakahaerenga pūtea
• ngā whakahaerenga e pā ana ki ngā rawa.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki te paetae o ngā ākonga:

• te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
• te haumaru ā-tinana o ngā ākonga
• te rēhitatanga o ngā kaiako
• te whakaunu, te aukati, te pana me te whakarerenga
• te tae ā-tinana atu o ngā ākonga ki te kura
• te whakatutukitanga o ngā herenga ā-ture e whai pānga ana ki Te Ture Oranga Tamariki o 2014.

5 Ngā Taunakitanga

E taunaki ana Te Tari Arotake Mātauranga, kia haere tonu ngā mahi a te poari, te tumuaki, me ngā kaimahi ki te:

• whakatinana i tā rātou rautaki e pā ana ki te reo Māori, ā, ki te whakapiki ake hoki i te whakamahinga o te reo Māori i te kura
• whakapakari ake i ngā pūmanawa o ngā kaiako ki te kura pōtiki, hei kōkiri i ngā paetae ākonga i roto i te reo matatini me te pāngarau
• whakapakari te āheinga o te whānau me ngā hapū ki te kāwana i te kura
• whakawhanake i ngā mahi aromātai o roto kia pakari, kia whai wāhi atu ai aua mahi ki ngā painga mō ngā ākonga, ō rātou whānau, me ō rātou iwi
• uru mātātoa atu ki ngā whai wāhitanga e hāpai ai i tā rātou whakawhiti atu, tā rātou whakaritenga anō hoki hei kura ā-iwi.

Te Whakarāpopototanga

He tino nui te ahu whakamua o Te Kura o Ngāpuke ki te whakatutuki i te nuinga o ngā wāhanga i tāutuhia ai i te tau 2017 ki te pūrongo a Te Tari Arotake Mātauranga, hei whakawhanake ake, tae atu ki te whakawhanake tonutanga me te whakatinanatanga o te marautanga ā-kura, ki te kōkiri tonu i ngā mahi kia eke ki te Taumata 1 o te mātauranga rumaki reo Māori, ki te whakapakari i te ārahitanga ngaio, ā, ki te whai wāhi atu ki ngā whakangungu e pā ana ki te kāwanatanga i te kura. He pai te tūnga o te kura ki te kōkiri tonu i ā rātou mahi, me te toro atu hoki ki te tautoko o waho i ngā wā e tika ana, hei whakatutuki i ngā whakaritenga matua i tāutuhia ai ki tēnei aromātai kia whāia tonuhia.

Charles Rolleston

Toka ā-nuku

30 Haratua, 2019

Ngā kōrero e pā ana ki te Kura

Findings

Te Kura o Ngāpuke has made considerable progress to address most areas for development identified in the 2017 ERO report including the ongoing development and implementation of the kura curriculum, working towards Level 1 immersion education, strengthening professional leadership and engaging in governance training. The kura is well placed to continue their work, and seek external support as required, to address the key next steps identified in this evaluation. 

1 Background and Context

What is the background and context for this kura review?

Te Kura o Ngāpuke is located in Taumarunui and provides education for students from Year 1 to 8. The kura is adjacent to Kauriki Marae and there is a strong iwi connection to Ngāti Hinemihi and Ngāti Tūwharetoa. In 2015, the whānau began a process to transition into becoming a kura ā-iwi affiliated to Ngā Kura ā Iwi o Aotearoa. The 2017 ERO report identified areas for development including preparation to deliver Māori medium education, curriculum design and implementation, student achievement, internal evaluation, professional leadership and governance.

Since the previous ERO review, there have been key changes which have impacted positively on developments in the kura. A new permanent tumuaki was appointed in 2018. There has been significant roll growth from 63 students in 2017 to 110 students at the time of this review. The provision of wharekura education and NCEA pathways for Year 9 to 13 students is supported by Te Kura o Hīrangi in Tūrangi. The board of trustees, staff and community are focused on sustainable improvements that support their transition to operating as a kura ā-iwi.

2 Review and Development

How effectively is the kura addressing its areas for review and development?

The tumuaki, board of trustees and staff have been resolute in their efforts to address the areas for development identified in the previous ERO report. These areas for development included:

• completing their kura curriculum and implementing this throughout the kura

• implementing their te reo Māori strategy to strengthen students’ language skills and readiness for Māori medium education

• improving internal evaluation, in particular focussing on student outcomes and informing the strategic direction of the kura.

Kura Curriculum

The kura curriculum has been completed and clearly aligns to the vision for the students and aspirations of the hapū. The kura curriculum is guiding the provision of authentic and relevant learning experiences for students. Although the curriculum is in the early stages of implementation, it will be reviewed at the end of 2019 to identify areas of strength and potential improvements.

The quality of student learning in the kura pōtiki is improving. Kaiako have a greater understanding of the kura curriculum and what is required of them to deliver the quality and range of learning experiences for students. Expectations for kaiako have been clarified including expectations for curriculum planning, assessment and evaluation. Kaiako participate in external professional learning and development to improve their knowledge and practice. Students in the kura pōtiki are willing participants in their learning activities.

The quality of learning for students in the kura mātāmua is developing. Learning programmes for students take into consideration their individual levels of achievement and progress. Students participate in Te Whare Tū Taua o Tūwharetoa which provides an integral foundation for their learning success. The range of subjects offered in the kura mātāmua has been informed by course evaluation and student feedback. Relationships with external agencies, businesses and education providers are being established to extend the potential education and career pathways for students. Kaiako have high expectations for student success across a range of contexts. Students in the kura mātāmua are engaged and confident learners.

Te reo Māori

The establishment of a full Māori immersion learning environment for students is ongoing. The whānau and staff are implementing a te reo Māori strategy to build their capacity and capability to be operating at Māori Language Immersion Level 1 (81-100%) by 2022. Kaiako with expertise in te reo Māori have been employed to work in the kura pōtiki. Other staff and whānau are improving their knowledge and use of te reo Māori to support their aspiration for Māori medium education.

Students are provided with opportunities and experiences to support their learning in te reo Māori. There is a focus across the kura on strengthening te reo matatini (reading and writing) as well as te reo ā-waha (oral language). Kaiako are trialling strategies to improve students’ understanding and confidence to use te reo Māori. A monitoring system is in place to track the progress of students’ language development. Although students are aware of the expectation to become more proficient in te reo Māori, most students speak English to each other throughout the day.

The language transition programme for students with limited te reo Māori capability is under development. Most students are non-speakers of te reo Māori and have specific language development needs that must be identified and supported. Kaiako require additional support to accelerate students’ knowledge and use of te reo Māori.

Key next steps

While there are now stronger processes and expectations for kaiako to gather, analyse and report student achievement information, the tumuaki and board of trustees must ensure there is appropriate support and resource in place for students requiring additional learning assistance. Ongoing professional development and work should include practical guidance for kaiako to implement programmes that accelerate student progress and achievement in te reo matatini and pāngarau. Furthermore, the tumuaki and kaiako must implement more rigorous monitoring of student progress and achievement, and strengthen reporting to the board of trustees to inform decision making at management and governance levels in the kura.

3 Sustainable Performance and Self Review

How well placed is the kura to sustain and continue to improve and review its performance?

The board of trustees, whānau, tumuaki and staff are committed to sustaining improvements in the kura for the benefit of their students.

Leadership

Professional leadership in the kura has improved significantly since the previous ERO review. A new permanent tumuaki was appointed in 2018. The tumuaki provides clear direction, guidance and expectations for kaiako. A review of key management documents has been completed, and the roles and responsibilities of staff are clearly defined. This work has been well supported by the development of a new staff appraisal process which has been implemented this year. Ongoing support from Ngā Kura ā Iwi o Aotearoa advisers and mentors has contributed to improved leadership and management practices in the kura.

Governance

The board of trustees has continued to engage external support to improve their knowledge of effective governance in the kura. The board of trustees has undertaken training with the New Zealand School Trustees Association and with Ngā Kura ā Iwi o Aotearoa. The aspirations of Ngāti Hinemihi are reflected in key documents in the kura. The positive working relationships between the tumuaki, local hapū and Ngā Kura ā Iwi o Aotearoa have contributed to a strong foundation that prepares students for success in their learning at the kura. The wellbeing, safety and educational success of students is a priority for the board of trustees.

Key next steps

It is critical that the board of trustees continues to strengthen their capability for effective kura governance and high quality internal evaluation practices. To date, the tumuaki has been strongly involved in many aspects of governance and it is timely for the board of trustees and whānau to review the current governance structure with a particular focus on increasing whānau and iwi involvement. This will enable the tumuaki to give more time and focus to student learning and achievement across the kura.

With the increased number of students in the kura, the current classroom spaces and facilities are potentially inadequate to cater for continued roll growth. The tumuaki and board of trustees must monitor this roll growth carefully to ensure student learning and achievement is not compromised by the existing property and facilities.

4 Board assurance on legal requirements

Before the evaluation, the board of trustees and tumuaki completed the ERO Te Poumarumaru Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

• board administration

• curriculum

• management of health, safety and welfare

• personnel management

• financial management

• asset management.

During the evaluation, ERO checked the following items because they have a potentially high impact on student safety and wellbeing:

• emotional safety of students (including prevention of bullying and sexual harassment)

• physical safety of students

• teacher registration and certification

• processes for appointing staff

• stand-downs, suspensions, expulsions and exclusions

• attendance

• compliance with the Vulnerable Children Act 2014.

5 Recommendations

ERO recommends that the board of trustees, tumuaki and staff continue to:

• implement their te reo Māori strategy and increase the use of te reo Māori within the kura
• build capability of kaiako in the kura pōtiki to accelerate student achievement in te reo matatini and pāngarau
• strengthen kura governance capability within the whānau and hapū
• develop robust internal evaluation practices that contribute to positive outcomes for students, their whānau and iwi
• actively participate in opportunities that support their transition and establishment as a kura ā-iwi.

Conclusion

Te Kura o Ngāpuke has made considerable progress to address most areas for development identified in the 2017 ERO report including the ongoing development and implementation of the kura curriculum, working towards Level 1 immersion education, strengthening professional leadership and engaging in governance training. The kura is well placed to continue their work, and seek external support as required, to address the key next steps identified in this evaluation.

Charles Rolleston

Toka ā-nuku

30 May 2019

Information about the Kura