Te Kura o Torere - 30/01/2017

Ngā Whakaaturanga

E tū ana Te Kura o Torere ki Whangaparāoa, e pā tata atu ana i Ōpōtiki. He hononga ā-whakapapa tō ngā tamariki katoa ki a Tōrere me Ngāi Tai. He iti te kura, ā, he ātaahua te āta whakatakotoranga o tōna taiao ako. Ka tūmāia ngā uri ki te whakatau i ā rātou ake whakaritenga, me te whai wāhi nui hoki ki tō rātou hapori.

Tērā ka whakahaeretia e Te Tari Arotake Mātauranga te arotake whai muri o Te Kura o Torere i roto i ngā tau e toru. 

1 Te Horopaki

He iti taku iti, he iti kōpara, pioi ana te tihi o te kahikatea.’

Ko Te Kura o Torere tētahi kura iti i te ara o Whangaparāoa, ki tua atu noa i Ōpōtiki. Ko Ngāi Tai ngā uri o Tōrere, te tamāhine a Hoturoa i tae ki uta i te waka o Tainui, i tōna haerenga i ngā takutai o Whangaparāoa. He tātai whakapapa tō ngā ākonga katoa o te kura ki a Tōrere me Ngāi Tai.

E hāngai ana te whakataukī o te kura ki te iti o Ngāi Tai, me tōna pūmanawa ki te whakaaweawe tonu i te tangata, ā, ki te kōkiri kaupapa tonu puta noa i te motu. Kua whakahāngaitia e te iwi taua whakataukī ki te kura, nā te iti anō hoki o te kura me ngā pūmanawa nui o ngā uri.

I te tau 2013 i tāutuhia ai e Te Tari Arotake Mātauranga te maha o ngā wāhanga hei whakapai ake, kia pai ake ai anō hoki ngā putanga ki ngā uri. Kua whakatutukihia e te whānau te nuinga o ngā aua take.

2 Ngā Putanga ki ngā Uri

He pēhea rawa ngā uri e whakaatu ana i te rangatiratanga, te tūmāia, te whakaaweawe, te mātau hoki i roto i ā rātou ake whakataunga, ā, i tā rātou whai wāhi atu ki tō rātou hapori?

Ka kitea ki ngā uri te rangatiratanga me te tūmāia i roto i ā rātou ake whakataunga, ā, ka whai wāhi nui hoki rātou ki tō rātou whānau me tō rātou iwi.

Ka kitea te manawa whakahī o ngā ākonga hei uri o Ngāi Tai. E mōhio ana rātou ki tō rātou tūrangawaewae me ō rātou tātai whakapapa. Kei te tino mārama rātou ki tō rātou tūrangawaewae. E mōhio ana ngā uri ki ngā wāhi whakahirahira o te iwi, me ngā tikanga e hāngai pū ana ki a Ngāi Tai. Ka ako rātou i ētahi atu iwi me ngā hononga tuku iho e whai pānga ana ki a Ngāi Tai. E mōhio ana ngā uri ki ō rātou hononga ki a Tainui, me ngā kōrero e whai pānga ana ki ō rātou whakapapa. He pakari ngā uri ki te taki me te whakapuaki i ō rātou pepeha, ō rātou whakapapa, me ngā waiata tawhito o Tōrere.

Ka whakatinanahia e ngā uri ngā uaratanga o te kura me te iwi, i a rātou e whai wāhi atu ana ki te ao o te kura me te marae. E mōhio ana ngā uri ki te whakahirahiratanga o te manaakitanga, me ngā tino taumata e tika ana mō te tiaki manuhiri. Ka whakamana, ka whakatinana hoki rātou i ngā hononga papai, whakaute hoki ki waenga i a rātou anō, ki tō rātou whānau, ki ngā kaiako, ki ngā kaumātua, ā, ki te hapori whānui. He ākonga tūmāia ngā uri. ‘Kia korowaitia ā tātou mokopuna ki te korowaitanga o Ngāi Tai.’ He pakari te whai wāhi atu a ngā uri ki te marae me te ao whānui.

He pakari te whakawhiti whakaaro o ngā uri mā te reo Māori, ā, ka whakamahi rātou i ngā kīwaha o Ngāi Tai. Ki tā te whānau titiro, ka tū ngā uri ā tōna wā hei puna o te reo o te iwi. Kua whakapau kaha rātou ki te whakarato i tētahi taiao rumaki reo Māori mō ngā uri. He tino tauira pai ngā kaiako, ā, he nui ō rātou tūmanako kia kōrero ngā uri i te reo Māori i ngā wā katoa. Ka whakatauira ngā tuākana i te reo mō ngā tēina, ki ngā horopaki ōkawa me ngā horopaki ōpaki. Kei te mārama ki ngā uri te whakahirahiratanga o te reo Māori ki tō rātou iwi.

E whiwhi ana ngā uri i te hōhonutanga o ngā wheako akoranga e whakapūmau ana i tō rātou tuakiri me tō rātou aronga toi whenuatanga. Ka ako rātou ki te mahi me te atawhai i te taiao. Ka whakapuaki ngā kaumātua me ngā kuia i ō rātou mōhiotanga e pā ana ki te māra kai. Ka ako ngā uri i ngā tikanga tuku iho mō te hauhake whenua, me te whakatupu, te whakapūranga hoki i ngā kai. Kei te mōhio hoki rātou ki te whakahirahiratanga o te tohatoha i ngā kai ki te hapori. Kua whai wāhi atu ngā uri ki ētahi atu ahurea me ētahi atu reo. Nō nā tata tonu nei rātou i haere ai ki Rarotonga, ā, i whakapūmau tēnei i ngā tātai whakapapa me te whai pānga nui o te moutere ki a Ngāi Māori. He ngana ngā uri ki te ako.

E tino tautokona ana te eke angitu o ngā uri i roto i te reo matatini, te pāngarau, me te hangarau mōhiohio. Ka whakaemihia, ka tātarihia hoki ngā mōhiohio e pā ana ki ngā paetae o Ngā Whanaketanga Rumaki Māori, ā, ka pūrongotia ki te poari. E eke ana te nuinga o ngā uri ki tua atu i ngā whanaketanga ā-motu. Kua whakatakotohia ētahi taumata anō hei kōkiri i te ahu whakamua o ngā uri kāhore anō i tēnei wā kia whakatutukihia ngā whanaketanga ā-motu. Kua whai wāhi atu ngā kaiako ki te whānuitanga o ngā tūmomo whakawhanaketanga ngaio hei whakapiki ake i tō rātou māramatanga ki ngā aromatawai, te whakatau i ngā whakaritenga whānui a te kaiako, me te aroturuki i te ahu whakamua a ngā uri. E wātea ana ki ngā uri te hangarau mōhiohio hei tūmomo huarahi ka whakatairanga ake anō i tā rātou ako. He ākonga tūmāia ngā uri.

3 Te Ārahitanga

E noho ngākau nui ana te poari me te whānau, mō te kura me tōna paetawhiti. Ki tā te whānau titiro, ā tōna wā ka tū ngā uri hei rangatira mō te iwi, ā, hei kaitiaki hoki o ngā hītori me te reo tuku iho o te iwi. E āwangawanga tonu ana te poari me te whānau mō te rōnaki tonutanga o te kura, nā te tokoiti o ngā tamariki ki te rārangi ingoa. Kua whakapeto ngoi te poari – mā te tautoko hoki o te whānau – ki te whakamātau i ngā tūmomo rautaki kia tahuri ai ngā whānau o te hapori ki te kura. Ka tino tautoko ngā kuia me ngā kaumātua i te kura. He mea nui, kia hāpai tonu Ngā Kura ā-Iwi i te kura, ki te whakapiki ake i te āheinga o te poari ki te whakatutuki i ō rātou tūranga me ā rātou kawenga.

Kua āta tautokona te tumuaki e Ngā Kura ā-Iwi, ki te āta whakahaere mārika i te whakaako me te ārahi i te kura. He pakari te tukanga arohaehae, ā, e tika ana kia whai wāhi ngā taunakitanga matua o ngā whakapaitanga ki te aroturuki a te poari i te āhua o ngā mahi a te tumuaki. 

4 Te Aromātai o roto

Nō nā tata tonu te poari, te whānau, me te hapori i arotake ai i te āhua mahi o te kura, i runga i ngā tohu hukihuki a Ngā Kura ā-Iwi o Aotearoa. I ngākau nui te whānau ki ngā putanga i hāngai anō hoki ki tā rātou i whakapae ai, arā, ko te whai hua ngā uri nā te hōhonutanga o te marautanga. I tāutu te aromātai o roto a te poari, te whānau, me te hapori:

  • kei te mōhio ngā uri ki ngā mahi i te marae, ahakoa he aha te kaupapa
  • i ia tau, kei te tū takitahi ake, kei te pakari ake hoki ia uri
  • kei te tino mātau ngā uri ki tō rātou tuakiri ahurea
  • kei te whakatinana ngā uri i ngā uaratanga ā-whānau o te manaakitanga, te whanaungatanga, te āwhinatanga, me te aroha, ā, kua āta whakatōngia aua uaratanga ki te marautanga
  • e whai pūtake ana te whai wāhi nui o ngā uri ki te whānau me te iwi, mā te uru atu i ia te wā ki ngā huihuinga i te marae me te hapori
  • he tino mātau ngā uri ki te reo me ngā tikanga o Ngāi Tai.

Kua tāutuhia e te whānau ētahi whakaritenga matua ka whai ake, nā runga i te aromātai o roto, ā, kua whakawhanakehia tētahi mahere mahi hei whakatutuki i aua kaupapa.

He pakari ngā tukanga e pā ana ki te hauora me te haumaru. Ka āta whakarite te poari me te whānau i te tuhinga, te whakatinanatanga, me te arotakenga o ngā tukanga me ngā pūnaha i ia te wā.

Ngā wāhanga i te tāutuhia ai e te kura hei whakawhanake ake

Kua tāutuhia e te poari me te whānau ngā wāhanga e whai ake nei, hei wāhanga matua ki te whakawhanake, arā, ko te:

  • whakapiki ake i te rārangi ingoa o te kura
  • whakaoti i te whakawhanaketanga o tētahi marau ā-kura, me te whakawhanaketanga anō hoki o ngā taumata ā-iwi o Ngāi Tai
  • whakapai ake i te mahere ako ā-tau, me te āta whakarite i te whai pānga o ngā hōtaka ki ngā matea o ngā uri
  • tautoko i te tumuaki ki te whakapai ake i te pūrongo paetae ki te poari.

5 Te Whakatau a Te Poumarumaru ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a Te Poumarumaru mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a Te Poumarumaru
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā pouako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

6 Ngā Taunakitanga

E taunaki ana Te Tari Arotake Mātauranga kia toro atu tonu te poari ki te tautoko e tika ana ki te whakatutuki i ngā wāhanga matua i tāutuhia ai ki tēnei pūrongo, hei whakapai ake.

Te Whakarāpopototanga

E tū ana Te Kura o Torere ki Whangaparāoa, e pā tata atu ana i Ōpōtiki. He hononga ā-whakapapa tō ngā tamariki katoa ki a Tōrere me Ngāi Tai. He iti te kura, ā, he ātaahua te āta whakatakotoranga o tōna taiao ako. Ka tūmāia ngā uri ki te whakatau i ā rātou ake whakaritenga, me te whai wāhi nui hoki ki tō rātou hapori.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Kura o Torere i roto i ngā tau e toru.

Lynda Pura-Watson

Kaiurungi Whakaturuki Arotake Māori

30 Kohitātea, 2017

Ngā Kōrero e pā ana ki te kura 

Te tūwāhi

Kei Torere, ki Ōpōtiki

Te tau a te Tāhuhu o te Mātauranga

1645

Te tūmomo kura

He kura tuatahi (Tau 1-8)

Te tokomaha o ngā ākonga o te kura

13

Te ira tangata

Kōtiro 8

Tama tāne 5

Ngā hononga ā-iwi

Māori

100%

Ngā āhuatanga motuhake

He Kura ā-Iwi

Te wā i te kura te rōpū arotake

1 Whiringa-ā-rangi 2016

Te rā o tēnei pūrongo

30 Kohitātea, 2017

Ngā pūrongo o mua a Te Tari Arotake Mātauranga

Arotake Paetawhiti

Arotake Mātauranga

Arotake Mātauranga

Here-turi-kōkā 2013

Pipiri 2012

Kohi-tātea 2008

Findings

Te Kura o Torere is on the East Cape near Opotiki. All of the children have whakapapa links to Torere and Ngai Tai. The kura roll is small and it is an attractive and well-presented learning environment. Uri are confident, decision makers who contribute to their community.

The next ERO review of Te Kura o Torere will be in three years. 

1 Context

He iti taku iti, he iti kopara, pioi ana te tihi o te kahikatea”.

Te Kura o Torere is a small school on the East Cape highway just beyond Opotiki. Ngai Tai are descendants of Hoturoa’s daughter Torere who came ashore from the Tainui waka on its journey along the coast from Whangaparaoa. All uri at the kura have whakapapa links to Torere and Ngai Tai.

The kura proverb reflects the small size of Ngai Tai and its ability to influence people and change on a national stage. The iwi has applied this saying to the kura to describe its size and the strengths of the uri.

In 2013, ERO highlighted a number of areas for development to improve outcomes for uri. Most of these have been met by the whānau.

2 Uri Outcomes

How well do uri show they are autonomous, confident, influential, intelligent, decision makers who contribute to their community?

Uri show that they are autonomous, confident, decision makers, who contribute to their whānau and iwi.

Uri show that they are proud to be Ngai Tai. They know where they are from and who they connect to. They understand their tūrangawaewae well. Uri are familiar with places of significance to the iwi and the specific tikanga of Ngai Tai. They learn about other iwi and the historical relationships that include Ngai Tai. Uri know about their links to Tainui and about the stories that are relevant to whakapapa. Uri confidently recite and perform their pepeha, whakapapa and waiata tawhito of Torere.

Uri reflect the core values of the kura and iwi as they participate in the life of the kura and the marae. Uri know the importance of manaakitanga and the high standards required when caring for visitors. They value and practise positive and respectful relationships with each other, their whānau, kaiako, kaumātua and the community. Uri are confident learners. “Kia korowaitia ā tātou mokopuna ki te korowaitanga o Ngāi Tai.” Uri are confident participants on the marae and in the wider world.

Uri communicate confidently in te reo Māori and use language expressions that are particular to Ngai Tai. Whānau view uri as the future repositories of language for the iwi. They have invested in providing a total immersion environment for uri. Kaiako are good role models and have high expectations that uri will speak te reo Māori at all times. Tuakana model language for teina in both formal and informal settings. Uri understand the importance of te reo Māori to their people.

Uri experience rich learning experiences that reinforce their sense of identity and belonging. They learn to work with and care for the environment. Kaumātua and kuia share their knowledge about maara kai. Uri learn traditional ways to cultivate the land, grow and store food. They understand the importance of sharing kai with the community. Uri have experienced other cultures and languages. A recent trip to Rarotonga reinforced whakapapa links and the significance of the island to Māori. Uri are engaged in learning.

Uri achievements in literacy, numeracy and the information communication technologies (ICT) is well supported. Information about achievement in Ngā Whānaketanga Rūmaki Māori (NWRM) is collated, analysed and reported to the board. Most uri are achieving above the national standards. There are targets to accelerate the progress of uri who do not currently meet the national standards. Kaiako have participated in extensive professional development to increase their understanding of assessments, forming overall teacher judgments and monitoring the progress of uri. Uri have access to ICT as a tool to enhance their learning. Uri are confident learners.

3 Leadership

The board and whānau are passionate about the kura and its long term future. Uri are viewed by the whānau as future leaders for the iwi and kaitiaki of iwi specific history and reo. The board and whānau continue to have concerns about the ongoing viability of the kura as the roll is very low. The board, with the support of whānau, have been tireless in trialling strategies to attract local whānau to the kura. Kuia and kaumātua are strong supporters of the kura. Ongoing support from Ngā Kura ā Iwi to increase the capability of the board of trustees to fulfil their roles and responsibilities is important.

The principal has received good support from Ngā Kura ā Iwi to purposefully manage teaching and leadership of the kura. The appraisal process is rigorous and key recommendations for improvement must be included in the board’s monitoring of performance of the principal.

4 Internal evaluation

The board, whānau and community recently reviewed the kura performance, in relation to the draft indicators for Ngā Kura ā Iwi o Aotearoa. The results were very satisfying for the whānau and supported their judgements that uri were benefitting from a rich curriculum. The internal evaluation by the board, whānau and community identified that uri:

  • know what to do in any given situation at the marae
  • become more independent and self-assured each year
  • are well versed in their cultural identity
  • practice whānau values of manaakitanga, whanaungatanga, āwhinatanga and aroha that are well embedded in the curriculum
  • make a meaningful contribution to whānau and iwi by consistent engagement at the marae and community events
  • are very conversant with the language and tikanga of Ngai Tai.

The whānau identified some important next steps from the internal evaluation and have developed an action plan to address these matters.

Health and safety procedures are sound. The board and whānau ensure that processes and systems are well-documented, implemented and reviewed regularly.

Kura-identified areas of development

The board and whānau have identified that the following areas of development are a priority:

  • to increase the school roll
  • complete the development of the Marau ā kura including the development of Ngai Tai Iwi standards
  • improve annual planning for learning and ensure that programmes are relevant to the needs of uri
  • support the principal to improve reporting of achievement to the board.

5 Te Poumarumaru assurance on legal requirements

Before the review, the board of trustees and principal completed the Te Poumarumaru Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • Te Poumarumaru administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

6 Recommendation

ERO recommends that the board continue to seek support to address the key areas for improvement identified in this report.

Conclusion

Te Kura o Torere is on the East Cape near Opotiki. All of the children have whakapapa links to Torere and Ngai Tai. The kura roll is small and it is an attractive and well-presented learning environment. Uri are confident, decision makers who contribute to their community. 

When is ERO likely to review the kura again?

The next ERO review of Te Kura o Torere will be in three years.

Lynda Pura-Watson

Deputy Chief Review Officer Māori

30 January 2017 

Information about the Kura 

Location

Torere, Opotiki

Ministry of Education profile number

1645

Kōhanga Reo Identification Number

Full Primary (Years 1-8)

Licence type

13

Licensed under

Girls 8

Boys 5

Number licensed for

Māori

100%

Kōhanga Reo roll

Kura ā iwi

Review team on site

1 November 2016

Date of this report

30 January 2017

Most recent ERO report(s)

Arotake Paetawhiti

Education Review

Education Review

August 2013

June 2012

January 2008