1 He Kupu Arataki
Kua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. E hāngai ana tēnei pūrongo ki ā rātou pūnaha, ki ā rātou whakaritenga, me ā rātou mahi whakahaere. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
2 Te Horopaki
E tū ana Te Kura o Waharoa ki te hapori o Waharoa, e pā tata atu ana i Matamata. E whakarato ana te kura i te mātauranga kaupapa Māori, ā, kua hono atu ki Ngā Kura ā Iwi. Kei ngā tau 1 ki te 8 ngā uri katoa o te kura nei, ā, nō Ngāti Hauā rātou. Whai muri mai i te pūrongo arotake a Te Tari Arotake Mātauranga i te Here-turi-kōkā o te tau 2018, kua whakatūngia tētahi atu tumuaki. E tohu ana te waharoa o te kura, i ngā tīpuna rangatira e whakatinana ana i ngā wawata mō ngā uri.
3 Te Aronga o te Aromātai
He pēhea rawa te eke angitu a ngā uri i roto i te Pāngarau me te Reo Matatini, hei uri o Ngāti Hauā?
He pakari te Ngāti Hauātanga puta noa i te kura. Kei te eke angitu te nuinga o ngā uri i roto i te pāngarau me te reo matatini.
4 Ngā Whakaaturanga
E aro nui ana te marau ki ngā matea, ngā pūmanawa, me ngā ngākau nuitanga o ngā uri. Ko te pūkete manu tāiko me ngā pūrongo ki te whānau mō ngā uri, e hono ana ki ngā pūkenga, ngā mātauranga, me ngā pūmanawa o ngā tīpuna o Ngāti Hauā. Ka hāngai pū ngā hōtaka ā-akomanga ki a Ngāti Hauā. He pakari ngā uri ki te whai wāhi atu me te ārahi i ngā karakia, ngā mōteatea, me ngā waiata o Ngāti Hauā. E mōhio ana, e whakamana ana hoki ngā uri i ō rātou hononga ki a Ngāti Hauā.
E whakawhanake ana te pakari o ngā uri ki te kōrero i te reo Māori. Kua whakapau kaha ki te whakapakari i ngā pūkenga reo Māori i te kura. Ka noho mātua rā te reo ā-waha, hei tūāpapa mō te ako angitu. Ka whakawhiti kōrero, ka whakamihi, ka patapatai, ka āta whakautu kōrero ngā uri, mā te reo Māori.
Kua tino whakapai ake i ngā whakaritenga aromatawai, ā, e whakamōhio ana i ngā whakaakoranga me ngā akoranga. Ko te aronga nahanaha ki te whakatairanga ake i ngā paetae a ngā uri, i wāhi atu ki te ahu whakamua nui o ngā hōtuku ā-kura mō te reo matatini me te pāngarau, i roto i te roanga o te wā. Tata ki te katoa o ngā uri e eke ana ki ngā taumata e tūmanakohia ana, ki tua atu rānei. He mahere ako tā tēnā me tēnā o ngā uri e tika ana kia āta tautoko ake, hei whakatere i tā rātou ako me tā rātou ahu whakamua.
Ka ako ngā uri, ā, ka rongo hoki i te angitu ki tētahi taiao ako e poipoi ana i a rātou. Kua pou herea ngā hononga ki te whakaute me te manaaki mō ētahi atu. Ka whakahoahoa ngā uri, ā, he ngākau titikaha hoki ō rātou ki te taunekeneke ki ētahi atu.
Te Ārahitanga me te Arotake Whaiaro
Ko te whakawhanaketanga torowhānui o ngā uri kei te pūtake o ngā whakataunga a Te Poumarumaru. Kei Te Poumarumaru ngā whānau tautōhito me ngā whānau hou, ā, kei te waia haere rātou ki ō rātou tūranga me ā rātou kawenga. Ka toro atu ngā kaiārahi ki Te Whakarōpūtanga Kaitiaki Kura o Aotearoa me Ngā Kura ā Iwi, mō te tautoko me ngā whakangungu e pā ana ki te kāwana kura. Kua tuituia te Ngāti Hauātanga ki ngā tuhinga ārahi katoa. He matawhānui ngā mahere rautaki, ā, ka hāngai ki te waharoa e whakaatu ana i ngā kōrero tuku iho e whai pānga ai ki te tirohanga a te kura. Ko te Ngāti Hauātanga me ō rātou wawata mō ngā uri katoa, e whai wāhi matua ana ki ngā whakataunga.
I ngā wā e tika ana, ka whiwhi Te Poumarumaru i ngā mōhiohio tino mārama mō te ahu whakamua me ngā paetae e pā ana ki te pāngarau me te reo matatini. Ka arotahi te mahere rautaki me te mahere ā-tau ki te whiwhinga o te hiranga a ngā uri katoa i roto i te pāngarau me te reo matatini. Ka whai wāhi ki tēnei, ko te nui o ngā tūmanako kia tautokona, kia aroturukitia te ahu whakamua o ngā uri e tika ana kia whakaterea tā rātou ako. He matawhānui te aromātai o roto, tae atu ki te pakirehua i te whai huatanga o te marau me ngā whakaakoranga ki te whakatairanga i te angitu a ngā uri mā ngā tohu a Ngā Kura ā Iwi. Ko te whakamahinga o tētahi pūnaha rama huarahi e whakarato ana i ngā mōhiohio whakapoto ki te whānau, ā, ka kapi i tēnā o te marau ā-kura e whai hua ana, i ngā wāhanga hoki hei whakawhanake ake, ā, i tēnā hei aronga matua hei tautoko ake i te angitu o ngā uri.
I aro nui, i urutau hoki Te Poumarumaru ki ngā wero i pā mai i te wā o te mate urutā o te KOWHEORI. I tuku wawe i ngā rawa atawhai me ngā kai. I ū tonu te ako mā te hanumitanga o ngā whakaritenga whakaako, whakaritenga ako hoki. Ko te haere tonutanga o te tautoko i te wā o te KOWHEORI i whakapakari ake i te hononga o te kura ki te hapori. Nā ngā whakahouanga ki ngā whare, ngā papa, me ngā kākahu kura, kua whakatō ake i te manawa whakahī hou o roto i a Ngāti Hauā.
Nā te whai huatanga o te ārahi, kua pupū ake te ahurea o te manawa whakahī me te ngaio. Kua whakawhanakehia e te tumuaki ngā pūnaha whai hua mō te whakatinanatanga o te marau, me te aromatawai i te ahu whakamua me ngā paetae o ngā uri i roto i te tukuihotanga, te pāngarau, me te reo matatini. Ka whai mōhiohio ngā whakataunga, he mahi ngātahi hoki, ā, ka aro nui ki ngā matea o ngā uri me ngā wawata o te hapū. Ka whakaemihia ngā kōrero a ngā whānau me ngā uri, ā, ka whakanuia ō rātou whakaaro, ka whai wāhi nui ki ngā whakataunga i āta whakaarohia ai.
E hāpai ana te pakari o ngā pātuitanga ngaio i te kawe titikaha a te tumuaki i tōna tūranga ārahi. Kua whakatakotohia ngā mahere tauatanga, hei whakatutuki i te whāinga kia whakaakona a Ngāti Hauā e Ngāti Hauā. Ka aro atu, ka tautoko hoki te huringa ako ngaio ā-tau i te whakawhanaketanga o ia kaimahi.
Kua whai hua ngā kaiārahi me ngā kaimahi nā te tae atu ki ngā wānanga a Ngā Kura ā Iwi, me te toro atu ki ngā kura pakari. Nā aua tūāhuatanga, kua panoni ngā taiao akomanga me ngā wheako ako, kia hāngai ake ai ēnā ki te eke angitu o ngā uri. Ka kitea te manawa whakahī, te ngākau titikaha hoki o ngā ākonga hei uri o Ngāti Hauā.
Ngā Whakaritenga Matua ka whai ake
I tautuhia e ngā kaiārahi ngā wāhanga e whai ake nei, hei whakawhanake. E tautoko ana te aromātai a Te Tari Arotake Mātauranga i aua wāhanga, hei whakaritenga matua e tika ana kia whai ake mō te whakapaitanga.
E ahu whakamua ana ngā kaiako ki te whakapakari ake i te tū takitahi o te uri, hei ākonga e kōkiri ana i a ia anō. Ka whai pānga ki tēnā, ko te whakapai ake i te reo matihiko, me te whakamahinga o ngā tūmomo taputapu ako ā-ipurangi whānui, hei whakatairanga, hei hāpai hoki i te ako. I tēnei wā, kei te tīmata ngā kaiako ki te waihanga i te taiao ako e whakamārama ake ai ki ngā uri ngā whakaraupapatanga ako ka whāia ake e rātou, me te āhua hoki o tā rātou whakatutuki haere i aua akoranga.
Me whakapakari ake i te kāwana i te kura. I tēnei wā, e rua ngā tūranga poumarumaru e wātea ana. Kei te kimi mātātoa tonu ngā kaiārahi i te whai wāhi mai a ngā whānau ki ngā whakataunga.
5 Te Whakatau ki ngā Wāhanga Tautukunga
I te wā o te aromātai, i tirohia e Te Tari Arotake Mātauranga ngā pūnaha mō te whakahaeretanga o ngā wāhanga e whai ake nei:
-
te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
-
te haumaru ā-tinana o ngā ākonga
-
te rēhitatanga o ngā kaiako
-
ngā tukanga ki te whakatū kaimahi
-
te whakaunu, te aukati, te pana me te whakarerenga
-
te tae ā-tinana atu a ngā ākonga ki te kura
-
ngā kaupapa here o te kura, me te whakatutukitanga o ērā i ngā tikanga e pā ana ki te Children’s Act 2014.
6 Te Taunakitanga
I whakawhanakehia e Te Tari Arotake Mātauranga me Te Poumarumaru o te kura ngā taunakitanga e whai ake nei, arā, kia:
-
whakamahi tonu ngā kaiārahi me ngā kaiako i ngā whakaritenga aromātai o roto i whakatakoto kētia ai, ā, e whai hua ana hoki, hei āta whakatau i te whai huatanga o ngā rautaki i whakaritea ai ki te tautoko i te uri hei ākonga ka kōkiri i a ia anō
-
whakatupu tonu i ngā mōhiotanga me ngā māramatanga o ngā poumarumaru ki ō rātou tūranga me ā rātou kawenga.
Darcy Te Hau
Toka ā Nuku
Te Uepū-a-Motu – Māori Services
24 Whiringa ā-rangi, 2022
7 Ngā kōrero e pā ana ki te Kura
|
Te tūwāhi
|
Kei Matamata
|
|
Te tau a te Tāhuhu o te Mātauranga
|
2047
|
|
Te tūmomo kura
|
He kura tuatahi (Tau 1 – 8)
|
|
Te tokomaha o ngā ākonga o te kura
|
25
|
|
Ngā hononga ā-iwi
|
Māori 25
|
|
Ngā āhuatanga motuhake
|
Ngā Kura ā Iwi
|
|
Te wā i te kura te rōpū arotake
|
Mahuru 2022
|
|
Te wā o tēnei pūrongo
|
24 Whiringa ā-rangi, 2022
|
|
Ngā pūrongo o mua a
Te Tari Arotake Mātauranga
|
Arotake Mātauranga, Here-turi-kōkā 2018; Arotake Mātauranga, Poutū-te-rangi 2015; Arotake Tāpiri,
Hui-tanguru 2014
|
1 Introduction
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. This report reflects their systems, operations and management practices. ERO reports provide important information for whānau, hapū and iwi.
2 Context
Te Kura o Waharoa is in the Waharoa settlement, near Matamata. The kura provides kaupapa Māori education and is affiliated to Ngā Kura ā Iwi (NKAI). All uri in this kura are aged between Years 1 to 8 and affiliate to Ngāti Hauā. There has been a change of principal since ERO’s August 2018 review report. The waharoa at the front of the kura depicts key tipuna who epitomise the aspirations for uri.
3 Evaluation Focus
How well do uri achieve success in Numeracy and Literacy as Ngāti Hauā?
Ngāti Hauātanga throughout the kura is strong. Most uri are achieving well in numeracy and literacy.
4 Findings
The curriculum is responsive to uri needs, strengths and interests. The graduate profile and uri reports to whānau are linked to the skills, knowledge and attributes of Ngāti Hauā tipuna. Classroom programmes are Ngāti Hauā centric. Uri confidently participate in and lead Ngāti Hauā karakia, mōteatea and waiata. Uri know and value their connections to Ngāti Haua. Uri are developing as confident speakers of te reo Māori. There has been a concerted approach to build capability in te reo Māori within the kura. Te reo a waha is prioritised as the foundation for learning success. Uri converse, praise, question and respond freely in te reo Māori.
Significant improvement to assessment practices informs teaching and learning. The deliberate approach to raising uri achievement has led to measurable progress in kura wide literacy and numeracy data over time. Almost all uri achieve at or above expected levels. Uri requiring additional support to succeed have individualised plans to accelerate their learning and progress.
Uri learn and experience success in a nurturing learning environment. Relationships are underpinned by respect and care for others. Uri are friendly and confident when interacting with others.
Leadership and Self Review
Uri’ holistic development is at the forefront of poumarumaru decision making. The poumarumaru is made up of experienced and new whānau, who are becoming familiar with their roles and responsibilities. Leadership engage with the New Zealand School Trustees Association (NZSTA) and NKAI for governance support and training. Ngāti Hauātanga is woven throughout all guiding documentation. Comprehensive strategic planning aligns to the waharoa that depicts the historical stories that link to the kura vision. Ngāti Hauātanga and their aspirations for all uri, are an integral part of decision making.
The poumarumaru receive timely, clear and understandable progress and achievement information in numeracy and literacy. The māhere rautaki, strategic and annual plan, focus on achieving excellence in literacy and numeracy for all uri. This includes high expectations for supporting and monitoring the progress of those uri who need their learning accelerated. Internal evaluation is thorough, it includes inquiry in to how well the curriculum and teaching promotes uri success against the NKAI indicators. The use of a traffic light system provides whānau with succinct information. Including what is working well with the marau ā kura, where further development is required and what needs prioritising to support uri success.
The poumarumaru were highly responsive and adaptive to the challenges the COVID pandemic presented. Care and kai packs were quickly distributed. Continuity of learning was achieved through hybrid teaching and learning practices. Ongoing support during COVID strengthened the kura relationship with the community. Improvements to the buildings, grounds and uniforms have engendered a new sense of pride within Ngāti Hauā.
Effective leadership has led to a culture of pride and professionalism. The tumuaki has developed efficient systems for the implementing the curriculum and assessing uri progress and achievement in culturalcy, numeracy and literacy. Decision making is well informed, collaborative, and responsive to uri needs and hapū aspirations. Whānau and uri voice is collated and their views are valued and contribute to considered decision making.
Strong professional networks support the tumuaki to carry out her leadership role with confidence. Succession planning is in place to achieve the goal of Ngāti Haua being educated by Ngāti Haua. The annual Professional Learning Cycle responds to and supports individual kaimahi development.
Leaders and staff have benefitted from attendance at NKAI wānanga and from visiting high performing kura. As a result, classroom environments and learning experiences have been adapted to be more conducive to uri success. Uri show pride and confidence as Ngāti Hauā.
Key Next Steps
Leaders identified the following as areas of development. ERO’s evaluation agrees with these as pertinent next steps for improvement.
Kaiako are working towards building more independence in uri as self-determined learners. Including improving digital literacy and the use of a range of e-learning tools to promote and support learning. Kaiako are in the early stages of creating a learning environment where uri have more clarity for their next steps for learning and how they are achieving this.
Governance requires strengthening. There are currently two poumarumaru vacancies. Leaders continue to actively seek whānau involvement in decision making.
5 Assurance on Legal Requirements
During the evaluation, ERO checked at the following areas:
-
emotional safety of students (including prevention of bullying and sexual harassment)
-
physical safety of students
-
teacher registration
-
processes for appointing staff
-
stand-downs, suspensions, expulsions, and exclusions
-
attendance
-
school policies in relation to meeting the requirements of the Children’s Act 2014
6 Recommendation
ERO and the kura board developed the following recommendations:
-
leaders and kaiako continue to use the effective internal evaluation practices, in place, to know how well the planned strategies support uri as self-determined learners
-
continue to grow poumarumaru knowledge and understanding of their roles and responsibilities.
Darcy Te Hau
Toka-ā-Nuku – Director
Te Uepū ā-Motu – Māori Review Services
24 November 2022
7 Information about the Kura
|
Location
|
Matamata
|
|
Ministry of Education profile number
|
2047
|
|
Kura type
|
Full Primary (Years 1-8)
|
|
Kura roll
|
25
|
|
Ethnic composition
|
Māori 25
|
|
Special features
|
Ngā Kura-ā-Iwi
|
|
Review team on site
|
September 2022
|
|
Date of this report
|
24 November 2022
|
|
Most recent ERO report(s)
|
Education Review, August 2018; Education Review, March 2015; Supplementary Review, February 2014
|