Te Wharekura o Arowhenua - 24/09/2015

Ngā Whakaaturanga

E tū ana Te Wharekura o Arowhenua ki Waihōpai. Koia nei anake te Kura Kaupapa Māori o Te Aho Matua ki Murihiku. E tautokona ana ngā ākonga kia ū pūmau rātou ki ngā tikanga Māori, ā, kia eke angitu hoki rātou i runga i ngā ara umanga e whāia ana e rātou. Ko te kounga o te arotake whaiaro me te kaha hoki o te ārahitanga e hāpai ana i ngā ākonga ki te whakatinana i ō rātou pūmanawa.

Tērā ka whakahaeretia e Te Tari Arotake Mātauranga te arotake whai muri o Te Wharekura o Arowhenua, i roto i ngā tau e toru, arā, he arotake Te Rākeitanga.

Te Wharekura o Arowhenua is located in Invercargill. It is the only Te Aho Matua Kura Kaupapa Māori in Southland. Students are supported to upold tikanga Māori and to be high achievers in learning pathways they pursue. Quality internal review and strong leadership supports students to realise their potential.

The next ERO review of Te Wharekura o Arowhenua will be in three years – Te Rākeitanga – Expansive Evaluation.

1. Te Horopaki

Ko Te Wharekura o Arowhenua te kura kaupapa Māori Te Aho Matua anake o Murihiku. Kua whakapau kaha te whānau o te kura ki te whakarite me te whakapūmau i ngā uaratanga matua, ngā whakapono, me ngā tikanga o te ao Māori e pou herea ana e ngā mātāpono o Te Aho Matua. Nō Te Ika ā Māui te nuinga o ngā ākonga o tēnei kura. Kāhore te nuinga o te hapori nei e kōrero ana i te reo Māori.

2. Te Tino Uaratanga

He pēhea rawa te tautoko i ngā ākonga ki te eke angitu i a rātou e whai ana i ō rātou huarahi ako?

E tino tautokona ana ngā ākonga kia eke angitu i a rātou e whai ana i ngā huarahi ako i whiriwhirihia ai e rātou.

Te Ira Tangata

Ka poipoia ngā ākonga ki tētahi taiao e whakatakoto ana i ngā uaratanga Māori me ngā whakapono hei tūāpapa mō ngā akoranga. E mōhio ana, e whakaatu ana hoki ngā ākonga i ngā uaratanga Māori matua, tae atu ki te whanaungatanga, te manaakitanga, me te aroha. He nui ngā tūmanako o ngā kaiako mō ngā ākonga, kia riro i a rātou ā rātou tino whāinga ako. Whakaaro huritao ai rātou i ia te wā, hei whakarerekē haere i ngā hōtaka akoranga o ngā ākonga, ā, hei kōkiri hoki i ngā wheako akoranga e whakawhānui ana i ō rātou whakaaro. Ka toro atu ngā kaiako ki ngā ariā me ngā whakaritenga e pā ana ki te whakawhanaketanga o te katoa o te tamaiti, hei hāpai i ngā akoranga a ngā ākonga. He tākare ngā ākonga ki te ako.

Te Reo

He māia te tūhura haere o ngā ākonga i te reo Māori, ā, kei te pakari haere tō rātou āheinga. Ko te whakapakari i te reo Māori tētahi whāinga rautaki o te kura. Ka wheako ngā ākonga i te whānuitanga o ngā tūmomo horopaki o te reo Māori, tae atu ki Ngā Manu Kōrero, te kapa haka, te Wiki Hā, me te wānanga ako. He rerekē te māia, te mātau hoki o ia ākonga, nō reira ka hāpai ngā ākonga pakari i a rātou e ako tonu ana i te reo Māori. Ka hāpai ngā hōtaka akoranga reo ki te tāutu i ngā matea whakawhanaketanga o ia ākonga, me tā rātou ahu whakamua. He whai wāhitanga mō te whānau ki te ako ki te taha o ā rātou tamariki. Ka tohu ngā paetae a te kura, kei te whakarite ngā ākonga i te rere o tā rātou ako, ā, kei te ahu whakamua ngā ākonga o te wharekura nā runga i tā rātou whai i te angitu. Ko te mātau o ngā ākonga ki te reo, e whakapiki haere ana i runga anō i te ako haere a tēnā me tēnā.

Ngā Iwi

Ka tūhono ngā ākonga ki ētahi atu. Ka taunekeneke, ka whai wāhi atu rātou ki ngā tūmomo ratonga, ngā hapū, me ngā manuhiri hoki o tāwāhi, me ētahi atu iwi hoki o te rohe me te motu. Ka hāpai aua wheako i ngā ākonga ki te ako i ō rātou ake whakapapa, me te mārama haere ki te whānuitanga o ngā tūmomo ahurea, te tū manawa whakahī anō hoki nā runga anō i tō rātou tuakiri. Ka kitea ki ngā whakaritenga o ngā akomanga ngā kawa me ngā tikanga o te hapori nei. Ka kitea te maioha o ngā raukura mō tō rātou kura, ā, ka hokihoki mai rātou ki te whakapuaki i ō rātou mōhiotanga. Ka whakamana ngā ākonga i tō rātou aronga toi whenuatanga.

Te Ao

Ka whakanuia e ngā ākonga tō rātou tūnga ki te ao Māori, otirā, ki te ao whānui hoki. Kei ngā mahere ngā whai wāhitanga mō ngā ākonga ki te whakapuaki i ā rātou akoranga e pā ana ki te ao Māori. E āhei ana ngā ākonga ki te whakatewhatewha i ngā pūrākau me ngā āhuatanga whakahirahira e whai pānga nui ana ki tō rātou hapū, me tō rātou iwi. Ko ngā kaupapa ā-tau e hāpai ana i te ako a ngā ākonga i ō rātou tūranga me ā rātou kawenga mahi ki ngā tūmomo horopaki ā-hapori, ā-motu hoki. Nā te hangarau ka whakapā atu ngā ākonga ki te ao whānui, ā, he whai wāhitanga anō hoki ki te tūhura i ētahi atu tūmomo taiao. Ka ū pūmau ngā ākonga ki ngā tikanga Māori i a rātou e ako ana i te ao whānui. Ka kite ngā ākonga i ngā hononga ki waenga i a rātou anō, i tā rātou whai wāhi atu, ā, i te ao hoki.

Āhuatanga Ako

Ka whakaongaongatia ngā ākonga i roto i tētahi taiao e hāngai pū ana ki te ako. Ko ngā hōtaka e whai pānga ana ki te kawe a te ākonga i a ia anō, e tautoko ana i ngā ākonga ki te kōkiri i ā rātou akoranga. Ka ngākau nui ngā ākonga ki te whakapuaki i ō rātou whakaaro, ki te toro atu rānei ki te āwhina o te kaiako. Ka whiwhi ngā kaiako me ngā ākonga i te pai o ngā hononga ki ētahi atu. Ka aro nui ngā hōtaka ki ngā matea ako a ngā ākonga. Nā te tū taratahi o te kura, he tino rauemi ngā hui ataata, hei hāpai i ngā akoranga a ngā ākonga. Ka whakaemi ngā kaiako i te whānuitanga o ngā tūmomo mōhiohio e pā ana ki ngā ākonga. Ka tātarihia, ka whakapuakihia hoki aua mōhiohio ki ngā rōpū akomanga, ā, ka pūrongotia mā te whānau, ngā ākonga, me te poari. Ka whakamahia ngā whakaaro huritao me ngā aromātai a ngā kaiako hei hāpai i ngā mahi a ngā ākonga ki te whakatakoto i ā rātou whāinga me te whakatinana i ō rātou pūmanawa. Ka whakanuia te eke angitu o ngā ākonga. Ka āta whai wāhi nui ngā ākonga ki te ako.

Te Mātauranga ki te Wharekura

Nā te tū taratahi o te wharekura, ka whakapā atu ngā kaiako ki ngā mātanga kei ētahi atu wharekura o Te Aho Matua, ā, ka whakamahi hoki i ngā hui ataata. Ka whakaurua ngā ākonga ki Arowhenua mō ētahi kaupapa, ā, kei ētahi atu wharekura rātou mō ētahi atu o ā rātou kaupapa. Ka kitea ki ngā putanga a Te Taumata Mātauranga ā-Motu kua Taea ngā paetae ākonga mō ngā kaupapa e whakaratohia ana e Arowhenua, e ētahi atu wharekura hoki. He aronga tuitui tēnei hei whakapakari ake i te āheinga o ngā kaiako, ā, hei hāpai tonu i ngā ara umanga a ngā ākonga.

Ngā wāhanga i tāutuhia ai e te kura hei whakawhanake ake

Ko te reo Māori tētahi kaupapa matua, me tētahi whāinga rautaki. E noho pūmau ana te whānau o te kura ki te whakatairanga i te kounga o te reo Māori o ngā kaiako, hei hāpai i te mātau o ngā ākonga. E whakatakoto ana te tumuaki i ētahi rauemi hei whakatutuki i ngā putanga ka whai hua. Ko te mahi ka whai ake, ko te whakatinana i ngā rautaki ka hāpai i te ako me ngā paetae a ngā ākonga.

3. Te Arotake Whaiaro me te Ārahitanga

He pakari te kounga o te arotake whaiaro. Ko ngā mahere rautaki me ngā mahere ā-tau ētahi tino tuhinga matua ka kōkiri i ngā kaupapa matua a te wharekura. Ka hāngai ngā kaupapa here me ngā tukanga ki te wā. Kua whakahoungia anōtia te hanganga o te pūnaha arohaehae a ngā kaimahi, kia hāngai ake ai ki ngā wawata me ngā matea o ngā kaimahi. Arotake ai ngā kaimahi i ā rātou whakaritenga, ā rātou hōtaka, me ngā akoranga a ngā ākonga i ia te wā. Ka mahi ngātahi te whānau o te kura kia ahu whakamua ai te whakapai tonutanga.

Ka whai hua te ārahitanga, ā, ka arotahi ki ngā putanga hua mō ngā ākonga. He hononga ā te tumuaki ki ngā wāhanga matua o tōna hapori, ā, ka whakamanahia ia. Ko te whakamana me te mahi ngātahi e pou here ana i te kawe ngātahi o ngā mahi a ngā kaiako, hei hāpai i te ārahitanga a ngā ākonga, ngā kaimahi me te whānau.

4. Te Whakatau a te Whānau ki ngā Wāhanga Tautukunga

I mua atu i te whakahaerenga o te arotake i whakatutukihia e te poari me te tumuaki he Tauāki Kupu Tūturu a te Whānau mā Te Tari Arotake Mātauranga, me tētahi Rārangi Arowhai Tātari Whaiaro. I roto i ēnei tuhinga i oati rātou i whāia e rātou ngā huarahi whai take hei whakatutuki i ā rātou herenga ā-ture e pā ana ki:

  • ngā whakahaere a te poari
  • te marautanga
  • ngā whakahaere mō te hauora, te haumaru, me te oranga tinana
  • ngā whakahaere o ngā kaimahi
  • ngā whakahaere o te pūtea
  • ngā whakahaere o ngā rawa me ngā taonga.

I te wā o te arotake, i whakamātauhia e Te Tari Arotake Mātauranga ngā āhuatanga i raro iho nei, i te mea he nui te pānga o ēnei ki ngā paetae o ngā ākonga:

  • te haumaru aronganui o ngā ākonga (tāpiri atu ki te ārai i ngā mahi whakawetiweti me ngā mahi whakaaito)
  • te haumaru ā-tinana o ngā ākonga
  • te rēhitatanga o ngā kaiako
  • ngā tukanga ki te whakatū kaimahi
  • te whakaunu, te aukati, te pana me te whakarerenga
  • te tae ā-tinana atu a ngā ākonga ki te kura.

Te Whakarāpopototanga

E tū ana Te Wharekura o Arowhenua ki Waihōpai. Koia nei anake te Kura Kaupapa Māori o Te Aho Matua ki Murihiku. E tautokona ana ngā ākonga kia ū pūmau rātou ki ngā tikanga Māori, ā, kia eke angitu hoki rātou i runga i ngā ara umanga e whāia ana e rātou. Ko te kounga o te arotake whaiaro me te kaha hoki o te ārahitanga e hāpai ana i ngā ākonga ki te whakatinana i ō rātou pūmanawa.

Hei ā hea Te Tari Arotake Mātauranga arotake anō ai i te kura?

Tērā ka whakahaeretia e Te Tari Arotake Mātauranga te arotake whai muri o Te Wharekura o Arowhenua, i roto i ngā tau e toru, arā, he arotake Te Rākeitanga.

Lynda Pura-Watson,

Kaiurungi Whakaturuki Arotake Māori,

24 Mahuru, 2015

Ngā Kōrero e pā ana ki te kura

Te tūwāhi

Kei Waihōpai

Te tau a te Tāhuhu o te Mātauranga

4217

Te tūmomo kura

He kura hiato (Tau 1 ki te 13)

Te tokomaha o ngā ākonga o te kura

140

Te ira tangata

Kōtiro 75

Tama tāne 65

Ngā hononga ā-iwi

Māori

100%

Ngā āhuatanga motuhake

Te Aho Matua

Te wā i te kura te rōpū arotake

1 Here-turi-kōkā 2015

Te rā o tēnei pūrongo

24 Mahuru 2015

Ngā pūrongo o mua a Te Tari Arotake Mātauranga

Arotake Mātauranga Te Aho Matua

Arotake Mātauranga Te Aho Matua

Arotake Tāpiri Te Aho Matua

Pipiri 2009

Pipiri 2006

Haratua 2002

1. Context

Te Wharekura o Arowhenua is the only Te Aho Matua kura kaupapa Māori in Southland. The kura whānau has worked hard to establish and maintain key values, beliefs and tikanga of te ao Māori underpinned by Te Aho Matua principles. Students who attend the kura affiliate to North Island iwi. Most of the local community are non speakers of te reo Māori.

2. Te Tino Uaratanga

How well are students supported to be high achievers as they pursue their learning pathways?

Students are supported to be high achievers in their chosen learning pathways.

Te Ira Tangata

Students are nurtured in an environment where Māori values and beliefs are the foundation for learning. Students know and demonstrate key Māori values including whanaungatanga, manaakitanga and aroha. Kaiako have high expectations of students to attain their specific learning goals. They regularly reflect on how to modify learning programmes for students and initiate learning experiences that extend their thinking. Kaiako use holistic development theories and practices to support student learning. Students are enthusiastic learners.

Te Reo

Students explore te reo Māori with confidence and increasing capability. Strengthening te reo Māori is a strategic goal of the kura. Students experience a range of te reo Māori contexts including Manu Kōrero, kapa haka, Wiki Hā and wānanga ako. Students are at different levels of confidence and competence so more capable students support those still learning te reo Māori. Language learning programmes help to identify the developmental needs of each student and their progression. Whānau have opportunities to learn alongside their children. Kura results show that students learn at their own pace and wharekura students progress in pursuit of higher achievement. Student’s language competency increases along their individual learning continuum.

Ngā Iwi

Students establish relationships with others. They interact and engage with organisations and hapū, visitors from other countries and other iwi regionally and nationally. These experiences support students to learn about their individual whakapapa, understand cultural differences and to be proud of who they are. Classroom practices reflect local kawa and tikanga. Graduates show their appreciation to their kura and return to share their knowledge. Students value their sense of belonging.

Te Ao

Students acknowledge his or her place in the Māori and wider worlds. Planning provides students with opportunities to share their learning about te ao Māori. Students are able to investigate pūrākau and areas of cultural significance to the local hapū and iwi. Annual events support students to learn about their roles and responsibilities in different settings, locally and nationally. Technology gives students access to the wider world and opportunities to explore other environments. Students uphold tikanga Māori as they learn about the wider world. Students see the connections between themselves, their place and the world.

Āhuatanga Ako

Students are stimulated in an environment conducive to learning. Self-management programmes support students to be responsible for their learning. Students willingly share opinions or seek assistance from kaiako. Kaiako and students experience positive relationships with others. Programmes are responsive to students learning needs. As a result of the isolated nature of the kura hui ataata(video conferencing) has also been a valuable tool to support student learning. Kaiako gather a range of information about students. This information is analysed, shared in syndicates and reported to whānau, students and board. Kaiako reflections and evaluations are used to support students to set goals and to realise their potential. Student successes are celebrated. Students are highly engaged in learning

Wharekura Education

Due to the isolated location of the wharekura, kaiako access expertise from other Te Aho Matua wharekura websites and through video conferencing. Students are enrolled at Arowhenua for some subjects and other wharekura for the remaining options. NCEA results show student achievement for subjects provided at Arowhenua and other wharekura. The approach is integral to build kaiako capability and support student pathways.

Kura-identified areas of development

Te reo Māori is a priority and a strategic goal. The kura whānau are committed to raising the quality of kaiako te reo Māori to support student competency. The tumuaki is allocating resources to achieve positive outcomes. The next step is to implement strategies to support student learning and achievement.

3. Self Review and leadership

The quality of internal review is strong. Strategic and annual plans are key documents to progress wharekura priorities. Policies and procedures are current. The staff appraisal system has been restructured to better reflect staff aspirations and needs. Staff regularly review their practices, programmes and student learning. The kura whānau work collectively towards ongoing improvement.

Effective leadership is focused on positive outcomes for students. The tumuaki has links to key areas in her community and she is highly respected. Empowerment and collaboration underpins sharing responsibilities amongst kaiako to support student, kaimahi and whānau leadership.

4. Whānau assurance on legal requirements

Before the review, the board of trustees and principal completed the ERO Whānau Assurance Statement and Self-Audit Checklists. In these documents they attested that they had taken all reasonable steps to meet their legislative obligations related to:

  • board administration
  • curriculum
  • management of health, safety and welfare
  • personnel management
  • financial management
  • asset management.

During the review, ERO checked the following items because they have a potentially high impact on student achievement:

  • emotional safety of students (including prevention of bullying and sexual harassment)
  • physical safety of students
  • teacher registration
  • processes for appointing staff
  • stand-downs, suspensions, expulsions and exclusions
  • attendance.

Conclusion

Te Wharekura o Arowhenua is located in Invercargill. It is the only Te Aho Matua Kura Kaupapa Māori in Southland. Students are supported to upold tikanga Māori and to be high achievers in learning pathways they pursue. Quality internal review and strong leadership supports students to realise their potential.

When is ERO likely to review the kura again?

The next ERO review of Te Wharekura o Arowhenua will be in three years – Te Rākeitanga – Expansive Evaluation.

Lynda Pura-Watson,

Deputy Chief Review Officer Māori,

24 September 2015

Information about the Kura

Location

Invercargill

Ministry of Education profile number

4217

Kura type

Composite Area School (Years 1 - 13)

Kura roll

140

Gender composition

Girls 75

Boys 65

Ethnic composition

Māori

100%

Special features

Te Aho Matua

Review team on site

1 August 2015

Date of this report

24 September 2015

Most recent ERO report(s)

Te Aho Matua Review

Te Aho Matua Review

Supplementary Te Aho Matua

June 2009

June 2006

May 2002