Te Whata Tau o Putauaki - 04/02/2014

1. He Whakamārama

Te Whānuitanga Atu

E aromātai ana te arotake kawenga takohanga i te kounga o te mātauranga e whakawhiwhia ana ki ngā ākonga, me te whakahaere a te poari ki te whakarato i ngā ratonga mātauranga.

Ka tino whai hua ki te poari te pūrongo i te aromātai e whakaatu mai ana i ngā painga ake i ngā akoranga o ngā ākonga, i te wā e whakarato ana te poari i ngā tino mōhiohio e pā ana ki ngā putanga hua ki ngā ākonga. .

Ngā Kōrero e pā ana ki te Kura

Te tūwāhi

Kei Kawerau

Te tau a te Tāhuhu o te Mātauranga

He kura tuatahi (Tau 1 ki te 8)

Te tūmomo kura

651

Ngā āhuatanga motuhake

He kura motuhake, he rumaki reo Māori

Ngā kaiako: mai i te rārangi ingoa ētahi atu te maha o ngā kaiako

6.50 0.25 7.25

Te rārangi ā-kura

94

Ngā hononga ā-iwi

Māori 100%

Te ira tangata

Tama tāne 46 Kōtiro 48

Te wā i te kura te rōpū arotake

Whiringa-ā-nuku 2013

2. He Whakarāpopototanga

E tū ana Te Whata Tau o Pūtauaki ki te pūtake o Pūtauaki, ki Kawerau. He kura motuhake a Te Whata Tau o Pūtauaki, ā, nō te Kohi-tātea o 2012 i whakatuwheratia ai. Ka whakarato i tētahi whiringa o te mātauranga rumaki reo Māori mō ngā tamariki o ngā tau 1 ki te 8, ā, e tino tautokona e ngā iwi o Ngāti Tūwharetoa rāua ko Ngāti Awa.

E tū ana Te Whata Tau o Pūtauaki ki te wāhi i tū kē ai te Kura Tuatahi o Kawerau ki te Raki. I te wā i whakatuwhera ai te kura, kotahi te tumuaki, tokorua ngā kaiako, ā, 46 ngā ākonga. I nāianei, kua whakapiki ake te rārangi ingoa, ā, tokowhitu ngā kaiako. Ka whakanui te ingoa o te kura i te maunga a Pūtauaki. Ka whakamahia ngā hītori me ngā kōrero tuku iho e pā ana ki a Pūtauaki, hei horopaki mō ngā whakaakoranga me ngā akoranga.

Kua mahi nahanaha te poari, te tumuaki, ngā kaimahi, me te whānau ki te whakarite i te kura. Ka arotakengia te tūtohinga me te mahere rawa, kia whai wāhi ai hoki tētahi tono mō te waihanga anō i ngā whare. Kua whakaritea ngā kaupapa here me ngā whakaritenga e tika ana hei ārahi i te poari me ngā kaimahi. Ka tino tautoko mārika te whānau i te mātauranga e whakaratohia ana mā ngā ākonga ki Te Whata Tau o Pūtauaki. Ka noho pūmau te whānau me ngā kaimahi ki ō rātou tūranga, ā, ka whakarato i te atawhai me te mātauranga o te kounga pai mō ngā ākonga.

Ka whakarato te tumuaki i te tino ārahitanga ngaio ki te poari me āna kaimahi. Kua mahi ngātahi ngā kaimahi me te tumuaki ki te whakaputa i tētahi tino anga mātauranga. Ka whakaemihia ngā paetae ākonga mō te reo matatini me te pāngarau. Kua whakamahia aua mōhiohio hei whakatinana i ngā whāinga o te kura whānui.

Ka whakarato ngā kaiako i ngā taiao akoranga āhuru, rarata hoki. I whakahou ake te katoa o aua taiao i te Kohi-tātea o 2012. He nui ngā rauemi i roto i ngā akomanga ātaahua, ā, ka whakaāhuru, ka whakaratarata hoki. Ka whai wāhi ngā kaimahi ki te whānuitanga o ngā tūmomo kaupapa whakawhanaketanga ngaio, ako ngaio anō hoki.

He pai te tūnga o Te Whata Tau o Pūtauaki ki te whakarato i ngā whai wāhitanga ako kia eke angitu ai ngā ākonga.

3. Ngā Whakaaturanga

Te kounga o te mātauranga

Te ārahitanga

Ka whakarato te tumuaki i te tino ārahitanga ngaio mō te poari me āna kaimahi. He nui ōna tūmanako mōna, mō ētahi atu hoki, hei āta whakarite i te whiwhinga a ngā ākonga i ngā whai wāhitanga whakaako, ako hoki o te kounga kairangi. I ngā wā katoa, ka whakanui te tumuaki i te mahi ngātahi a ngā kaitiaki o te poari me ngā kaimahi kia rere pai ai ngā whakahaeretanga i te kura. Ka hāpai, ka whakanui hoki ia i ngā whakatutukitanga a ngā kaimahi.

He kawenga tā ia kaitiaki o te poari ki te ārahi i ngā āhuatanga o te kāwanatanga, ā, ka whai pānga ēnei ki ō rātou pūkenga ake, ō rātou ngākau nuitanga ake hoki. Ka whai hua tā rātou whakatutukitanga i ō rātou tūranga, ā rātou kawenga mahi hoki.

Te whakahaere i te marau

Kua mahi ngātahi ngā kaimahi me te tumuaki ki te whakaputa i tētahi tino angamahi ka ārahi i te marautanga. Kua whakauru rātou i ngā wawata o ngā iwi, ā, e whai hua ana hoki rātou ki te tuitui i aua wawata ki te hōtaka akoranga.

Kua whakaemihia ngā paetae ākonga e pā ana ki te reo matatini me te pāngarau. Ka whakamahia aua mōhiohio hei whakatinana i ngā taumata ki te kura mō ngā paetae ākonga. Ka whakamahia hoki ngā paetae ākonga hei whakawhanake i ngā mahere ako o ia ākonga hei tino hāpai ake. Ka pūrongo te tumuaki i ngā mōhiohio matawhānui e pā ana ki ngā paetae ākonga, mō te poari me te whānau.

Ka whakapuakihia ngā kaupapa ako ā-tau ki ngā mātua. I mahi te whānau ki te taha o ngā kaimahi, ki te waihanga i te tukanga e pā ana ki te pūrongo ki ngā mātua. Hei wāhanga tonu o taua tukanga, ka whai wā anō hoki ngā tamariki ki te kōrero mō ā rātou huarahi ako ki te taha o ō rātou mātua. Ka whakamahi rātou i ā rātou pūkete ako me ngā tauira o ā rātou mahi hei tohu i tā rātou ahunga whakamua, me ngā whakatutukitanga. Kua tino whai hua tēnei mahi. He harikoa ake ngā mātua, ā, he tino harikoa mō te āheinga o ngā ākonga i roto i te reo Māori. Ka whiwhi hoki ngā mātua i ngā pūrongo ōkawa i ngā kaiako, ā, ka whai wāhi atu ki ngā patapatai ki waenga i ngā mātua me ngā kaiako.

Te kounga o te whakaako

Ka whakarato ngā kaiako i ngā taiao akoranga āhuru, rarata hoki. I whakahou ake te katoa o aua taiao i te Kohi-tātea o 2012. He nui ngā rauemi i roto i ngā akomanga ātaahua, ā, ka whakaāhuru, ka whakaratarata hoki. Kua āta whakaritea hoki te rūma hangarau mōhiohio me te whare pukapuka.

He pukumahi ngā kaiako, ā, ka ngākau nui ki ō rātou tūranga. He rōpū pakari, he rōpū mahi, ā, he tirohanga ngaio ngātahi ki ā rātou mahi. He mātātoa tā rātou whai wāhi atu, tā rātou kawenga anō hoki mō te whakawhanaketanga i te marautanga me tō rātou whakawhanaketanga ngaio. E tūmanakohia ana kia whakawhanake rātou i ngā tino whakaaro huritao e pā ana ki ā rātou whakaritenga whakaako. Whakapuakihia ai ō rātou whakaaro huritao ki ētahi atu i ia te wā.

Te kāwanatanga

Ngā tūranga me ngā kawenga mahi i te poari

He kaupapa here ‘kore ohorere’ tā te poari, e whakatairanga ana i te noho mārama o ngā whakawhitinga whakaaro. Nō te Haratua o 2012 te poari i whakatūngia ai.

Kua tautokona e te kaitohutohu kāwanatanga a te Tāhuhu o te Mātauranga te poari hei whakawhanake i tētahi tino māramatanga ki ō rātou tūranga, ā rātou kawenga hoki. Kua ako ngā kaitiaki hou o te poari i ā rātou ake tūranga kāwanatanga. E pou here ana te whanaungatanga i te pai o ngā hononga mahi ki te kura. Kua pai te whakahaeretanga a te poari mō te whānau, ngā kaimahi, me ngā tamariki. He pūkete ā ngā mema, ā, ka whai wāhi nui ki ngā taumahi i te kura. Ka noho maioha ngā kaitiaki o te poari mō te kounga pai o ngā pūrongo a te tumuaki, me ngā mōhiohio hoki o roto e pā ana i ngā paetae ākonga.

Te whakahaeretanga i te pūtea

He pūnaha pakari tā te poari ki te pūrongo i ngā pūtea, ā, e tino whakahaerehia ana tēnei. Kua whakaritea e rātou te tika o te aroturuki, te pūrongo hoki i ngā take pūtea, ā, he mārama ēnei. Kāhore rātou i whakamana te rārangi utu nā ngā papenga o Novopay. Ka haere ēnei ki te Kaitātari Kaute Matua, ā, he mahi anō me ēnei.

Ngā kaupapa here me ngā tukanga

E āta whakahaerehia ana te whakawhanaketanga o ngā kaupapa here. Ka pānui, ka mārama hoki ngā kaitiaki me ngā kaimahi i ngā kaupapa here, hei āhuatanga o te tukanga e pā ana ki te whakawhanaketanga me te whakatūturutanga. Ka whai wāhi te whānau ki te wāhanga whakawhanaketanga o ngā kaupapa here me ngā tukanga, ā, he pai tō rātou māramatanga ki te whakahaeretanga o te kura.

Te whakamahere rautaki me te arotake whaiaro

I ngā wā katoa, ka whai whakaaro nui te poari, te whānau, me ngā kaimahi ki te matea o te kura me ngā ākonga. Ka arotakengia te tūtohinga me te mahere rawa kia whai wāhi ai hoki tētahi tono mō te waihanga anō o ngā whare. Kua tīmata hoki ngā kōrerorero e pā ana ki te whakawhanaketanga o te kura tuarua. E tīmata ana rātou ki te whakaemi i ngā mōhiohio e pā ana ki tēnei tukanga.

Te tūtohinga o te kura

Nō te Pipiri o 2012 te tūtohinga i whakaoti ai, i tukua ai hoki ki te Tāhuhu o te Mātauranga. E hāngai ana tēnei ki te tirohanga mārama o te whānau, ngā wawata o ngā iwi, me te waihanga anō hoki o te marautanga, hei hāpai i ngā akoranga a ngā ākonga. He matawhānui ngā mahere rautaki, ngā mahere ā-tau hoki, ā, he mārama ngā rautaki mō te aroturukitanga. E mōhio ana te poari, kāhore i te rawaka te wā ki te whakarato i tētahi pūrongo e pā ana ki ngā tātaritanga o ngā rerekētanga mō te tau 2012, nā te mea, kāhore he tūtohinga, he whāinga rānei i te tau 2011. He pai te tūnga o te kura ki te whakarato i tētahi pūrongo ā-tau me tētahi tātaritanga o ngā rerekētanga mō te tau 2013.

Te whānau o te kura

Ka tino tautoko te whānau i te mātauranga e whakaratohia ana mā ngā ākonga ki te Whata Tau o Pūtauaki. Ka ngākau nui rātou ki te whai wāhi ki ngā haerenga o te kura, ngā hopuni, me te kohi pūtea mō ngā taputapu e whai pānga ana ki te horopaki o te kura. He mātātoa tā rātou whai wāhi ki te whakawhanake i te marautanga, hei poipoi i ngā huarahi ako o ia ākonga.

Te āhua o ngā mahi a te poari hei kaituku mahi

Ka whai wāhi ngā kaimahi ki te whānuitanga o ngā whai wāhitanga ako ngaio, whakawhanaketanga ngaio hoki e tika ana. Ka haere tonu ngā whakawhanaketanga ngaio e pā ana ki Ngā Whanaketanga Rumaki Māori me te pāngarau. He aronga anō hoki ki te whakapuaki i ngā tūmomo whakapae e pā ana ki ngā paetae ākonga. He rawaka ngā whakaritenga whakaōrite o tēnei wā.

He auaha ngā mahi a te poari ki te whakarite i ngā tohu arohaehae e whai pānga ana ki ngā mātau o ngā kaiako. Ka tuituia hoki ēnei ki ngā whaiaro i tāutuhia ai ki te tuhinga ārahi a te Tāhuhu o te Mātauranga, arā, ki te Tū Rangatira. E takune ana tēnei aronga ki te whakapakari ake i ngā kaiārahi mātauranga Māori. Kua whakaae te poari ki tētahi kaiarohaehae mā te tumuaki, ā, kua oti ngā arohaehae a ngā kaimahi.

4. He Kupu Whakamutunga: Te Whakapae a te Tari Arotake Mātauranga

He pai te tūnga o Te Whata Tau o Pūtauaki ki te whakarato i ngā whai wāhitanga ako kia eke angitu ai ngā ākonga.

Lynda Pura Watson

Kaiwhakahaere ā-Motu mō ngā Ratonga Arotake Māori (Te Uepū ā-Motu)

27 Hui-tanguru 2014

1. Background

Introduction

An accountability review evaluates the quality of education received by students and the performance of the Board of Trustees in providing education services.

Reported evaluation of improvements in student learning will be most useful to a board where the board is able to provide reliable achievement information.

School Profile Information

Location

Kawerau

Type

Full Primary (Year 1-8)

Profile Number

651

Special features

Special Character, Māori Immersion

Teaching staff: Roll generated entitlement Other Number of teachers

6.50

0.25

7.25

Roll number

94

Ethnic composition

Māori 100%

Gender composition

Girls 48

Boys 46

Date Review Team was onsite

October 2013

2. Summary

Te Whata Tau o Pūtauaki is situated at the base of Pūtauaki in Kawerau. Te Whata Tau o Pūtauaki is a special character school which opened in January 2012. It provides an immersion Māori education option for children from Years 1-8, and is strongly supported by Ngāti Tūwharetoa and Ngāti Awa iwi.

Te Whata Tau o Pūtauaki is established on the site previously known as Kawerau North School. The school opened with a principal, two teachers and 46 students. The roll has now increased and there are seven teachers. The school's name acknowledges the mountain, Pūtauaki. The history and stories about Pūtauaki are used as a context for teaching and learning.

The board, principal, staff and the whānau have worked systematically to establish the school. The charter and property plan are to be reviewed to include a proposal for the redesign of the buildings. Policies and appropriate practices are in place to guide the board and staff. Whānau are strong advocates for the education provided to students at Te Whata Tau o Pūtauaki. Whānau and staff are committed to their roles and provide good quality care and education to students.

The principal provides strong professional leadership for both the board and her staff. The staff and principal have worked together to produce a sound curriculum framework. Student achievement information is gathered about literacy and numeracy. This information has been used to inform school wide goals.

Kaiako provide warm and inviting learning environments. These environments were completely refurbished in January 2012. Classrooms are well resourced, attractive, welcoming and warm. Staff participate in a range of appropriate professional learning and development (PLD) opportunities.

Te Whata Tau o Pūtauaki is well positioned to provide learning opportunities for students to be successful.

3. Findings

Quality of Education

Leadership

The principal provides strong professional leadership for both the E-BoT and her staff. The principal consistently acknowledges the collective contribution of board members and staff to the smooth operation of the school. She supports and celebrates staff achievements.

Board members have individual responsibility for leading aspects of governance where they have specific skills or interest. They effectively fulfil their roles and responsibilities.

Curriculum Management

The staff and principal have worked together to produce a sound framework to guide the curriculum. They have included iwi aspirations and are successfully incorporating these into the programme of learning.

Student achievement information has been gathered for literacy and numeracy. This information has been used to inform school targets for student achievement. The achievement information is also used to develop individual learning plans for students requiring additional assistance. The principal reports detailed information about student achievement to the board and the whānau.

Annual teaching topics are shared with parents. The whānau worked with staff to design the reporting process for parents. The process includes time for children to talk about their learning journeys with their parents. They use their learning portfolios and exemplars of their work to illustrate their progress and achievement. This has been highly successful. Parents are more than satisfied, particularly with student's capability in te reo Māori. Parents also receive formal reports from teachers and they participate in parent-teacher interviews.

Quality of Teaching

Kaiako provide warm and inviting learning environments. These environments were completely refurbished in January 2012. Classrooms are well resourced, attractive and welcoming. The information technology suite and library are well established.

Teachers are hardworking and committed to their role. They are a strong and collegial group who have a shared and professional vision for their work. Staff have taken an active role and responsibility for curriculum development and their professional development. They are expected to develop high levels of reflection about their teaching practice. They share their reflections with each other regularly.

Governance

Board Roles and Responsibilities

The board of trustees have a 'no surprises' policy which promotes open and transparent communication. The board was appointed in May 2012.

The Ministry of Education governance advisor has supported the board to develop a clear understanding of their roles and responsibilities. New board members have learnt about their specific governance roles. Whanaungatanga is a key concept that underpins the good working relationships that exist. The board has been functioning well for the whānau, staff and children. Members have their own portfolios and make a significant contribution to school activities. The board members are appreciative of the good quality reporting from the principal which includes student achievement information.

Financial Management

The board has a strong financial reporting system that is fully operational. They have established appropriate monitoring and reporting of financial matters that are transparent. They agreed not to approve the payroll because of Novopay inaccuracies. These go to the Auditor General and are dealt with in a different way.

Policies and procedures.

Policy development is well underway. Board members and staff read and understand policies as part of the development and ratification process. Whānau are included in the development phase of policy and procedure and they have a good understanding of how the school operates.

Strategic Planning and Self Review

The board, whānau and staff are continually considering the needs of the school and students. The charter and property plan are to be reviewed to include a proposal for the redesign of buildings. Discussions have also begun about the secondary school development. They are already beginning to gather information about this process.

School Charter

The school charter was completed and submitted to the Ministry of Education in June 2012. It is based on a clear whānau vision, iwi aspirations, and curriculum design to support students’ learning. The strategic and annual plans are comprehensive with clear monitoring strategies. The board acknowledges it did not have adequate time to provide an analysis of a variance report for 2012 as it did not have a charter or goals established in 2011. The school is in a good position to provide an annual report and analysis of variance for 2013.

The school whānau

Whānau are strong advocates for the education provided to students at Te Whata Tau o Pūtauaki. They willingly participate in school outings, outdoor camps and fundraise for equipment relevant to the school context. They play an active role in developing the curriculum to cater for individual students' learning pathways.

Performance of the Board as an Employer

Staff participate in a range of appropriate professional learning and development (PLD) opportunities. PLD for Ngā Whanaketanga Rumaki Māori and pangarau is ongoing. There is a focus on sharing judgements about student achievement. Current moderation practices are satisfactory.

The board has been innovative in the establishment of appraisal indicators that reflect teacher competencies. These are combined with the attributes defined in the MoE leadership document Tū Rangatira. This approach is intended to build strong Māori education leaders. The board has approved an appraiser for the principal and staff appraisals have been completed.

4. Conclusion: ERO’s Judgement

Te Whata Tau o Pūtauaki is well positioned to provide learning opportunities for students to be successful.

Lynda Pura Watson

National Manager Māori Reviewing Services