Kokohinau Marae, Te Teko
View on mapKua mahi ngātahi Te Tari Arotake Mātauranga, ngā whānau, ngā kaiārahi, me ngā hapori ki te whakatakoto i ngā tirohanga aromātai e whai wāhi nui ai ki te hāpai i ngā whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai.
E tū ana Te Kōhanga Reo o Kōkōhīnau ki te marae o Kōkōhīnau, ki Te Teko. E whai wāhi nui ana te marae ki ngā akoranga a ngā mokopuna. Nā te noho tahi mai o ngā kaumātua me ngā kuia, ka kite, ka rongo hoki ngā mokopuna i ngā tino tauira o te reo Māori tūturu. Kua whakahou ake te whānau i te wāhi o roto i te kōhanga reo.
Ka kitea ki ngā mokopuna tō rātou tino māramatanga ki te reo Māori, mā roto mai i ā rātou whakautu kōrero, ā, i te āhua tonu o tā rātou aro atu ki ngā kaimahi.
E rumakina ana ngā mokopuna ki tētahi taiao ako e tino whakanui ana i te reo Māori. E noho pūmau ana te whānau ki te whakapai ake me te whakatairanga ake i te reo Māori me ngā tikanga o Rangitāiki. He mātau ngā kaiako ki te kōrero i te reo Māori. Ka toro atu rātou ki te tangongitanga o ngā rautaki, hei hāpai i te whakawhanaketanga reo o ngā mokopuna. E ako ana ngā mokopuna i ngā hanganga reo ōkawa nā ngā karakia, ngā hīmene, me ngā mihimihi e whakahaerehia ana i ngā wā ōkawa o ia rā. Ka whakaako ngā kaiako i ngā waiata ā-ringa e māmā ana ki te ako. Waiatahia ai aua waiata i ia rā. Ka taea e ngā mokopuna ētahi kupu me ngā pikitia, ngā taputapu hoki te whakahāngai. Kei te tākare rātou ki te ako i ngā kupu hou i a rātou e tākaro ana, e hangahanga ana rānei. He rautaki katoa ngā tohutohu, ngā pātai, me te whāngai kupu hei akiaki i ngā mokopuna ki te whakawhiti kōrero mō tēnā e mōhiotia ana e rātou. Ka whakamihi ngā kaiako i ngā wā e tika ana. E tīmata ana te puāwai mai o te reo Māori o ngā mokopuna.
Kua whakaritea e ngā kaimahi ngā tukanga e pā ana ki te whakamahere hōtaka me te aromatawai mokopuna. He aronga ngātahi tā rātou ki ngā mahi whakamahere. Ka whakapuaki te whānau i ō rātou whakaaro ki ngā hui ā-whānau o ia marama. E whakatakoto ana ngā mahere i ngā aratohu mārama mō te whakatinanatanga o te hōtaka. Kua āta tuhia ngā aromatawai a ngā mokopuna ki ā rātou pūkete, ā, ka whakapuaki māhorahora nei ki te taha o ngā whānau. Kua tīmata ngā kaimahi ki te whakawhanake i ngā pūkete ā-ipurangi, ā, he tomokanga ā-ipurangi e wātea ana ki ngā mātua. E ārahi ana ngā matea o ngā mokopuna i ngā whakaritenga e pā ana ki ngā mahere me ngā aromatawai.
E whanake ana te whānau i tō rātou māramatanga ki te whakahaere i ngā whakaritenga o tō rātou kōhanga reo. Ka whakapuaki rātou i tō rātou ngākau nui ki te ako i te reo Māori hei painga mō rātou anō, hei hāpai hoki i te whakawhanaketanga reo tonu o ngā mokopuna. Hui ai te whānau i ia marama ki te arotake i ā rātou whakahaeretanga, me ngā kaupapa here, ngā tukanga hoki. Nō nā noa nei te tūtohinga i arotakengia ai, i whakahoungia ai. E whakatakoto ana te tūtohinga i ngā aratohu e hāpaitia ana ki ngā mātāpono me ngā kawenga takohanga o Te Korowai. E tāutu ana te mahere ā-tau i ngā mahi whakahaere matua, ā, kua tuhia hoki ngā wā arotake. Kua whakatakotohia ngā rēhita katoa o te hauora me te haumaru, ā, e whakatutukihia ana ngā tukanga. Ko te waiora o ngā mokopuna kei te pūtake o ngā mahi whakahaere a te whānau.
Me whakapakari i te aromātai hōtaka. Ka hui ngā kaimahi ki te whakawhiti kōrero mō tēnā i whakatutukihia ai i roto i te roanga o ngā wiki kua hipa, engari he iti noa ngā tuhinga. He uaua ki te tāutu i te whakatutukitanga pea o ngā whakarerekētanga, i te whai pānga rānei o ēnā ki te whakapaitanga ake o te hōtaka. Ka whai painga ngā mokopuna i te wā e whai hua ana te aromātai i te hōtaka.
Me whakatutuki i ngā arohaehae. Nō nā noa nei tētahi pūnaha arohaehae hou i whakaritea ai, engari kāhore anō kia whakatutukihia tētahi arohaehae. Kāhore i te mārama pēhea nei te tautuhi i te whakawhanaketanga ngaio. Ka pā tōraro ki te kounga o ngā akoranga a ngā mokopuna, i te wā kāhore te whakawhanaketanga ngaio o ngā kaimahi, e noho mātua ana.
Ahakoa kua whakatakotohia e te whānau ngā whāinga rautaki me ngā kaupapa matua, kāhore he mahere mahi e āta whakatau ana i te whakatinanatanga o aua whāinga. Tē taea te rōnakitanga o te kōhanga reo te whakapūmau, ki te kore e aroturukitia ana, e arowhaingia ana hoki te ahu whakamua o ngā whakawhanaketanga e whakatutuki haere ana i ia te wā.
I te wā o te aromātai, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei:
Kia tutuki i a rātou ngā herenga ā-ture, me tahuri te whānau ki te:
I whakawhanakehia e Te Tari Arotake Mātauranga me te whānau o te kōhanga reo te taunakitanga e whai ake nei, arā, kia:
Darcy Te Hau
Toka-ā-Nuku
Te Uepū ā-Motu - Māori Review Services
01 Mahuru, 2021
|
Te tūwāhi |
Kei Te Teko |
|
|
Te tau a te Tāhuhu o te Mātauranga |
40155 |
|
|
Te tau tohu o Te Kōhanga Reo |
12E014 |
|
|
Te tūmomo whare |
He kōhanga reo |
|
|
Te raihana |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
35, kia 16 ki raro i te rua o ngā tau |
|
|
Te tokomaha kei runga i te rārangi ingoa |
25, tokoono kei raro i te rua o ngā tau |
|
|
Te ira tangata |
Kōtiro 12 Tama 13 |
|
|
Ngā hononga ā-iwi |
Māori |
25 |
|
Te wā i te kōhanga reo te rōpū arotake |
Pipiri 2021 |
|
|
Te wā o tēnei pūrongo |
1 Mahuru 2021 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Mātauranga |
Poutū-te-rangi 2018 Hakihea 2014 Whiringa-ā-nuku 2014 |
The Education Review Office, whānau, leaders and communities have collaborated to provide evaluation insights that foster improvement, identify progress and build evaluation capability.
Te Kōhanga Reo o Kokohinau is located on Te Marae o Kōkōhinau in Te Teko. The marae is integral to mokopuna learning. The presence of koroua and kuia allows mokopuna to observe and listen to authentic models of te reo Māori. The whānau have upgraded the inside of the kōhanga reo.
Mokopuna show a good understanding of te reo Māori in their responses and reactions to kaimahi.
Mokopuna are immersed in a learning environment that highly values te reo Māori. Whānau are committed to improving and promoting te reo Māori me ngā tīkanga o Rangitaiki. Kaiako are competent te reo Māori speakers. They draw on a range of strategies to support mokopuna language development. Karakia, himene and mihimihi provides mokopuna with language structure specific to the formal part of the day. Kaiako teach waiata with actions that are simple to learn. These waiata are repeated daily. Mokopuna can associate words with pictures and objects. They are keen to learn new words when playing or doing constructions. Instructions, questions, prompts are all strategies to encourage mokopuna to communicate what they know. Kaiako give praise where appropriate. Mokopuna are developing as early speakers of te reo Maori.
Kaimahi have in place processes for programme planning and mokopuna assessment. They have a collaborative approach to planning. Whānau contribute their ideas at the monthly whānau hui. Planning provides clear guidelines for programme implementation. Mokopuna assessment is well documented in their profiles and shared openly with whānau. Kaimahi have begun to develop online profiles and a parent portal is available. Mokopuna needs guide planning and assessment practices.
Whānau are developing in their understanding of how to manage the operations of their kōhanga reo. They express their commitment to learning te reo Māori for themselves and supporting mokopuna in their own language development. Whānau meet monthly to review their operations, policies and procedures. The charter has been recently reviewed and updated. It provides guidelines that are supported by the principles and obligations of Te Korowai. The annual plan identifies key operational tasks and review dates are documented. All health and safety registers are in place and working well. Mokopuna well-being is at the centre of whānau management.
Programme evaluation requires strengthening. Kaimahi meet to discuss what has happened over-previous weeks but there is limited documentation. It is difficult to gauge what changes if any have occurred and how these lead to programme improvement. Mokopuna benefit when programme evaluation practices are effective.
Appraisals need to be actioned. A new appraisal system has been created recently however no appraisals have been completed. It is not clear how professional development is determined. The quality of mokopuna learning is compromised when kaimahi development is not prioritised.
While whānau have set strategic goals and priorities, there is no action plan in place to ensure these are realised. The future of the kōhanga reo cannot be sustained unless ongoing development is monitored and checked for progress.
During the evaluation, ERO looked at systems for managing the following areas:
To meet compliance requirement they must:
ERO and the kōhanga reo whānau have developed the following recommendation:
Darcy Te Hau
Toka-ā-Nuku - Director
Te Uepū ā-Motu - Māori Review Services
1 September 2021
|
Location |
Kei Te Teko |
|
|
Ministry of Education profile number |
40155 |
|
|
Kōhanga Reo Identification Number |
12E014 |
|
|
Licence type |
Te Kōhanga Reo |
|
|
Licensed under |
Education (Early Childhood Services) Regulations 2008 |
|
|
Number licensed for |
35 children, including up to 16 aged under 2 |
|
|
Kōhanga Reo roll |
25 children, including up to 6 aged under 2 |
|
|
Gender composition |
Girls 12 Boys 13 |
|
|
Ethnic composition |
Māori |
25 |
|
Review team on site |
June 2021 |
|
|
Date of this report |
1 September 2021 |
|
|
Most recent ERO report(s) |
Education Review Education Review Education Review |
March 2018 December 2014 October 2014 |
E tū ana Te Kōhanga Reo o Kokohīnau ki te marae o Kokohīnau, ki Te Teko. E noho matua ana te marae ki te hōtaka akoranga o ngā tamariki. Ka whai wāhi atu ngā tamariki me te whānau ki ngā kaupapa i te marae, ki te taha o ngā kaumātua me ngā kuia. Whai muri i te pūrongo o mua a Te Tari Arotake Mātauranga i te tau 2014, kua whakatūngia tētahi wharekai hou me tētahi whare kōhanga reo.
E whanake ana ngā tamariki ki te kōrero i te reo Māori.
E whanake ana te māramatanga o ngā tamariki ki a rātou anō me ō rātou tūrangawaewae. Ka akiaki, ka whakatairanga hoki te whānau i te whai wāhi a ngā tamariki ki ngā kaupapa i te marae. Kei te mōhio ngā tamariki ki tō rātou tū hei tangata whenua. Ka ārahi ngā kaumātua me ngā kuia, ā, ka whakatauira rātou i ngā tikanga o te marae. Ko ngā whakairo, ngā tukutuku, me ngā whakaahua o ngā tūpuna e whakatairanga katoa ana i te hōtaka akoranga. E whai wāhi atu ana ngā tamariki ki te reo o te marae. Ko ngā mahi ki te whakariterite i tētahi huihuinga ahurea ki te hapori nei, e whakatairanga ana i te reo me ngā tikanga e pā ana ki ngā tino pouwhenua o tēnei takiwā. E whakawhānui ana aua āhuatanga i te mōhiotanga o ngā tamariki ki a rātou anō. He manawa whakahī tō ngā tamariki mō ō rātou whakapapa.
He pai te taunekeneke me te noho whakaute o ngā tamariki ki ētahi atu, tae atu ki ō rātou hoa, ngā pākeke, ngā kaumātua, me ngā kuia. He tino hononga ā-whakapapa tō te whānau me ngā tamariki ki a rātou anō, ki te marae, ā, ki te kōhanga reo hoki. Ka whakaatuhia ngā pepeha o ngā tamariki ki ngā pakitara o te kōhanga reo, ā, e āta tautokona ana tā rātou taki i ō rātou pepeha i ngā wā whāriki. He muramura, he wāteatea hoki te taiao ako i āta whakaritea ai, hei whakatutuki i ngā matea o ngā tūmomo rōpū reanga. He wāhi haumaru anō hoki mō ngā pēpi, kia āhei ai rātou ki te tākaro me te moe. Ka whai wāhi atu rātou ki te nuinga o te hōtaka akoranga ki te taha o ō rātou tuākana, ā, ka ngākau nui anō hoki ki ngā wā waiata i a rātou e korikori tinana ana mā te manawataki o ngā puoro. Kua āta whakaritea ngā mahinga, ā, e hāpai ana tēnei i te ārahitanga o ngā tamariki i ngā karakia me te karangatanga o te rārangi ingoa. Ka kitea te aroha me te manaaki o ngā tamariki mō ētahi atu.
Ko te whakawhanaketanga reo o ngā tamariki e whakatairangatia ana e te whānau me te hōtaka akoranga. Ka whakamahi, ka whakatauira anō hoki ngā kaumātua me ngā kuia i te reo o te kāinga, mā ngā whakapapa, ngā karanga, me ngā whaikōrero. I ngā tamariki e noho ana ki te kōhanga reo, ka āta rongo rātou i te kounga o te reo nā ngā kaimahi. He mārama ngā tūmanako o ngā kaimahi, kia whānui tonu ngā whakautu a ngā tamariki ki ā rātou pātai. Ko te reo me ngā tikanga o te Hāhi Ringatū e whakahōhonu ana, e whakawhānui ana hoki i te reo ōkawa e ākona ana e ngā tamariki. Ka kitea ki ngā tamariki te pai o tō rātou māramatanga ki ngā kupu hou me ngā tikanga hou. Ko te ako i te reo e tūhonohono ana hoki ki ngā ariā matua, pērā i ngā tae, ngā tūāhua, ngā otaota, ngā rā, me ngā marama. Ka ngahau ngā tamariki ki te kōhanga reo.
Ko te waiora me te haumaru o ngā tamariki me ngā kaimahi tētahi kaupapa matua ki te whānau. He koi te ārahitanga, ā, e whakatakoto ana i te aronga pai i roto i ngā mahi ki te whakahaere me te whakarite i te kōhanga reo. He auau te arotake i ngā kaupapa here, te pūrongo i ngā pūtea, me te whakatakoto a ngā kaiako i ngā pūrongo ki ngā hui ā-whānau, ā, e hāngai katoa ana ēnei ki ngā painga mō ngā tamariki. Kua āta whakaritea, kua āta tuhia hoki ngā mahere rautaki me ngā mahere ā-tau. Tū ai ngā mahi aromātai i ia toru marama ki ngā hui ā-whānau, ā, e āta whakarite ana i te whakatutukitanga o ngā whāinga. He kaha te whānau ki te whai wāhi mai, ā, he maha ngā tūmomo huarahi e taea ana e ngā mātua te whai atu, hei hāpai i te kōhanga reo.
E tino tautokona ana ngā kaiako i te kōhanga reo. Kātahi anō te tukanga a te whānau ka whakahoungia, mō te whakapakari ake, te whakatutuki ake anō hoki i ngā pūkenga ngaio o ngā kaimahi. E arotahi ana ngā hui kaimahi ki tēnā e whakatutukihia ana mā ngā tamariki me ā rātou akoranga. He tūmanako kia tuhia e ngā kaimahi ā rātou kitenga o ia rā me ō rātou whakaaro mō ā rātou whakaritenga whakaako i ia wiki, ā, e whai hua ana tēnei ki te hāpai i te ako a ngā tamariki.
Ka whakaotihia e te rōpū kaimahi ngā mahere e pā ana ki ngā hōtaka akoranga, ā, ka āta kitea ngā hononga ki Te Whāriki. E kawe mārika ana ngā kaimahi i te wero ki te whakamahere mō ngā akoranga a ngā tamariki mā ngā rōpū e mau ana i te tini o ngā reanga. E noho riterite ana ngā mahere i whakamaheretia ai me ngā whai wāhitanga anō hoki mō ngā tamariki ki te whiriwhiri i ā rātou ake rauemi, me te tākaro noa. Aromātaihia ai te hōtaka e ia kaimahi i ia rā, ā, ka tirohia anōtia hei rōpū i ia wiki. Ka hāpai tēnei i ngā whakataunga e whakatutukihia ana kia pai ake ai te hōtaka akoranga a ngā tamariki.
E whakamahia ana e te whānau te whānuitanga o ngā tūmomo tino rautaki, hei whakatakoto haere i te whakawhanaketanga ako o ngā tamariki. Ko ētahi o aua rautaki, ko ngā pūkete ako e tohu ana i ngā kitenga o ngā tamariki e tākaro ana, me tētahi whārangi tūmataiti o Pukamata e whakapuaki ana i ngā paki ako o ia rā.
He pai te whakawhanaketanga o ngā pūkenga reo o tamariki, heoi, ka whakatairanga tonuhia mā te tāutu a ngā kaimahi i te reo matua me ngā hanganga reo matua ka ākona e ngā tamariki i roto i ngā tū kaupapa o te hōtaka akoranga. Ko te āta whakamahere pēnei ka whakawhānui ake i ngā whai wāhitanga mō ngā tamariki ki te āta whakawhitiwhiti whakaaro ki ētahi atu, me te whakamātau anō hoki i te reo hou e ākona ana e rātou.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
Ka aromātai anō Te Tari Arotake Mātauranga i Te Kōhanga Reo o Kokohīnau i roto i te toru o ngā tau.
Lynda Pura-Watson
Kaiurungi Whakaturuki Arotake Māori
18 Haratua, 2018
|
Te tūwāhi |
Kei Te Teko |
|
|
Te tau a te Tāhuhu o te Mātauranga |
40155 |
|
|
Te tau tohu o Te Kōhanga Reo |
12E014 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
35, kia 16 ki raro i te rua o ngā tau |
|
|
Te tokomaha kei te rārangi ingoa |
35, 13 kei raro i te rua o ngā tau |
|
|
Te ira tangata |
Kōtiro 14 Tama 21 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Paenga-whāwhā 2018 |
|
|
Te wā o tēnei pūrongo |
18 Haratua, 2018 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Tāpiri |
Hakihea 2014 Whiringa-ā-nuku 2011 Whiringa-ā-rangi 2007 |
Te Kōhanga Reo o Kokohinau is located on Kokohinau Marae in Te Teko. The marae is central to the learning programme for children. Children and whānau participate in events on the marae with kaumātua and kuia. Since the last ERO review in 2014, a new wharekai and kōhanga reo have been built.
Children are developing as speakers of te reo Māori.
Children are developing an understanding about who they are and where they come from. Whānau encourage and promote children’s participation at marae events. Children are familiar with their role as tangata whenua. Kaumātua and kuia provide leadership and role model the tikanga of the marae. The carvings, tukutuku patterns and photos of tūpuna are an extension of the learning programme. Children experience the language of the marae. Preparations for a local cultural event is promoting the language and customs associated with important landmarks in the area. This is increasing children’s knowledge of who they are. Children are proud of their whakapapa.
Children interact well with and respect others including peers, adults, kaumātua and kuia. Whānau and children have strong whakapapa ties to each other, the marae and the kōhanga reo. Children’s pepeha are displayed on the walls of the kōhanga reo and they are well supported to recite them during mat times. The learning environment is colourful, spacious and well organised to meet the needs of the different age groups. Babies have a safe area for play and sleeping. They share most parts of the learning programme with their tuākana and enjoy waiata time as they move to the rhythm of the music. Well-established routines encourage leadership for children during karakia and roll call. Children show love and care for others.
Children’s language development is enriched by the whānau and the learning programme. Kaumātua and kuia use and model te reo o te kāinga through whakapapa, karanga and whaikōrero. Children are exposed to good quality language models from kaimahi during their time at the kōhanga reo. Kaimahi have clear expectations for children to respond in full to questions. The language and rituals associated with Te Hāhi Ringatū provide depth and breadth to children’s formal language learning. Children demonstrate a good understanding of new words and tikanga. The language of learning links to key concepts such as colours, shapes, plants, days and months. Children have fun in the kōhanga reo.
The wellbeing and safety of children and kaimahi is a priority for the whānau. Skilled leadership provides good direction for operating and managing the kōhanga reo. Regular policy review, financial reports, and kaiako reports at whānau hui focus on the interest of children. The strategic and annual plans are well established and documented. Evaluation occurs at three-monthly whānau hui and ensures goals are met. Whānau participation is strong and parents can contribute in a variety of ways.
Kaiako are well supported in the kōhanga reo. The whānau has a newly refined process for building and acknowledging professional skills of kaimahi. Staff meetings are focused on what is happening for children and their learning. Children with special needs are well supported by external agencies, parents and kaimahi. Expectations for kaimahi to record daily observations and weekly thinking about their teaching practice is a positive way to support children’s learning.
Planning of learning programmes is completed by the team of kaimahi and links to Te Whāriki can be seen. Kaimahi are enjoying the challenge of planning for children’s learning in mixed age groups. There is a balance of planned activities and opportunities for children to choose their own resources and play on their own. Evaluation of the programme occurs daily by kaimahi, as individuals and weekly as a group. This contributes to supporting decisions made about improving the learning programme for children.
A range of positive strategies are used by the whānau to record learning development of children. These include portfolios of learning with observations of children at play and a closed Facebook page to share daily learning stories.
Children’s language skills are developing well and could be further enhanced by kaimahi identifying key language and structures children will learn as part of the learning programme. This deliberate planning will increase opportunities for children to communicate confidently with others and experiment with newly acquired language.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
The next ERO evaluation of Te Kōhanga Reo o Kokohīnau will be in three years.
Lynda Pura-Watson
Deputy Chief Review Officer Māori
18 May 2018
|
Location |
Te Teko |
||
|
Ministry of Education profile number |
40155 |
||
|
Kōhanga Reo Identification Number |
12E014 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
35 children, including up to 16 aged under 2 |
||
|
Kōhanga Reo roll |
35 children, including up to 13 aged under 2 |
||
|
Gender composition |
Girls 14 Boys 21 |
||
|
Ethnic composition |
Māori |
100% |
|
|
Review team on site |
March 2018 |
||
|
Date of this report |
18 May 2018 |
||
|
Most recent ERO report(s) |
Education Review Education Review Supplementary Review |
December 2014 October 2011 November 2007 |
|