706 Albert Street, Mayfair, Hastings
View on mapKua mahi ngātahi Te Tari Arotake Mātauranga, ngā whānau, ngā kaiārahi, ngā kaimahi me ngā hapori ki te whakawhanake i ngā tirohanga aromātai e whai wāhi nui ai ki te hāpai i te kawenga takohanga me te whakapaitanga, ki te tautuhi i te ahu whakamua, ā, ki te whakapakari ake hoki i te āheinga ki te aromātai. Ka whakarato ngā pūrongo a Te Tari Arotake Mātauranga i ngā mōhiohio mātuatua mā ngā hapū me ngā iwi.
E tū ana Te Kōhanga Reo o Te Wānanga Whare Tapere o Tākitimu ki Heretaunga. Ko te kōhanga reo, te kura kaupapa Māori, te wharekura, me te wānanga, ka whai wāhi katoa ki Te Wānanga Whare Tapere o Tākitimu. Ko ngā kawa, ngā tikanga, ngā whakapapa, ngā whakanuitanga, me ngā wāhi whakahirahira o Ngāti Kahungunu me te waka o Tākitimu, kua tuituia puta noa i ngā mahi whakaari. Nā taua tūāhuatanga ka whakatakotohia tētahi tino tūāpapa o ngā akoranga e noho motuhake ana ki tō rātou iwi.
Ka āta whakatau te ārahitanga o te kōhanga reo i te noho o te tirohanga mauroa mō Kahungunu ki te pūtake o ā rātou mahi katoa. Ko tō rātou ngākau nuitanga me tō rātou hononga ki te kaupapa o te kōhanga reo me ngā wawata o te whānau, e whakapakari tonu ana i te horopaki, i te hāngaitanga o te titiro, ā, ka whakatakoto hoki i ngā tūmanako kia kounga ai ngā whakaritenga mō te katoa.
Ko Te Kauwae Rangatiratanga te rōpū whakatōpū o ngā kaiārahi o te kōhanga reo, te kura kaupapa Māori, te wharekura, me te wānanga, ā, nā rātou i tono kia kotahi atu te tukanga o te aromātai, te arotake, me te tātari i ngā wāhanga katoa o tō rātou huarahi mātauranga. Nā taua tono, ka puta te aronga ngātahi ki waenga i Te Tari Arotake Mātauranga, i Te Rūnanga Nui o Ngā Kura Kaupapa Māori o Aotearoa, i Te Poari Matua o Ngā Kōhanga Reo, me Te Mana Tohu Mātauranga o Aotearoa. Ko tā te tukanga mahi kaupapa Māori nei, he whakapūmau i te tūturutanga o te whakaaro e meatia ana, a te Māori, nā te Māori, me te Māori, mā te Māori, hei Māori, mā te reo Māori.
He ngākau titikaha ō ngā mokopuna ki te whakapuaki i tō rātou taha auaha me tō rātou tuakiri. Ka whai wāhi atu rātou ki te whānuitanga o ngā tūmomo wheako, ā, i reira ngā whakaakoranga me ngā akoranga whai hua e aronuitia ana, e whakapakarihia ana hoki rātou hei tangata takitahi, ā, hei ākonga anō hoki o roto i Te Wānanga Whare Tapere o Tākitimu.
Ka puāwai ngā mokopuna ki tētahi taiao e whakautea ana, e māramahia ana, e poipoia ana rātou ki ngā uara, ngā whakapono, me ngā whakaritenga o Te Wānanga Whare Tapere o Tākitimu. Ka whai wāhi rātou ki ngā tikanga me ngā mātauranga o Kahungunu mā tētahi marau e mau nei ana i te hōhonutanga o te whakapapa hei wāhanga tonu o tā rātou ako o ia rā. Ka ako ngā mokopuna i ō rātou hononga maha ki ngā tāngata me ngā wāhi o te taiao, ā, e āta aro nui ana ki tō rātou mana āhua ake. E whai hua ana ngā kaiako ki te tautoko mātātoa i te whai wāhi atu a ngā mokopuna ki ngā pōwhiri me ngā whakatau ki te taha o ngā tuākana nō te kura, te wharekura, te whare wānanga, me Taikura. Ka whakatairanga aua whai wāhitanga i te māramatanga me te mōhiotanga o ngā mokopuna ki ngā tikanga me ngā kawa o ngā marae o Ngāti Kahungunu.
“It’s a way of life, we live it” – nā Te Kauwae Rangatiratanga
“Our mokopuna are the reflection of their Tupuna” nā Te Kauwae Rangatiratanga
Ko ngā hononga ā-whakapapa ki waenga i te whānau e tuitui ana i te kaha o te hononga ki waenga i ngā mokopuna, ngā whānau, me ngā kaiako. Ka noho mātua rā te hononga o te tuakana me te teina ki te whakatairanga ake i te tuakiri me te ngākau titikaha o ngā mokopuna. Ka toro atu ngā hononga o ngā mokopuna ki te wāhi ako katoa. Ka whai pānga matua aua hononga ki te mātauranga hūrokuroku o Te Wānanga Whare Tapere o Tākitimu. Ka whai wāhi nui ngā mokopuna ki tētahi hōtaka e whakapūmau ana i tō rātou tuakiri ki te iho o ngā taumahi katoa. Whakanuia ai rātou i ia te rā, ā, ka kitea tō rātou rongo i te aroha. Ka whakapakari haere ngā mokopuna i tō rātou mōhiotanga ki tō rātou whānau, ō rātou hapū, me tō rātou iwi.
He mātau ngā kaiako ki te kōrero i te reo Māori, ā, ka whakatauira hoki rātou i te āta whakamahinga o ngā āhua reo me ngā āheinga reo o Ngāti Kahungunu, pērā i ngā karakia, ngā waiata, ngā mōteatea, me ngā whakataukī. Ka whakamahi ngā kaiako i ngā rautaki reo e whai hua ana ki te hāpai me te whakawhānui i ngā puna kupu o ngā mokopuna, puta noa i te hōtaka. Kei ngā mahinga o ia rā ngā whai wāhitanga mō ngā mokopuna ki te āta rongo i ngā hanganga reo o te reo ōkawa me te reo ōpaki. Nā te hau karakia, te taki pepeha, me te mihimihi, ka rongo ngā mokopuna i ngā hanganga me ngā horopaki o te reo ōkawa. Ko ngā horopaki ōpaki he whai wāhitanga mō ngā kaiako ki te whakamahi i te reo Māori e hāngai pū ana ki aua horopaki tonu, ki aua kaupapa tonu, ā, ki aua tirohanga hoki e whai pānga ana ki te Tākitimutanga. Ka whai wāhi mātātoa ngā mokopuna ki ngā whakawhitinga kōrero ki te taha o ō rātou hoa me ngā kaiako. Ka whakapuaki ngā whānau i tō rātou harikoa mō te ahu whakamua a ā rātou ake tamariki. Kei te āta whanake te pakari o ngā mokopuna ki te kōrero i te reo Māori.
“My tamaiti knows all the words to Hau Karakia” – te reo o te Whānau
“Ko wai tō kōhanga reo?” – te reo o te Kaiako
“Ko te Kōhanga Reo o Te Wānanga Whare Tapere o Tākitimu!”- te reo o te Mokopuna
Ka whai wāhi nui ngā mokopuna ki tētahi taiao ako e hāngai nui ana ki te marae. E tū ana te kōhanga reo, te kura kaupapa Māori, te wharekura, me te whare wānanga ki te wāhi kotahi. He ngāwari te whakawhiti atu a ngā mokopuna i te kōhanga reo ki te kura. Kua āta rite rātou ki te whakawhiti ki te kura kaupapa Māori mā te hōtaka e mau ana i te hanganga me ngā whai wāhitanga ki te kōkiri me te whai atu i ō rātou ake ngākau nuitanga. He maha ngā wā mō ngā mokopuna ki te tūhura haere, me te mahi auaha, te mahi toi, me te mahi pākiki. Ko te waiata me te kapa haka tētahi tino aho e tuituia ai puta noa i Te Wānanga Whare Tapere o Tākitimu. Ka whakapuaki ngā mokopuna i a rātou anō mā te ngākau titikaha me te harikoakoa.
“We express ourselves through song and dance” – nā Te Kauwae Rangatira
Ko Te Whāriki o Te Kōhanga Reo me te marau o Kahungunu e whakatakoto ana i ngā akoranga e noho mātuatua ana ki te whānau me ngā mokopuna. He ākonga mātātoa te whānau ki te taha o ā rātou tamariki. Kua whakahāngaitia te marau mō te kōhanga reo me te kura, nō te mea ko te mātauranga Tākitimu kei te pūtake. Ko te toi whakaari tētahi tino rautaki e kōkiri ai i te whakawhitinga o ngā mōhiotanga o te iwi mā ngā waiata, ngā kēmu Māori, ngā mōteatea, ngā haka, ngā karakia, me ngā whakaari. Ki tō te whānau whakapono, he pai ki ā rātou mokopuna te ako mā te whakatinanatanga. Ko ngā akoranga e ahu mai ana i te ao o ngā atua, e whakarato ana ki ngā mokopuna ngā wheako e tūhonohono ana i a rātou ki te taiao. E ākina ana tā rātou tūhura i te kaitiakitanga. Kei te harikoa, kei te tūmāia hoki ngā mokopuna hei ākonga.
“We as parents learn alongside them (tamaiti)” – te reo o te Whānau
“The arts is how we tell our story”- te reo o te Kaiako
“Mokopuna are lifelong learners…they engage in holistic education”
Ko te kaupapa, te tirohanga, te whakamanawa, me te ngākau nuitanga ki Te Wānanga Whare Tapere o Tākitimu, kei te pūtake o ngā whakaritenga i āta whakataungia ai.
Ka whakatinanahia te aronga rautaki ki te aromātai o roto. Ka arotahi Te Ara Tūāpae ki te whakapai tonutanga me te rōnakitanga o te pae tawhiti. Ko taua tirohanga whakamua, e hāpai ana, e whakapūmau ana hoki i te aronga o te kōhanga reo, ā, e āta whakatau ana i te whai pānga tonu o ngā wawata o mua ki anamata.
Ko te whai huatanga o ngā pūnaha, ngā tukanga, me ngā whakaritenga, e āta whakatau ana i te rere pai o ngā whakahaeretanga ki te kōhanga reo i ia rā. E mōhio ana te whānau ki te kaha o te ngākau nuitanga o ngā kaiārahi, ngā kaiako, me ngā kaimahi ki te kōhanga reo.
He nahanaha te whakaū, te tautoko tonutanga hoki i ngā kaiako me ngā kaimahi, ā, ka whakamaheretia i a rātou e tautokona ana ki te whakapuaki i te mātauranga whai kounga. He ngākau titikaha ō ngā kaiako ki te āta whakatutuki i ō rātou tūranga.
E noho pūmau ana ngā kaiārahi ki te whakatutuki i te whāinga, kia haere tonu te ako ngātahi a ngā mokopuna me ngā whānau ki te wāhi kotahi, puta noa i tō rātou huarahi ako mauroa. E whakarato tonu ana te kōhanga reo i te mātauranga whai kounga ki ngā mokopuna.
I te wā o te arotake, i tirohia e Te Tari Arotake Mātauranga ngā pūnaha ki te whakahaere i ngā wāhanga e whai ake nei, arā, ki:
te haumaru ā-whatumanawa, tae atu ki te ārahi mauritau me te ārai tamariki
te haumaru ā-tinana, tae atu ki te mātakitaki tamariki, ngā whakaritenga whakamoe, ngā aituā, te whāngai rongoā; me ngā kaupapa here, ngā tukanga hoki mō ngā haerenga whakawaho
te tū tika o ngā kaimahi, tae atu ki te tika o ngā tohu mātauranga, ngā mahi arowhai a ngā pirihimana, me te tatauranga ki waenga i te kaiako me te tamaiti
ngā whakaritenga ohotata me ngā tikanga ohotata e pā ana ki te rū whenua, te ahi, te waipuke, te tai āniwhaniwha, me te mate urutā.
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, ā, ka arotake hoki i ia te wā tā rātou whakatutukitanga i ngā herenga ā-ture.
E whakaae ana te whānau o Te Wānanga Whare Tapere o Tākitimu, ka tahuri rātou ki te:
Whakapūmau i tā rātou aromātai o roto matawhānui, me te arotahi tonu ki te whakapai tonutanga
Mahi tahi ki te whakatutuki i ngā whakareretanga me ngā wawata i tuku iho ai ki a rātou i tō rātou tupuna rangatira.
Darcy Te Hau
Toka ā Nuku
Te Uepū ā Motu – Māori Review Services
28 Piripi 2022
|
Te tūwāhi |
Kei Heretaunga |
|
Te tau a te Tāhuhu o te Mātauranga |
55179 |
|
Te tau tohu o Te Kōhanga Reo |
08C058 |
|
Te tūmomo whare |
He kōhanga reo |
|
Te raihana |
Ngā Ture Mātauranga (Ratonga Kōhungahunga) 2008 |
|
Te tokomaha mō te raihana |
36, kia 14 ki raro i te rua o ngā tau |
|
Te tokomaha kei runga i te rārangi ingoa |
36, 14 kei raro i te rua o ngā tau |
|
Ngā hononga ā-iwi |
Māori 36 |
|
Te wai i te kōhanga reo te rōpū arotake |
Paenga-whāwhā 2022 |
|
Te wā o tēnei pūrongo |
28 Piripi 2022 |
|
Ngā pūrongo o mua a |
Arotake Mātauranga, Haratua 2018; Arotake Mātauranga, Paenga-whāwhā 2014; Arotake Mātauranga, Poutū-te-rangi 2011 |
The Education Review Office (ERO) in collaboration with whānau, leaders, kaimahi and their communities develop evaluation insights that foster accountability and improvement, identify progress and build evaluation capability. ERO reports provide important information for hapū and iwi.
Te Kōhanga Reo o Te Wānanga Whare Tāpere o Tākitimu is in Hastings. The kōhanga reo, the kura kaupapa Māori, wharekura and wānanga make up Te Wānanga Whare Tāpere o Tākitimu. Ngā kawa, tikanga, whakapapa, celebrations, and places of significance of Ngāti Kahungunu and Tākitimu Waka are integrated through performing arts. This creates a strong foundation for learning that is unique to their iwi.
The kōhanga reo leadership, ensures that the longstanding vision for Kahungunu is at the forefront of all they do. Their commitment and connection to the kaupapa of kōhanga reo and the aspirations of whānau continue to build the context, focus direction, and set expectations for quality for all.
Te Kauwae Rangatiratanga, the collective of leaders for the kōhanga reo, kura kaupapa Māori, wharekura and wānanga requested a joint process for the evaluation, review, and audit of all parts of their education pipeline. This led to a shared approach between Te Tari Arotake Mātauranga, Te Runanga o Ngā Kura Kaupapa Māori, Te Kōhanga reo National Trust and Te Mana Tohu Mātauranga o Aotearoa. The kaupapa Māori methodology used for this work, upholds the integrity of Māori, by Māori, with Māori, for Māori, as Māori and in te reo Māori.
How effectively do mokopuna express their identity, confidence, and creativity as pīpīpāopao of Te Wānanga Whare Tāpere o Tākitimu?
Mokopuna confidently express their creativity and identity. They participate in a range of experiences where effective teaching and learning considers and strengthens who they are as individuals, and as learners within Te Wānanga Whare Tāpere o Tākitimu.
Mokopuna thrive in an environment where they are respected, understood, and nurtured in the values, beliefs, and practices of Te Wānanga Whare Tāpere o Tākitimu. They experience Kahungunu tikanga and mātauranga through a curriculum steeped in whakapapa as part of their daily learning. Mokopuna learn about their many connections to people and places in an environment that prioritises their uniqueness. Effective kaiako actively support mokopuna to participate in pōwhiri and whakatau alongside tuākana from kura, wharekura, whare wānanga and Taikura. These opportunities enhance mokopuna understanding and knowledge of ngā tikanga and kawa o ngā marae o Ngāti Kahungunu.
“It’s a way of life, we live it” – Te Kauwae Rangatiratanga.
“Our mokopuna are the reflection of their Tupuna” Te Kauwae Rangatiratanga
Whakapapa links between whānau create a strong sense of connection amongst mokopuna, whānau and kaiako. Tuākana teina relationships are integral to enhancing mokopuna identity and confidence. Mokopuna relationships stretch across the entire wānanga complex. These relationships are essential to the seamless education at Te Wānanga Whare Tāpere o Tākitimu. Mokopuna enjoy a programme where their identity is at the core of all activities. They are celebrated daily and show they are loved. Mokopuna build their knowledge of their whānau, hapū and iwi.
Kaiako are strong te reo Māori speakers, and teachers who role model effective use of Ngāti Kahungunu language forms and functions like karakia, waiata, mōteatea and whakataukī. Kaiako use effective language strategies to support and extend mokopuna vocabulary across the programme. Daily routines provide opportunities for mokopuna to experience and hear language structures of te reo ōkawa and te reo ōpaki. Hau karakia, reciting pepeha and mihimihi expose mokopuna to formal language structures and settings. Informal learning situations are opportunities for kaiako to use te reo Māori that is specific to certain settings, situations, and perspectives relevant to Tākitimutanga. Mokopuna actively engage in conversations with their peers and kaiako. Whānau express their happiness with the progress their tamaiiti make. Mokopuna are developing well as confident users of te reo Māori.
“My tamaiti knows all the words to Hau Karakia” – Whānau voice
“Ko wai tō kōhanga reo?” – Kaiako voice
“Ko te Kōhanga Reo o Te Wānanga Whare Tāpere o Tākitimu!”- Mokopuna voice
Mokopuna enjoy the learning environment that reflects a valued marae setting. The kōhanga reo, kura kaupapa, wharekura and whare wananga are located on the one site. Mokopuna move seamlessly from kōhanga reo to the kura. They are well prepared to transition to kura kaupapa through a programme that offers both structure and opportunities to initiate and follow their interests. There are many occasions for mokopuna to explore, be creative, be artistic and inquisitive. Waiata and kapahaka is a strong thread that weaves itself across Te Wānanga Whare Tāpere o Tākitimu. Mokopuna express themselves with confidence and joy.
“We express ourselves through song and dance” – Te Kauae Rangatira
Te Whāriki o Te Kōhanga Reo and the Kahungunu local curriculum determine learning that is important for whānau and mokopuna. Whānau are active learners alongside their tamariki. There is alignment across curriculum for the kōhanga reo and kura, as mātauranga Tākitimu is at the forefront. Performing arts is a critical strategy to facilitate the transmission of iwi knowledge through waiata, kēmu Māori, mōteatea, haka, karakia and Whakaari. The whānau believe their mokopuna are kinaesthetic learners. Learning that is embedded in te ao o ngā Atua provides mokopuna with experiences that locates them within te Taiao. They are encouraged to explore kaitiakitanga. Mokopuna are happy and confident learners.
“We as parents learn alongside them (tamaiti)” – Whānau voice
“The arts is how we tell our story”- Kaiako voice
“Mokopuna are lifelong learners…they engage in holistic education”
The kaupapa, vision, motivation, and commitment to Te Wānanga Whare Tāpere o Tākitimu is at the forefront of strongly formed decision making.
The strategic direction is informed by internal evaluation. Te Ara Tūāpae focuses on ongoing improvement and long-term sustainability. This future focus supports and upholds the direction of the kōhanga and ensures that the aspirations from the past continue to influence the future.
Effective systems, processes and practices ensure the smooth day-to-day operation of the kōhanga reo. Whānau are aware of the strength of commitment by the leaders, kaiako and kaimahi in the kōhanga reo.
Ongoing commitment and support of kaiako and kaimahi is deliberate and planned as they are supported to deliver quality education. Kaiako are confident to carry out their roles successfully.
Leaders are committed to achieving the goal of mokopuna and whānau continuing their lifelong learning journeys together across one site. The kōhanga reo continues to provide quality education for mokopuna.
During the evaluation, ERO looked at systems for managing the following areas:
emotional safety including positive guidance and child protection
physical safety including supervision, sleep procedures, accidents, medication, excursion policy and procedures
suitable staffing including appropriate qualifications, police vetting, ratios
emergency procedures and practices for earthquakes, fire, flood, tsunami, and pandemic.
All kōhanga reo are required to promote children’s health and safety and to regularly review their compliance with legal requirements.
Te Wānanga Whare Tāpere o Tākitimu whānau agree that they will:
maintain their comprehensive internal evaluation and continue their focus on improvement
work together to achieve the legacy and aspirations left to them by their revered tupuna.
Darcy Te Hau
Toka-ā-Nuku – Director
Te Uepū ā-Motu – Māori Review Services
28 June 2022
|
Location |
Hastings |
|
Ministry of Education profile number |
55179 |
|
Kōhanga Reo Identification Number |
08C058 |
|
Licence type |
Te Kōhanga Reo |
|
Licensed under |
Education (Early Childhood Services) Regulations 2008 |
|
Number licensed for |
36 children, including up 14 to aged under 2 |
|
Service roll |
36 children, including 14 aged under 2 |
|
Ethnic composition |
Māori 36 |
|
Review team on site |
April 2022 |
|
Date of this report |
28 June 2022 |
|
Most recent ERO report(s) |
Education Review, May 2018; Education Review, April 2014; Education Review, March 2011 |
E tū ana Te Kōhanga Reo o Te Wānanga Whare Tapere o Tākitimu ki Heretaunga. Nā ngā kaumātua me ngā tino rangatira te tirohanga ki te para i tētahi huarahi rerenga tahi o te mātauranga reo Māori mō te whānau. Ka whai wāhi te kōhanga reo ki tēnei kaupapa tūtoro e whakarato ana i te mātauranga kura kaupapa Māori me ngā mātauranga whare wānanga i roto i ngā mahi toi.
Mai i te pūrongo o mua a Te Tari Arotake Mātauranga i te tau 2014, kua whakapūmau tonu te whānau i te tirohanga, ā, e whakawhanake tonu ana rātou i te whānau me ngā kaimahi i a rātou e whai wāhi atu ana ki te kaupapa, ā, i a rātou hoki e oke ana ki te whakatutuki i tā rātou aronga rautaki o te paetawhiti. Ka whakatinanahia tō rātou aronga rautaki ki Te Korowai, ā, e hāpai ana hoki i te matawhānui o ngā mahere tauatanga e arotahi ana ki te whakamana i te whānau me tō rātou whakawhanake tonutanga.
Ka kitea ki ngā tamariki tuākana tō rātou ngākau titikaha ki te kōrero i te reo Māori, i a rātou e ako ana, e tūhura haere ana hoki i roto i Te Wānanga Whare Tapere o Tākitimu.
E poipoia ana, e whakawhanakehia ana ngā pēpi nā te aroha ka ūhia ki runga i a rātou ki Te Wānanga Whare Tapere o Tākitimu.
He pakari te aronga toi whenuatanga me te tuakiri o ngā tamariki. Ko te hōhonutanga o ngā hononga ā-whānau e hāpai ana hoki i tā rātou whai wāhi tonu ki te kōhanga reo me te hapori o Te Wānanga Whare Tapere o Tākitimu. E tino tautokona ana te tāruarua, te whakamaumahara, me te whakapuaki māhorahora hoki o ngā tamariki i ō rātou pepeha, tae atu ki ō rātou marae, ō rātou maunga, ō rātou awa, me ō rātou whānau. Kei te mārama rātou i ngā tikanga me ngā kawa o te kōhanga reo me Te Wānanga Whare Tapere o Tākitimu. E hāpai ana ngā kaimahi i ngā tamariki ki te whai wāhi mātātoa ki ngā pōwhiri, ā, ka ako rātou i tō rātou tū hei tangata whenua. Ko te hau karakia tētahi kawa ake o Te Wānanga Whare Tapere o Tākitimu. Ka ārahi ngā tamariki tuākana, ka whai wāhi atu hoki ētahi atu ki te whānuitanga o aua karakia me aua waiata. Ka waiata rātou i te hītori o tō rātou kōhanga reo me te tirohanga o te whānau. Ka ako rātou i ō rātou hononga ki te whenua. Ka kitea te tino manawa whakahī, te ngākau nui anō hoki o ngā tamariki i a rātou e kōrero ana mō ā rātou taonga tuku iho, i a rātou hoki e whakapuaki ana i ngā kōrero e pā ana ki te kōhanga reo.
Kei te mārama, kei te whakamana hoki ngā tamariki i te mana āhua ake o ia tangata. Kua waihangatia e te whānau me ngā kaimahi tētahi hōtaka akoranga whakamīharo e whakatairanga ana i te manaaki, te aroha, me te tiaki. E pou here ana aua uaratanga i te hā o te kōhanga reo, ā, nā aua tūāhuatanga ka pupū ake te pai o ngā taunekeneke me ngā tino tohu o te aroha o tētahi ki tētahi. Ka whakatauira ngā kaimahi i te whakawhanaungatanga, ā, ka kitea ki ngā tamariki tō rātou manaaki me tō rātou whakaute, tētahi ki tētahi. Ka kitea ki ngā tuākana ngā pūmanawa ki te ārahi me te poipoi, i a rātou e taunekeneke ana ki ngā tēina. He kawenga, he whakaute te āhua o te whai wāhi nui o ngā tamariki ki te whānau o te kōhanga reo.
E arohaina ana ngā pēpi i a rātou e whai wāhi haere ana ki te kaupapa o te kōhanga reo. Ka hiki, ka tautāwhi hoki ngā kaimahi i ngā pēpi i ngā taumahi ako ā-rōpū. Ka rongo ngā pēpi i ngā waiata, ā, ka korikori ngā kaimahi i runga i te āhua o ngā kupu me ngā manawataki. He māoriori te hononga ā-tinana ki ngā akoranga. Nā aua aronga, he mauritau te āhua mō ngā pēpi i a rātou e ako ana, otirā, mō ngā tamariki katoa puta noa i te kōhanga reo. Ko ngā matea ake o ia pēpi, o ia kōhungahunga hoki e ārahi ana i te āhua o ngā mahi a ngā kaimahi ki te hāpai i ngā tamariki i a rātou e ako ana, e tupu ana. Ka mahi ngātahi ngā kaimahi, ka whakatairanga tētahi i tētahi, i a rātou e kawe ake ana i ngā tūmomo kaupapa mahi, me ngā tūmomo huarahi mahi. E poipoi ana te taiao ako i te mahi ngātahi, te kōkiri a te tamaiti i a ia anō, te ngohengohe, ā, e akiaki ana hoki i te tamaiti ki te whakatau i āna ake whakaritenga. He mārie, he harikoa, he mauritau hoki ngā tamariki hei ākonga.
He tūmāia ngā tamariki ki te āta whakapuaki i ō rātou whakaaro mā te reo Māori. E whakaaweawe ana ngā kaumātua me ngā kaiārahi i te whānau me ngā kaimahi, i a rātou katoa e whakarīrā ana ki te eke angitu. He rautaki reo Māori tā te kōhanga reo, ā, e arotahi ana tēnei ki te whakapakari i te āheinga reo o te whānau me ngā kaimahi, me te whakarato i te kounga kairangi o te reo Māori. E rumakina ana ngā tamariki ki tētahi taiao e whakamahia ana ko te reo Māori anake hei reo whakawhitiwhiti whakaaro. He matatau ngā kaimahi ki te kōrero i te reo Māori, heoi, he tino tauira rātou o te reo Māori mō ngā tamariki. Ka whakamahi rātou i te whānuitanga o ngā tūmomo rautaki e whai hua ana ki te hāpai me te akiaki i te whakawhanaketanga reo. Ka kitea te hōhonutanga o tō rātou mārama ki ngā wāhanga whanake o te ako reo, ā, he mātātoa tā rātou toro atu ki te tautoko i te ako o ā rātou tamariki me ā rātou pēpi i te reo hou me ngā whakatakotoranga hou. Kua tuituia ki te hōtaka akoranga, ko te whānuitanga o ngā waiata mō ngā tūmomo horopaki, hei whakawhānui anō hoki i te whakawhanaketanga reo o ngā tamariki. Ka patapatai, ka whakamahi anō hoki i ngā kēmu kupu hei whakapakari i ngā puna kupu o ngā tamariki. Ka whakamahi ngā tamariki tuākana i te reo Māori ki te whakapuaki i ō rātou whakaaro i roto i te whānuitanga o ngā tūmomo horopaki. Ko ētahi o aua whakamahinga, ko te whakapuaki i ō rātou kare ā-roto me ō rātou matea, me te tūhonohono haere i ngā kaupapa. Ka hāpai ngā kaimahi i ngā pēpi ki te whakamahi i ngā tohu ā-ringa, ā-kanohi hoki, ā, i ngā oro hoki hei whakapuaki i ā rātou kōrerorero. Ka kitea te ngākau titikaha o ngā pēpi me ngā tamariki tuākana ki te whakawhitiwhiti i ō rātou whakaaro me ā rātou kōrero mā te reo Māori.
He ākonga tākare ngā tamariki, ā, e kawe ake ana rātou i ā rātou akoranga. Ka mahi ngātahi ngā kaimahi me te whānau ki te waihanga i tētahi taiao ako e hāpai ana i ngā tamariki ki te tūhura haere, te whakawhanake i ō rātou pūkenga auaha, me te whakangahau i a rātou e ako ana, e tākaro ana hoki. E hāpai ana ngā wāhi o waho i te tūhura me te whai wāhi atu a ngā tamariki ki te whānuitanga o ngā tūmomo taumahi. Ka māramahia, ka whakanuia hoki te wāhi o waho mā ngā tūmomo taumahi a ngā tamariki. E pērā ana hoki te muramura, te hihiri, me te auaha o te wāhi ako o roto. He whai wāhitanga mō ngā tamariki ki te ako ngātahi hei rōpū iti, hei rōpū nui rānei, me te mahi takitahi hoki inā ka hiahia. Kei ngā pēpi tō rātou ake wāhi ako i whakaritea ai, hei wāhanga tonu o te wāhi ako rahi. Ka kite rātou i ngā tamariki tuākana e whakawhiti haere ana ki ngā tūmomo taumahi, e whakareri ana ki te kai, me te whakapai haere i ā rātou ake taumahi. E ahu mai ana ngā mahinga a ngā pēpi i ō rātou ake wā moe, wā kai, me ō rātou matea ā-tinana, ā-whatumanawa hoki. Ka whai ngā tamariki tuākana i ngā mahi e whanake haere ana i tō rātou āheinga ki te kōkiri me te tiaki i a rātou anō me ā rātou taonga. Ka kitea ki te taiao nei te tino māramatanga ki te āta whakarato mārika i tētahi wāhi ka kōkirihia ki ngā kaupapa, kia ngākau nuitia ai e ngā tamariki te ako.
E whai wāhi ana ngā tamariki ki te huarahi ako e whakaratohia ana nā ngā wawata o ngā kaumātua, ngā kaiārahi, te whānau, me ngā kaimahi o Te Wānanga Whare Tapere o Tākitimu. E whai wāhi nui ana ngā tamariki o te kōhanga reo ki tēnei taiao ako, otirā ki ngā wāhi katoa, puta noa i te wānanga. Ko ngā hononga i waenga i te kura, te wharekura, me te wānanga, e pērā ana nā ngā hononga kē ki waenga i te whānau, ngā kaimahi, me ngā kaiako. Ka whakanuia te whakawhiti atu a ngā tamariki ki ia wāhanga o te huarahi mātauranga. He māoriori, he ngāwari kē tonu te whakawhiti atu ki ia wāhanga, pērā anō ki te neke noa o te tangata ki roto i tētahi whare. Ka noho maioha ngā kaimahi, ngā kaiako, me te whānau ki te mana āhua ake o ia tamaiti, ā, e whakawhānui ana tēnei i ngā whai wāhitanga mātauranga e whakaratohia ana mā ngā tamariki. E mōhio ana ngā tamariki ki tō rātou tūnga, he ngākau titikaha ō rātou, ā, e arohaina ana rātou.
Ko ngā matea e pā ana ki te katoa o te tamaiti, e whai wāhi nui ana, e whakamōhio ana hoki i ngā mahi whakamahere a te whānau. Ko te pakari o te ārahitanga me te whakahaeretanga e hāpai ana i te whakatinanatanga o te tirohanga o te whānau. He tūtoro ngā kaumātua me te whānau, ā, e whakarato ana i te kounga kairangi o tētahi huarahi mātauranga, mai i te kōhanga reo, ki te kura kaupapa Māori, ki ngā mahi toi i Te Wānanga Whare Tapere o Tākitimu. E whakatakoto ana te tūtohinga i te tino aronga o ngā whakaritenga kia whai pūtake ai, kia whai hua ai anō hoki ngā whakahaeretanga o te kōhanga reo. He mahere rautaki tā te whānau e tautuhi ana i ngā wawata matua, ā, kua whakahāngaitia ki tā rātou mahere ā-tau. Ka whai mōhio, ka whakatakotohia anō hoki ngā whakataunga e whakatutukihia ana ki ngā hui ā-whānau. Ko te waiora o ngā tamariki te aronga matua.
E whakaaweawe ana, e whakatinana ana hoki te aromātai o roto i ngā whakataunga. E whai wāhi matua ana te aromātai o roto ki te aronga rautaki o te whānau. Ko ngā pūrongo a ngā kaimahi mō ngā akoranga a ngā tamariki me ō rātou matea mātauranga, e whakatinana haere ana i ngā whakapaitanga. Whakawhiti kōrero ai te whānau i ia te wā, hei tāutu i ngā whakatutukitanga e hāpai ana i tā rātou kōkiri whakamua ki ngā whāinga. Kua āta whakaritea te hanganga whakahaere o te kōhanga reo, ā, ka whakarerekēhia hei āhuatanga tonu o te aronga ki te whakapai haere. Ka āta whakarite te whānau i te noho matua me te whakatutukitanga mārika anō hoki o ngā mahi whakahaere i te tari. Ka akiaki mātātoa te rōpū whakahaere i te whai wāhi atu a te whānau ki te huarahi ako o ā rātou tamariki. Ko ngā tamariki te aronga matua.
Ka noho matua te aronga atu ki te whakawhanaketanga me te atawhai o ngā tamariki. Ka arotahi ngā kaimahi ki te kounga o ngā akoranga me te whakapuakitanga, mā te whakamahi i Te Whāriki me Te Korowai. Ka mahi ngātahi rātou ki te whakatutuki i ngā tūmanako e pā ana ki ngā mahi whakamahere. Ka whakawhanakehia ngā taumahi hei whakarato i te whānuitanga o ngā tūmomo wheako akoranga ki ngā tamariki. Ka whai whakaaro ngā kaimahi ki ngā rōpū reanga, me ngā ngākau nuitanga, ngā matea anō hoki o ia tamaiti, i a rātou e whakamahere ana, ā, e whakarite ana hoki mā ngā tamariki. Ka arotahi ngā kaimahi ki te whakawhanake i ngā pūkenga ake o ia tamaiti, ā, ka whakaemi rātou i ngā aromatawai e whai pūtake ana, hei whakarato i tētahi hōtaka akoranga ka whakatutuki i ngā matea o ia tamaiti, o ia rōpū tamariki hoki. Nā ngā mahi ki te aromātai i te hōtaka, ka whai wā anō hoki ki te whakaaro huritao, te whakawhitiwhiti kōrero, me te whakapuaki anō hoki i ngā rautaki hei whakapai ake i ngā putanga ki ngā tamariki. E arotahi ana te whakawhanaketanga ngaio ki te whakapiki ake i ngā mōhiotanga o ngā kaimahi, inarā, mā te aro nui ki te whakapai tonutanga. E ako ana ngā tamariki, ā, e whiwhi ana hoki rātou i ngā hua ka puta i ngā aronga i āta whakahāngaitia ai.
I te wā o te aromātai, i whakamātauhia e Te Tari Arotake Mātauranga ngā pūnaha o te kōhanga reo ki te whakahaere i ngā āhuatanga i raro iho nei e whai pānga nui ana ki te waiora o ngā tamariki:
Ko te tikanga, ka whakatairanga ngā kōhanga reo katoa i te hauora me te haumaru o ngā tamariki, me te arotake anō hoki i ia te wā i tā rātou whakatutukitanga i ngā herenga ā-ture.
Ka aromātai anō Te Tari Arotake Mātauranga i Te Kōhanga Reo o Te Wānanga Whare Tapere o Tākitimui roto i te whā o ngā tau.
Lynda Pura-Watson
Kaiurungi Whakaturuki Arotake Māori
04 Haratua, 2018
|
Te tūwāhi |
Kei Heretaunga |
|
|
Te tau a te Tāhuhu o te Mātauranga |
55179 |
|
|
Te tau tohu o Te Kōhanga Reo |
08C058 |
|
|
Te tūmomo raihana |
He kōhanga reo |
|
|
Kua raihanatia ki te ture |
Ngā Ture Mātauranga (Ratonga Kōhungahunga) 2008 |
|
|
Te tokomaha mō te raihana |
36, kia 10 ki raro i te rua o ngā tau |
|
|
Te tokomaha kei te rārangi ingoa |
35, 10 kei raro i te rua o ngā tau |
|
|
Te ira tangata |
Kōtiro 22 Tama 13 |
|
|
Ngā hononga ā-iwi |
Māori |
100% |
|
Te wā i te kōhanga reo te rōpū arotake |
Poutū-te-rangi 2018 |
|
|
Te wā o tēnei pūrongo |
04 Haratua, 2018 |
|
|
Ngā pūrongo o mua a Te Tari Arotake Mātauranga |
Arotake Mātauranga Arotake Mātauranga Arotake Mātauranga |
Paenga-whāwhā 2014 Poutū-te-rangi 2011 Haratua 2007 |
Te Kōhanga Reo o Te Wānanga Whare Tapere o Tākitimu is based in Hastings. Kaumātua and prominent leaders created the vision for the establishment of a seamless te reo Māori education pathway for whānau. The kōhanga reo is a part of this visionary complex that offers kura kaupapa Māori and tertiary performing arts education.
Since the last ERO report, 2014, the whānau has continued to uphold the vision, and upskill whānau and kaimahi as they contribute to the kaupapa and strive to achieve their long term strategic direction. Their strategic focus builds upon Te Korowai and enables comprehensive succession planning that focuses on whānau empowerment and their ongoing development.
Older children demonstrate confidence to korero Māori, as they learn and explore within Te Wānanga Whare Tapere o Tākitimu.
Babies are nurtured and are developed as they are a loved at Te Wānanga Whare Tapere o Tākitimu.
Children have a strong sense of belonging and identity. The deep whānau connections ensure ongoing contributions to the kōhanga reo and the Wānanga Whare Tāpere community. Children are well supported to repeat, recall and naturally share their pepeha, marae, maunga, awa and whānau. They understand the tikanga and kawa of the kōhanga reo and Te Wānanga Whare Tāpere. Kaimahi support children to actively participate in pōwhiri where they learn about their role as tangata whenua. The hau karakia is a kawa that is specific to Te Wānanga Whare Tāpere o Takitimu. Older children can lead while others participate in a range of these karakia and waiata. They sing about the history of their kōhanga reo and the whānau vision. They learn about their connections to the whenua. Children show absolute pride and joy as they talk about their heritage and share the stories of the kōhanga reo.
Children understand and value individual uniqueness. The whānau and kaimahi have created a wondrous learning environment that promotes manaaki, aroha and tiaki. These values underpin the essence of the kōhanga and so, the feelings that emanate include positive interactions and genuine displays of love toward each other. Kaimahi model positive relationships and children demonstrate care and respect to those around them. Tuākana display leadership and qualities of nurture as they interact with teina. Children are responsible and respectful members of the kōhanga reo whānau.
Babies are loved as they become a part of the kaupapa of the kōhanga reo. Kaimahi hold and comfort them during whole group learning activities. Babies hear waiata and kaimahi move with them to the directions and or the rhythms. There is a natural flow of physical connection to the learning that occurs. These approaches result in a natural calm for babies as they learn, and for all children throughout the kōhanga reo. The individual needs of babies and young children influence the way kaimahi support them as they learn and grow. Kaimahi work together complementing each other as they take different roles and work in different ways. The learning environment fosters co-operation, independence, flexibility and encourages freedom to make choices. Babies and older children are calm, happy and positive learners.
Children are confident communicators of te reo Māori. Kaumatua and leaders provide inspiration for the whānau and kaimahi as they all strive for excellence. There is an internal te reo Māori strategy that focuses on building the capability of whānau and kaimahi and the provision of high quality te reo Māori. Children are immersed in an environment where te reo Māori is the only language of communication. Kaimahi are fluent speakers who provide strong te reo Māori language models for children. They use a range of effective strategies to support and encourage language development. They show a deep understanding about the phases of language learning and actively seek to support their children and babies as they learn new language and patterns. A range of waiata for different occasions are integrated into the learning programme to extend children’s language development. Questions and word games are used to build children’s vocabulary. Older children use te reo Māori to express themselves in a range of different ways. These include sharing how they feel, voicing their needs, and making connections across kaupapa. Kaimahi support the babies to use hand actions, facial expressions and sounds, to share what they need to say. Babies and older children display confidence to communicate ideas, thoughts and messages in te reo Māori.
Children are enthusiastic learners who take responsibility for their learning. Kaimahi and whānau work together to design a learning environment for children where they can be explorers, develop their creative skills and have fun as they learn and play. Outdoor areas encourage exploration and allow children to do a range of activities. Understanding and valuing the outdoors is included in the things children are able to do. The indoor learning space is equally as colourful, vibrant and creative. This provides children with opportunities to work together, in small, and large groups and independently. The babies have their own learning space in the larger area. They can see older children moving between activities, getting ready for kai and tidying after themselves. The babies’ routines are based on their sleeping, eating, individual physical and emotional needs. Older children follow routines that help develop responsibility for themselves and belongings. This environment shows a great understanding about the need to truly provide a kaupapa driven space where children love learning.
Children are a part of the learning journey provided by the aspirations of the Kaumatua, leaders, whānau and kaimahi of Te Wānanga Whare Tapere o Takitimu. The kōhanga children are members of this learning environment where they have a place within the kōhanga and across the entire campus. The relationships across kura, wharekura, wānanga exist as a matter of course, due to the interconnectedness amongst whānau, kaimahi and kaiako. Movement for children from each area of this wider education pathway, is celebrated. So although there is a physical transition from one part to the other, this is as natural and calm as movement within a whare. Kaimahi, kaiako and whānau appreciate each child’s uniqueness and this expands the education opportunities provided for children. Children know their place, are confident and loved.
Children’s holistic needs influence and inform whānau planning. Strong leadership and management support the enactment of the whānau vision. The kaumatua and whānau are visionary and provide an exemplary seamless educational pathway from kōhanga reo to kura kaupapa to the Takitimu School of Performing Arts. The charter provides clear direction for managing the operations of the kōhanga reo efficiently and effectively. The whānau has a strategic plan that define key aspirations and is aligned to their annual plan. Decision-making processes at whānau hui are well informed and recorded. Children’s wellbeing is paramount.
Internal evaluation influences and informs decision making. It is an integral part of the whānau strategic approach. Kaimahi reports about children’s learning and educational needs inform improvement. Whānau have regular discussions to identify progress towards achieving their goals. The kōhanga reo has a well-established management structure that is modified as a part of an ongoing improvement focus. Whānau ensure that all administrative tasks are priorities and attended to well. Management proactively encourage whānau to participate in their children’s learning journey. Children are the focus.
Children’s development and care is a priority. Kaimahi are focussed on the quality of learning and delivery using Te Whāriki and Te Korowai. They work collaboratively to fulfil planning expectations. Activities are developed to provide children with a range of learning experiences. Ages groups, individual interests and learning needs are considered by kaimahi as they plan and prepare for children. Kaimahi focus on each child’s skills for development, gather purposeful assessment to provide a learning programme to meet their individual and group needs. Programme evaluation provides opportunities to reflect, discuss and share strategies to improve outcomes for children. Professional development is focussed on increasing kaimahi knowledge particularly aimed at ongoing improvement. Children are learning and benefit from focused approaches.
During the evaluation, ERO looked at the kōhanga reo systems for managing the following areas that have a potentially high impact on children's wellbeing:
All kōhanga reo are required to promote children's health and safety and to regularly review their compliance with legal requirements.
The next ERO evaluation of Te Kōhanga Reo o Te Wānanga Whare Tapere o Tākitimu will be in four years.
Lynda Pura-Watson
Deputy Chief Review Officer Māori
4 May 2018
|
Location |
Hastings |
||
|
Ministry of Education profile number |
55179 |
||
|
Kōhanga Reo Identification Number |
08C058 |
||
|
Licence type |
Te Kōhanga Reo |
||
|
Licensed under |
Education (Early Childhood Services) Regulations 2008 |
||
|
Number licensed for |
36 children, including up to 10 aged under 2 |
||
|
Kōhanga Reo roll |
35 children, including up to 10 aged under 2 |
||
|
Gender composition |
Girls 22 Boys 13 |
||
|
Ethnic composition |
Māori |
100% |
|
|
Review team on site |
March 2018 |
||
|
Date of this report |
4 May 2018 |
||
|
Most recent ERO report(s) |
Education Review Education Review Education Review |
April 2014 March 2011 May 2007 |
|